Astrology: ఈ రాశులవారు అయస్కాంతం టైప్ - ఇట్టే ఆకర్షించేస్తారు!

Zodiac Signs : కొందరు అందంగా ఉంటారు..మరికొందరు ఆకర్షణీయంగా ఉంటారు. ఇది కూడా మీ జన్మరాశి డిసైడ్ చేస్తుందని చెబుతారు జ్యోతిష్య శాస్త్ర పండితులు.

Image Credit: Freepik

Zodiac Signs who are the Naturally Most Attractive: అందం అంటే.. ఒక్కొక్కరు ఒక్కో నిర్వచనం చెబుతారేమో. కంటికి కనిపించే బాహ్య సౌందర్యం వేరు, మనసుని మెప్పించే అతర్గత సౌందర్యం వేరు. అందంగా ఉన్నవారంతా ఆకర్షణీయంగా ఉంటారని చెప్పలేం కానీ...ఆకర్షణీయంగా ఉండేవారు మాత్రం అందర్నీ మెప్పించే అందం కలిగి ఉంటారు. ఆకర్షణీయం అనే మాటలో... వారి రూపం, వ్యక్తిత్వం, మాటతీరు, బాడీ లాంగ్వేజ్, తెలివితేటలు ఏదైనా ఉండొచ్చు. అయితే అయస్కాంతంలా ఆకర్షించేయడంలో ఈ రాశులవారు టాప్ లో ఉంటారని చెబుతున్నారు జ్యోతిష్య శాస్త్ర పండితులు..

మీన రాశి (Pisces) (పూర్వాభాద్ర 4 పాదం, ఉత్తరాభాద్ర, రేవతి)

ఈ రాశివారిలో సృజనాత్మకత ఎక్కువ. సున్నితంగా, అత్యంత కరుణామయులులా కనిపిస్తారు. అందుకే చూడగానే నచ్చేస్తారు. అందంలోనే కాదు మంచి వ్యక్తిత్వం కూడా వీరి సొంతం. వీరి చిరునవ్వు మంత్ర ముగ్ధులను చేసేలా ఉంటుంది. ఈ రాశివారు అంత్యంత ఆకర్షణీయమైన వ్యక్తులలో టాప్ 1 లో ఉన్నారంటే అందుకుకారణం ఆకర్షణీయమైన కళ్లు.  

వృశ్చిక రాశి (Scorpio) (విశాఖ 4వ పాదం,అనూరాధ, జ్యేష్ఠ)

ఈ రాశివారిలో ఏదో సమ్మోహనం ఉంటుంది. అందంగా ఉంటారని కాదు ఈ రాశివారిలో ఏదో తెలియని ఆకర్షణ ఉంటుంది..అది.. ఇతరులని అప్రయత్నంగా తమవైపు ఆకర్షించేస్తుంది. పైగా వీరితో ఒక్కసారి కనెక్ట్ అయితే ఎప్పటికీ వదులుకోలేరు.

తులా రాశి (Libra) (చిత్త 3,4, స్వాతి, విశాఖ1,2,3 పాదాలు)

తులారాశి వారి తీరు, ప్రేమ పూర్వక ప్రవర్తన వీరిని ఆకర్షణీయంగా మారుస్తుంది. శుక్రుడు పాలించే ఈ రాశివారి రూపం అందంగా, ఆహ్లాదకరంగా అనిపిస్తుంది. ఎంత కష్టంలో అయినా ముఖంపై నవ్వు చెరగనీయని వీరి తత్వం ఈ రాశివారిని ప్రత్యేకంగా నిలబెడుతుంది. 

కన్యా రాశి  (Virgo) (ఉత్తర 2,3,4 పాదాలు, హస్త, చిత్త1,2 పాదాలు)

కన్యా రాశివారు...మేధస్సు-అందం-ఆకర్షణ ఉన్న పరిపూర్ణమైన వ్యక్తులు. వీరి తెలివితేటలు వీరిని అందర్లో ఆకర్షణీయంగా నిలబెడతాయి. ఎలా ఉంటే తాము అందర్నీ అట్రాక్ట్ చేయగలమో వీరికి బాగా తెలుసు. ప్రశాంతమైన ముఖం, పరిపూర్ణమైన గాంభీర్యం వీరిలో కనిపిస్తుంది. ఏ పని చేసినా పద్ధతిగా పూర్తిచేస్తారు. 

సింహ రాశి (Leo)(మఖ, పుబ్బ, ఉత్తర 1వ పాదం)

సింహరాశివారు తమ ప్రవర్తనతో అందర్నీ ఇట్టే ఆకర్షించేస్తారు. నిర్భయంగా కనిపిస్తారు. అత్యంత నమ్మకమైన వ్యక్తులు అనిపించుకుంటారు.  వీరి కళ్లలో, మాటలో కాన్ఫిడెన్స్ కనిపిస్తుంది. గంభీరంగా అనిపిస్తారు. ఎంత మంది మధ్యలో ఉన్నా ఈ రాశివారి ప్రత్యేకతే వేరు. 

మేష రాశి (Aries) (అశ్వని, భరణి, కృత్తిక 1వ పాదం)

మేష రాశివారి రూపం ఆకర్షణీయంగా ఉంటుంది. ఎప్పుడూ నవ్వుతూ, నవ్విస్తూ తాము ఉత్సాహంగా ఉండడమే కాకుండా తమతో పాటూ ఉండేవారిని ఉత్సాహంగా ఉంచుతారు. ఇదే వీరిలో ప్రత్యేక ఆకర్షణగా నిలుస్తుంది. ముఖ్యంగా వీరి నవ్వు, అమాయకమైన ముఖం ఎంతటివారినైనా మాయలో పడేస్తుంది. 

గమనిక: రాశిఫలాలు మొత్తం ఒకే వ్యక్తికి వర్తిస్తాయని భావించరాదు. మీ జాతకం, గ్రహస్థితి ఆధారంగా కూడా చాలా మార్పులుంటాయి. వ్యక్తిగత వివరాల కోసం అనుభవజ్ఞులైన జ్యోతిష్య పండితులను సంప్రదించగలరు…