Zodiac Signs who Gives Best Hugs : ప్రేమతో కూడిన హగ్ ఇవ్వడం ఓ ఆర్ట్ - ఇందులో ఈ రాశులవారు స్పెషలిస్టులు

Zodiac Signs: హగ్ ఇవ్వడం ఓ ఆర్ట్. ఇందులో ఆర్టేముంది అనుకోవద్దు.. ఆనందం, బాధ, ఆవేశం, ఆగ్రహం ఎలాంటి సందర్భాల్లోనైనా ఊహించనంత ఉపశమనం కలిగిస్తుంది ఓ హగ్. ఈ విషయంలో ఈ రాశులవారు స్పెషలిస్టులంట....

Image Credit: Pixabay

Zodiac Signs who Gives Best Hugs :  సందర్భం ఏదైనా మంచి ఉపశమనం హగ్. ప్రేమతో కూడిన కౌగిలింత సంతోషంలో ఉన్నవారి సంతోషాన్ని రెట్టింపు చేస్తుంది.. బాధలో ఉండేవారికి స్వాంతన చేకూర్చుతుంది. అందుకే సందర్భం ఏదైనా ఓ హగ్ ఇచ్చే రిలీఫ్ వేరు. అంటే ఏదో మొక్కుబడిగా కాదు మీ స్పర్శలో ఆప్యాయతను ఎదుటివారు ఫీలవ్వాలి. అందుకే అంటారు హగ్ ఇవ్వడం కూడా ఓ కళ అని. ఈ విషయంలో ఈ 6 రాశులవారు స్పెషలిస్టులు అంటారు జ్యోతిష్య శాస్త్ర పండితులు..

మిథున రాశి (Gemini) (మృగశిర 3,4, ఆరుద్ర, పునర్వసు 1,2,3 పాదాలు)

ఆప్యాయత నిండిన హగ్ ఇవ్వడంలో మిథున రాశివారు స్పెషలిస్టులట. భావోద్వేగాలతో నిండిన కౌగిలింత ఇచ్చి ప్రియమైన వారికి వీడ్కోలు చెప్పాలి అనుకుంటారు. ఈ రాశివారు చూపించే ప్రేమముందు ఎవ్వరైనా దాసోహం కావాల్సిందే. 

కర్కాటక రాశి (Cancer) కర్కాటకం (పునర్వసు 4 పాదం, పుష్యమి, ఆశ్లేష)

ఒకే ఒక్క హగ్ తో ఎదుటివారు తమకు ఎంత ప్రత్యేకమో చెప్పేస్తారట కర్కాటక రాశివారు.  ఒక్కసారి కమిటైతే నేనున్నా అనే భరోసా ఇవ్వడంలో వీళ్లకు వీళ్లే సాటి. అదే నమ్మకాన్ని జీవితాంతం నిలబెట్టుకోవడంలో తగ్గేదేలే అన్నట్టుంటారు. వీరు కౌగిలింతని చాలా సున్నితమైన అంశంగా, ప్రత్యేకమైనదిగా భావిస్తారు. 

సింహ రాశి (Leo)(మఖ, పుబ్బ, ఉత్తర 1వ పాదం)

అడవికి రాజు సింహం కదా..ఈ రాశివారు హగ్స్ కి రాజు లాంటివారని చెబుతారు జ్యోతిష్య శాస్త్ర పండితులు. ఈ రాశివారు  స్నేహం, శృంగారాన్ని కలగలపిన వెచ్చని కౌగిలింత అందించడంలో స్పెషల్. తమ ప్రియమైన వారి భావోద్వేగాలను బట్టి వీరి హగ్స్ స్టైల్ మారుతుందట.

కన్యా రాశి  (Virgo) (ఉత్తర 2,3,4 పాదాలు, హస్త, చిత్త1,2 పాదాలు)

కన్యా రాశివారు మనసులో భావాలను పెద్దగా ప్రదర్శించరు కానీ..కౌగిలింతతో వ్యక్తం చేసేందుకు ఇష్టపడతారట. వీరి హగ్ సున్నితంగా, ఆప్యాయంగా అనిపిస్తుందట. 

వృశ్చిక రాశి (Scorpio) (విశాఖ 4వ పాదం,అనూరాధ, జ్యేష్ఠ)

ఎవరి భావాలను అయినా హగ్ ని అయినా స్వీకరించేందుకు వృశ్చికరాశివారు సిద్ధంగా ఉంటారు కానీ వీరు మాత్రం తమ భావాలను వ్యక్తం చేసేందుకు ఇష్టపడరట. వీరి ఆలోచనలు, హగ్స్ స్నేహపూర్వకంగా కాకుండా వ్యక్తిగతంగా ఉంటాయట. 

మీన రాశి (Pisces) (పూర్వాభాద్ర 4 పాదం, ఉత్తరాభాద్ర, రేవతి)

అన్ని రాశులవారి కన్నా మీనరాశి వారు జాలీగా ఉండటాన్ని ఇష్టపడతారు. హగ్స్ విషయంలో నీకన్నా ఎవ్వరూ ఎక్కువ లేరన్నట్టు ఉంటారట. నిస్వార్థమైన ప్రేమను అందిస్తున్నా అనే అభిప్రాయాన్ని మాటల ద్వారా కాకుండా మంచి హగ్ ద్వారా తెలియజేయాలి అనుకుంటారట.

గమనిక: కొన్ని పుస్తకాలు, జ్యోతిష్య శాస్త్ర నిపుణులు చెప్పిన వివరాల ఆధారంగా రాసిన కథనం ఇది. దీన్ని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం. మీ జన్మ నక్షత్రంలో గ్రహస్థితి ఆధారంగా కూడా మీ వ్యక్తిత్వంలో చాలా మార్పులుంటాయి.ఇవన్నీ ఒక్కరికే చెందుతాయని భావించరాదు..