Crime News: ఇద్దరు సత్రంలో.. మరో ఇద్దరు కృష్ణానదిలో.. విజయవాడలో తెలంగాణవాసుల సూసైడ్‌

విజయవాడలో ఓ ఫ్యామిలీ సూసైడ్‌ కలకలం రేపుతోంది. ఒకే కుటుంబానికి చెందిన నలుగురు ఆత్మహత్య చేసుకోవడం సంచలనంగా మారింది. నలుగురు కూడా వేర్వేరు ప్రాంతంలో ఆత్మహత్య చేసుకోవడంపై చాలా అనుమానాలు వ్యక్తమవుతున్నాయి. కన్యకా పరమేశ్వరి సత్రంలో తల్లీ కొడుకు విషం తాగి ఆత్మహత్య చేసుకున్నారు. కృష్ణానదిలో దూకి తండ్రీ కొడుకు గల్లంతయ్యారు. దుర్గమ్మ దర్శనానికి వచ్చి సూసైడ్ చేసుకుందీ కుటుంబం. 

వీళ్లంతా తెలంగాణ ప్రాంతానికి చెందిన వారిగా గుర్తించారు. దీనిపై విజయవాడ పోలీసులు విచారణ చేపట్టారు. కృష్ణానదిలో గల్లంతైన వారి కోసం గాలించి వారి మృతదేహాలను వెలికి తీశారు. అసలు వీళ్లు ఎందుకు సూసైడ్ చేసుకున్నారనే కోణంలో పోలీసు విచారణ సాగుతోంది.

నిజామాబాద్‌కు చెందిన పప్పుల శ్రీలత, సురేష్‌, ఆశిష్, అఖిల్‌ ఆత్మహత్య చేసుకున్నారు. రాత్రి వీళ్లు బస చేసిన సత్రంలో శ్రీలత, ఆశిష్ ఆత్మహత్య చేసుకున్నారు. తండ్రి సురేష్‌, కుమారుడు అఖిల్‌ కృష్ణా నదిలో దూకి తనువు చాలించారు. 22 ఏళ్ల ఆశిష్‌ నిజామాబాద్‌లో బీఫార్మసీ చదువుతున్నాడు. 28ఏళ్ల అఖిల్‌ నిజామాబాద్‌లోనే పెట్రోల్‌ బంక్‌ నడుపుతున్నాడు. తండ్రి సురేష్‌ కూడా మెడికల్‌ షాపు రన్ చేస్తున్నాడు. 

Also Read: మావోయిస్టుల కుట్ర ఛేదించిన ఒడిశా పోలీసులు... మల్కన్‌గిరిలో భారీ డంప్‌ నిర్వీర్యం...

Also Read: తగాదాలు.. అక్రమ సంబంధాలు.. రామకృష్ణ మరో సెల్ఫీ వీడియో వైరల్‌