Nara Lokesh: ‘స్టీల్ ప్లాంట్పై యూ టర్న్’ - ఇది బ్లూ మీడియా క్రియేట్ చేసిన ఫిక్షన్ స్టోరీ - నారా లోకేశ్
Vizag Steel Plant News: ఓ ఆంగ్ల పత్రిక విశాఖ స్టీల్ ప్లాంట్పై ప్రచురించిన కథనం పూర్తిగా తప్పు అని మంత్రి నారా లోకేశ్ ఖండించారు. అది బ్లూ మీడియా క్రియేట్ చేసినదని అన్నారు.
Vizag Steel Plant Privatisation: విశాఖపట్నం స్టీల్ ప్లాంటును ప్రైవేటీకరణ చేయడానికి కూటమి ప్రభుత్వం ఎలాంటి ప్రయత్నాలు చేయడం లేదని మంత్రి నారా లోకేశ్ స్పష్టం చేశారు. విశాఖ స్టీల్ ప్లాంటు తన పూర్వ వైభవాన్ని తిరిగి పొందేలా ఎన్టీఏ ప్రభుత్వం ప్రయత్నిస్తుందని అన్నారు. తాము హామీ ఇచ్చినట్లుగానే నడుచుకుంటామని చెప్పారు. మన రాష్ట్రాన్ని నాశనం చేయాలని కోరుకునే బ్లూ మీడియా సృష్టించిన ఈ తప్పుడు వార్తలను నమ్మవద్దని ఏపీ ప్రజలను నారా లోకేశ్ అభ్యర్థించారు.
“ఆంధ్రప్రదేశ్ ప్రభుత్వం వైజాగ్ స్టీల్ ప్లాంట్ ప్రైవేటీకరణపై యు-టర్న్ తీసుకుంటుంది” అనే శీర్షికతో డెక్కన్ క్రానికల్ పత్రిక కథనాన్ని ప్రచురించడం పూర్తిగా కల్పితం. దీన్ని అందరి దృష్టికి తీసుకురావాలనుకుంటున్నాం. ఇది అశాంతిని సృష్టించడానికి, విశాఖపట్నం బ్రాండ్ ఇమేజ్‌ను నాశనం చేయడానికి వైఎస్సార్ కాంగ్రెస్ పార్టీ ఆదేశానుసారం ప్రచురించిన క్లియర్ పెయిడ్ ఫిక్షన్ స్టోరీ.
విశాఖపట్నం స్టీల్ ప్లాంటు తన పూర్వ వైభవాన్ని తిరిగి పొందేలా ఎన్టీఏ ప్రభుత్వం ఎటువంటి యూ టర్న్ తీసుకోదు. మేం హామీ ఇచ్చినట్లుగానే నడుచుకుంటాం. మన రాష్ట్రాన్ని నాశనం చేయాలని కోరుకునే బ్లూ మీడియా సృష్టించిన ఈ తప్పుడు వార్తలను నమ్మవద్దని నేను ఏపీ ప్రజలను అభ్యర్థిస్తున్నాను.
డెక్కన్ క్రానికల్ వైజాగ్ కార్యాలయంలో వారి డిస్‌ప్లే బోర్డుపై జరిగిన దాడిని మేం తీవ్రంగా ఖండిస్తున్నాం. పార్టీ నాయకులు, కార్యకర్తలు సంయమనం పాటించాలని కోరుతున్నాం. వారి భావోద్వేగాలను వారి చర్యలు అణచుకోవాలని నేను అభ్యర్థిస్తున్నాను. పక్షపాతంతో కూడిన వార్తలను అందించే ఈ బ్లూ మీడియా సంస్థలపై మేం చట్టపరమైన చర్యలు తీసుకుంటాము. ఆ వార్తలు అస్సలు సరికానివి. అసంబద్ధమైనవి. వాస్తవాలు కానే కావు’’ అని నారా లోకేశ్ ట్వీట్ చేశారు.
We wish to bring to everybody’s notice that the Deccan Chronicle article titled “Andhra Pradesh govt. does a U-turn on Vizag Steel Plant privatisation” is pure paid fiction carried out at the behest of YSR Congress Party to create unrest and destroy the brand image of… pic.twitter.com/m11ai75tq3
— Lokesh Nara (@naralokesh) July 10, 2024
టాప్ హెడ్ లైన్స్
ట్రెండింగ్ వార్తలు
