Karthika Masam 2023 Starting Day: కార్తీకమాసం మొదటి రోజు - పాటించాల్సిన నియమాలివే!

Karthika Masam 2023 Starting Day: ఈ రోజు (నవంబరు 14) నుంచి కార్తీకమాసం ప్రారంభమైంది. శివకేశవులకు అత్యంత ప్రీతకరమైన కార్తీకమాసంలో ప్రతి రోజూ ప్రత్యేకతమే. మొదటి రోజు ఇలా ప్రారంభించండి...

Image Credit: Pinterest

Karthika Masam 2023 Starting Day

శ్లోకం
సర్వపాప హరంపుణ్యం వ్రతం కార్తీక సంభవం
నిర్విఘ్నం కురుమే దేవ దామోదర నమోస్తుతే "

" కార్తీక దామోదరా! నా ఈ వ్రతాన్ని నిర్విఘ్నంగా పూర్తి చేయు' అని నమస్కారం చేసి కార్తీక స్నానం ఆరంభించాలి. 

స్నానమాచరించేటప్పుడు...

సూర్యుడు తులారాశిని ప్రవేశించగానే సమస్త జలాల్లో శ్రీ  మహా విష్ణువు వ్యాపించి ఉంటాడు. పురుషులైతే మొలలోతు నీటిలో నిలబడి స్నానం చేసి.. దేవతలకు, బుషులకు, పితృదేవతలకు తర్పణాలు వదలాలి. అనంతరం బొటనవ్రేలి కొనతో నీటిని కదిపి...మూడు దోసెళ్ళ నీళ్ళను గట్టుమీద పోసి తీరానికి చేరుకోవాలి. తీరానికి చేరుకోగానే నీళ్లుకారుతున్న దుస్తుల్ని అలాగే వదిలేయకుండా వెంటనే పిండాలి. స్త్రీలు అయితే స్నానమాచరించి ఒడ్డుకి చేరుకోగానే పసుపు రాసుకుని, కుంకుమ బొట్టు పెట్టుకుని పొడిగా, శుభ్రంగా ఉండే దుస్తులు ధరించాలి. నది లేదా చెరువు ఒడ్డున బియ్యపు పిండితో ముగ్గువేసి, పసుపు కుంకుమ అద్ది..దానిపై దీపం వెలిగించి యధాశక్తి పూజించాలి.

సకలపాపాలు తొలగించే కార్తీకం

సూర్యాస్తమయం సమయంలో శివాలయం లేదా వైశ్ణవ ఆలయంలో యథాశక్తి దీపాలు వెలిగింది భక్తిశ్రద్ధలతో దేవుడిని ప్రార్థించాలి
కార్తీకమాసం వ్రతం ఆచరించడానికి వర్ణ భేదం, వయో భేదం, లింగ భేదం ఉండదు. ఎవరి శక్తిమేరకు వారు హరిహరులను స్మరించవచ్చు..కార్తీక మాసం పొడుగునా ఈ విధంగా వ్రతాన్ని  చేసిన వారు  వైకుంఠ ప్రవేశం  పొందుతారు. పూర్వ జన్మలో చేసిన, ప్రస్తుత జన్మలో చేస్తున్న పాపాలన్నీ కార్తీకమాసం వ్రతం వల్ల హరించుకుపోతాయని పండితులు చెబుతారు

దీపం వెలిగించండి

కార్తీక మాసం అంటే చంద్రుడు పౌర్ణమి రోజున కృత్తిక నక్షత్రంతో కలిసి ఉండే మాసం. కృత్తికా నక్షత్రం అగ్ని సంబంధమైన నక్షత్రం. అందుకే కార్తీక మాసంలో (Karthika masam 2023) అగ్నికి సంబంధించిన పూజలు చేస్తే విశేష పుణ్య ఫలం లభిస్తుంది. అందుకే అగ్ని సంబంధమైన దీపారాధన చేయడం వల్ల ఆ ఇంట్లోకి శివానుగ్రహం, లక్ష్మీ కటాక్షం కలుగుతుంది.  ఆవు నెయ్యితో కానీ, నువ్వుల నూనెతో కానీ దీపారాధన చేయాలి. అలాగే తులసి కోట దగ్గర కూడా దీపం పెట్టాలి. మొదటి రోజు ఇంటి గుమ్మానికి పసుపు రాసి కుంకుమ బొట్లు పెట్టి చక్కగా మామిడి తోరణాలు, పుష్పాలతో అలంకరించాలి. 

• 2023 నవంబరు 14 మంగళవారం కార్తీకమాసం ప్రారంభం పాడ్యమి
• నవంబరు 15 బుధవారం యమవిదియ - భగినీహస్త భోజనం
• నవంబరు 17 శుక్రవారం నాగుల చవితి
• నవంబరు 20 కార్తీకమాసం మొదటి సోమవారం, కార్తావీర్యజయంతి
• నవంబరు 22 యాజ్ఞవల్క జయంతి
• నవంబరు 23 మతత్రయ ఏకాదశి
• నవంబరు 24 శుక్రవారం క్షీరాబ్ది ద్వాదశి
• నవంబరు 26 ఆదివారం జ్వాలా తోరణం
• నవంబరు 27 సోమవారం - కార్తీకమాసం రెండో సోమవారం, కార్తీకపూర్ణిమ (Karthika Pournami 2023)
• డిసెంబరు 04 కార్తీకమాసం మూడో సోమవారం
• డిసెంబరు 11 కార్తీకమాసం నాలుగో సోమవారం
• డిసెంబరు 13 బుధవారం పోలి స్వర్గం

కార్తీకమాసంలో పఠించాల్సిన లింగాష్టకం
బ్రహ్మమురారి సురార్చితలింగం, నిర్మలభాసిత శోభితలింగం
జన్మజదుఃఖ వినాశకలింగం, తత్ప్రణమామి సదాశివలింగం.

దేవముని ప్రవరార్చితలింగం, కామదహన కరుణాకరలింగం
రావణదర్ప వినాశకలింగం, తత్ప్రణమామి సదాశివలింగం.

సర్వసుగంధ సులేపితలింగం, బుద్ధివివర్ధన కారణలింగం
సిద్ధసురాసుర వందితలింగం, తత్ప్రణమామి సదాశివలింగం

కనకమహాకణి భూషితలింగం, ఫణిపతివేష్టిత శోభితలింగం
దక్షసుయఙ్ఞ వినాశనలింగం, తత్ప్రణమామి సదాశివలింగం

కుంకుమ చందన లేపితలింగం, పంకజహార సుశోభితలింగం
సంచితపాప వినాశనలింగం, తత్ప్రణమామి సదాశివలింగం

దేవగణార్చిత సేవితలింగం, భావైర్భక్తిభిరేవ చ లింగం
దినకరకోటి ప్రభాకరలింగం, తత్ప్రణమామి సదాశివలింగం

అష్టదళోపరివేష్టితలింగం, సర్వసముద్భవకారణలింగం
అష్టదరిద్ర వినాశనలింగం తత్ప్రణమామి సదాశివలింగం

సురగురు సురవర పూజితలింగం, సురవనపుష్ప సదార్చితలింగం
పరమపరం పరమాత్మకలింగం తత్ప్రణమామి సదాశివలింగం

లింగాష్టకమిదం పుణ్యం, యః పఠేత్ శివసన్నిధౌ, శివలోకమవాప్నోతి, శివేన సహ మోదతే.