Balayya - Venky : అన్‌స్టాపబుల్ షో ఏమోగానీ.. బాలయ్య-వెంకీ సంక్రాంతి వైబ్స్‌ని దించేశారుగా..

అన్‌స్టాపబుల్ విత్ ఎన్‌బికె షోకి ఇప్పుడో విశిష్ట అతిథి రాబోతున్నారు. ఇప్పటి వరకు ఇలాంటి షో లలో ఎక్కడా కనిపించని వెంకీమామతో కలిసి.. నటసింహం నందమూరి బాలకృష్ణ సంభాషించబోతున్నారు. ఆ వివరాల్లోకి వెళితే..

విక్టరీ వెంకటేష్, నటసింహం బాలకృష్ణ

Source : ABPLIVE AI

Unstoppable With NBK : ఆహా ఓటీటీలో తిరుగులేని షో గా దూసుకుపోతున్న ‘అన్‌స్టాపబుల్ విత్ NBK’ షో‌కి ఓ విశిష్ట అతిథి రాబోతున్నారు. నటసింహం బాలయ్య హోస్ట్ చేస్తున్న ఈ షో ప్రస్తుతం నాల్గవ సీజన్‌కు చేరుకుంది. ఇంతకు ముందు మూడు సీజన్లు ఎలా అయితే గ్రాండ్ సక్సెస్ అయ్యాయో.. ఇప్పుడు జరుగుతున్న నాల్గవ సీజన్ కూడా.. ‘దెబ్బకు థింకింగ్ మారిపోవాలా’ అనే తరహాలోనే ఆహా టీమ్ ప్లాన్ చేసింది. ఎందుకంటే, అసలు ఊహించని గెస్ట్‌లు ఈ సారి షో లో దర్శనమిస్తున్నారు. అయితే ఇప్పటి వరకు వచ్చిన గెస్ట్‌లు ఒక లెక్క.. ఇప్పుడు రాబోయే గెస్ట్ మరో లెక్క అన్నట్లుగా సంక్రాంతికి సరిపడా ట్రీట్‌ని రెడీ చేస్తోంది ఆహా టీమ్. 

ఇంతకీ రాబోయే గెస్ట్ ఎవరో తెలుసుగా.. ‘ఎనీ సెంటర్.. సింగిల్ హ్యాండ్.. గణేష్’ అదే మన వెంకీమామ.. బాలయ్య హోస్ట్ చేస్తున్న ఈ షో‌కు గెస్ట్‌గా రాబోతున్నారు. ఇప్పటి వరకు ఇలాంటి ఏ షోకి రాని విక్టరీ వెంకటేష్ ఫస్ట్ టైమ్ ఇలా బాలయ్య చేస్తున్న ‘అన్‌స్టాపబుల్’ షోకి వస్తుండటంతో.. వారిద్దరి మధ్య సంభాషణ ఎలా ఉంటుందో అని అంతా ఆసక్తికరంగా ఎదురు చూస్తున్నారు. తెలుగు సినిమా ఇండస్ట్రీకి రామారావు, నాగేశ్వరరావు తరం తర్వాత చిరు, బాలయ్య, నాగ్, వెంకీ.. నాలుగు మూలస్థంబాలుగా నిలబడి.. టాలీవుడ్ స్థాయిని పెంచారు. ఇప్పటికీ వారు సినిమాలు చేస్తూ.. యంగ్ హీరోలకు పోటీగా ఉంటున్నారు. అయితే ఎప్పుడూ కూడా ఇలా బాలయ్య, వెంకీ ఒకరినొకరు పలకరించుకుని, కాసేపు ముచ్చట్లు చెప్పుకున్న సందర్భం రాలేదు. ఇప్పుడు ఆహా ఆ సందర్భాన్ని క్రియేట్ చేసింది.

‘వెంకీ మామ, బాలయ్య ఒకే స్టేజ్ మీద.. నెవ్వర్ బిఫోర్ ఎవ్వర్ ఆఫ్టర్ ఎంటర్‌టైనింగ్ ఎపిసోడ్‌కి రెడీ అవ్వండమ్మా’ అంటూ ఆహా కొన్ని ఫొటోలను ట్విట్టర్ ఎక్స్‌లో షేర్ చేసింది. ఈ ఫొటోలను చూస్తే.. ఎపిసోడ్ సంగతి ఏమో గానీ.. సంక్రాంతి కళ కొట్టిచ్చినట్లు కనబడుతుంది అంటూ నెటిజన్లు కామెంట్స్ చేస్తుండటం విశేషం. ఇక బాలయ్య, వెంకీల ఎపిసోడ్ డిసెంబర్ 22న చిత్రీకరించబోతున్నట్లుగా తెలుస్తోంది. ఆహా ‘అన్‌స్టాపబుల్ విత్ ఎన్‌బికె’ సీజన్ 4 ఎపిసోడ్ 7‌గా ఈ షో టెలికాస్ట్ కానుందని షో టీమ్ అధికారికంగా ప్రకటించింది. కానీ ఎప్పుడు అనేది క్లారిటీ ఇవ్వలేదు. కాకపోతే.. వెంకీమామ ప్రస్తుతం ‘సంక్రాంతికి వస్తున్నాం’ అనే సినిమా చేస్తున్నారు. ఆ సినిమా ప్రమోషన్ నిమిత్తమే ఈ షో లో పాల్గొంటున్నారు కాబట్టి.. కచ్చితంగా బాలయ్య-వెంకీల ఎపిసోడ్ సంక్రాంతికి ముందు ట్రీట్‌గా వదులుతారని ఫిక్సయిపోవచ్చు.

Venky mama , Balayya oke stage meeda 😎 Never before ever after entertaining episode ki ready avvandi amma .#aha #UnstoppableS4 #nandamuribalakrishna #Nandamuribalakrishna #UnstoppableS4 #NBK #Sankranthi @VenkyMama pic.twitter.com/355ff1gJZ1

— ahavideoin (@ahavideoIN) December 21, 2024

ఇక ‘సంక్రాంతికి వస్తున్నాం’ సినిమా విషయానికి వస్తే.. ఇంతకు ముందు బాలయ్యతో ‘భగవంత్ కేసరి’ చిత్రాన్ని డైరెక్ట్ చేసిన అనిల్ రావిపూడి ఇప్పుడు వెంకీతో ఈ సినిమా చేస్తున్నారు. వెంకీ సరసన మీనాక్షి చౌదరి, ఐశ్వర్య రాజేష్ హీరోయిన్లుగా నటిస్తున్నారు. శ్రీ వెంకటేశ్వర క్రియేషన్స్‌ బ్యానర్‌పై దిల్ రాజు, శిరీష్ నిర్మిస్తోన్న ఈ సినిమాను సంక్రాంతి స్పెషల్‌‌గా జనవరి 14న థియేటర్లలో విడుదల చేసేందుకు ముస్తాబు చేస్తున్నారు.