TTD Adulterated Ghee Issue: కల్తీ నెయ్యి విషయంలో తప్పు చేసిన వారిపై చర్యలకు సిద్ధం - త్రిసభ్య కమిటీని నియమించిన ఏపీ ప్రభుత్వం

TTD Adulterated Ghee Issue: టీటీడీ కల్తీ నెయ్యి ఘటనలో ఏకసభ్య కమిటీ నివేదికపై చర్యలు తీసుకునేందుకు మరో త్రిసభ్య కమిటీని ప్రభుత్వం నియమించింది. వారంలో కమిటీ నివేదిక ఇవ్వనుంది.

కల్తీ నెయ్యి ఘటనలపై తప్పు చేసిన వారిపై చర్యలకు సిద్ధం - త్రిసభ్య కమిటీని నియమించిన ఏపీ ప్రభుత్వం

Source : x

Show Quick Read

Key points generated by AI, verified by newsroom

• టీటీడీ లడ్డూ ప్రసాదం కల్తీ వ్యవహారంపై హై లెవెల్ కమిటీ ఏర్పాటు.
• ముగ్గురు ఉన్నతాధికారుల కమిటీ వారం రోజుల్లో నివేదిక ఇవ్వనుంది.
• లడ్డూ నెయ్యి నాణ్యత, టెండర్ల ప్రక్రియపై నివేదిక పరిశీలన.
• దోషులపై కఠిన చర్యలు, వ్యవస్థలో ప్రక్షాళన లక్ష్యం.

Three Member Committee on TTD Adulterated Ghee Case:  శ్రీవారి లడ్డూ ప్రసాదం కల్తీ వ్యవహారంపై ఆంధ్రప్రదేశ్ ప్రభుత్వం మరో కీలక ముందడుగు వేసింది. ఈ వివాదంపై ఇప్పటికే విచారణ జరిపిన వన్ మెన్ కమిటీ సమర్పించిన నివేదికను లోతుగా విశ్లేషించేందుకు, తదుపరి చర్యల కోసం ముగ్గురు ఉన్నతాధికారులతో కూడిన హై లెవెల్ కమిటీ ని ఏర్పాటు చేస్తూ అధికారిక ఉత్తర్వులు జారీ చేసింది. గత ప్రభుత్వ హయాంలో జరిగిన అక్రమాలను వెలికితీసి, దోషులపై కఠిన చర్యలు తీసుకునే దిశగా ప్రభుత్వం వేగంగా అడుగులు వేస్తోంది.

ప్రభుత్వం తాజాగా ఏర్పాటు చేసిన ఈ హై లెవెల్ కమిటీకి రాష్ట్ర ప్రభుత్వ ప్రధాన కార్యదర్శి ఛైర్మన్‌గా వ్యవహరించనున్నారు. కమిటీలో సభ్యులుగా రాష్ట్ర డైరెక్టర్ జనరల్ ఆఫ్ పోలీస్, రాష్ట్ర న్యాయ శాఖ కార్యదర్శి  ఉంటారు. లడ్డూ తయారీలో వాడిన నెయ్యి నాణ్యత, టెండర్ల ప్రక్రియలో జరిగిన ఉల్లంఘనలపై ఏకసభ్య కమిషన్ చైర్మన్ దినేష్ కుమార్  ఇచ్చిన నివేదికలోని ముఖ్యాంశాలను ఈ కమిటీ క్షుణ్ణంగా పరిశీలిస్తుంది.

 వారంలోగా తుది నివేదికకు ఆదేశం 

ఈ కమిటీని ఏర్పాటు చేసిన ప్రభుత్వం, విచారణను వేగవంతం చేయాలని స్పష్టమైన ఆదేశాలు జారీ చేసింది. కేవలం  వారంలోకా సమగ్ర నివేదికను ప్రభుత్వానికి సమర్పించాలని ముఖ్యమంత్రి కార్యాలయం సూచించింది. వన్ మెన్ కమిటీ నివేదిక ఆధారంగా ఎవరెవరిపై క్రిమినల్ చర్యలు తీసుకోవాలి? ఏయే విభాగాల్లో లోపాలు జరిగాయి? భవిష్యత్తులో ఇలాంటి ఘటనలు పునరావృతం కాకుండా ఎలాంటి నిబంధనలు తీసుకురావాలి? అనే అంశాలపై ఈ ఉన్నత స్థాయి కమిటీ తన సిఫార్సులు చేయనుంది.

లడ్డూ ప్రసాదం పవిత్రతను దెబ్బతీసిన వారిని ఎట్టి పరిస్థితుల్లోనూ విడిచిపెట్టే ప్రసక్తి లేదని ప్రభుత్వం ఇప్పటికే ప్రకటించింది. లడ్డూ తయారీకి వాడే నెయ్యి సరఫరాలో రాజకీయ జోక్యం, అర్హత లేని సంస్థలకు కాంట్రాక్టులు కట్టబెట్టడం వంటి అంశాలపై ఈ కమిటీ ఇచ్చే నివేదిక అత్యంత కీలకం కానుంది. నివేదిక అందిన వెంటనే ప్రభుత్వం బాధ్యులైన అధికారులపై, గత పాలకమండలి సభ్యులపై కఠినమైన చట్టపరమైన చర్యలు తీసుకునే అవకాశం ఉందని భావిస్తున్నారు. 

 విశ్వాసాన్ని పునరుద్ధరించే ప్రయత్నం 

కోట్లాది మంది భక్తుల మనోభావాలతో ముడిపడి ఉన్న ఈ అంశాన్ని అత్యంత సున్నితంగా , పారదర్శకంగా పరిష్కరించాలని ప్రభుత్వం భావిస్తోంది. హై లెవెల్ కమిటీ ఇచ్చే నివేదిక ద్వారా శ్రీవారి ప్రసాదం విషయంలో జరిగిన అపచారానికి గల కారణాలను బహిర్గతం చేసి, టీటీడీ వ్యవస్థలో ప్రక్షాళన తీసుకురావడమే లక్ష్యంగా ప్రభుత్వం ఈ నిర్ణయం తీసుకుంది. వారం రోజుల్లో నివేదిక రానుండటంతో, తదుపరి కఠిన నిర్ణయాలు తీసుకునే అవకాశం ఉంది.                                                              

 

మరిన్ని చదవండి

కల్తీ నెయ్యి కేసులో అసెంబ్లీలో టీడీపీకి వాకోవర్ ఇచ్చిన వైసీపీ - నష్టం అంచనా వేయలేనంత!

కల్తీ నెయ్యి వ్యవహారాన్ని జగన్ ఎందుకు నెత్తికెత్తుకున్నారు? - వైసీపీ వ్యూహాత్మక తప్పిదం చేసిందా?