AP Corona Cases: ఏపీలో కొత్తగా 222 కరోనా కేసులు.. ఇద్దరు మృతి

ఏపీలో కొత్తగా 222 కరోనా కేసులు నమోదయ్యాయి. వైరస్ కారణంగా ఇద్దరు మృతి చెందారు.

ప్రతీకాత్మక చిత్రం

ఆంధ్రప్రదేశ్ లో కరోనా కేసులు స్థిరంగా కొనసాగుతున్నాయి. 24 గంటల్లో 31,473 మంది నమూనాలు పరీక్షించారు. 222 కొత్త కేసులు నమోదవ్వగా.. వైరస్ బారిన పడి ఇద్దరు మృతి చెందారు. కొత్తగా కొవిడ్ నుంచి 275 మంది కోలుకున్నారు. ప్రస్తుతం 2,560 యాక్టివ్‌ కేసులు ఉన్నాయని వైద్యారోగ్యశాఖ బులెటిన్‌లో చెప్పింది. 

ఏపీ గవర్నర్‌ బిశ్వభూషణ్‌ హరిచందన్‌, ఆయన సతీమణి సుప్రవ హరిచందన్‌లు నిన్న కొవిడ్‌ సోకింది. ఇటీవల దిల్లీ పర్యటన ముగించుకొని విజయవాడ చేరుకున్న గవర్నర్‌ రెండు రోజులుగా జలుబు, దగ్గుతో బాధపడ్డారు. గవర్నర్‌ దంపతులకు ఈ నెల 15న ఆర్టీపీసీఆర్‌ పరీక్షలు నిర్వహించారు. కొవిడ్‌ పాజిటివ్‌గా నిర్ధారణైంది. హైదరాబాద్‌లోని ఏషియన్‌ ఇన్‌స్టిట్యూట్‌ ఆఫ్‌ గ్యాస్ట్రోఎంటరాలజీ(ఏఐజీ)కి వారిని తరలించాలని రాజ్‌భవన్‌ మంగళవారమే ప్రత్యేక విమానం ఏర్పాటు చేయాలని రాష్ట్ర ప్రభుత్వాన్ని కోరింది.

అది కుదరకపోవడంతో రాజ్‌భవన్‌ వర్గాలు ప్రధానమంత్రి కార్యాలయాన్ని సంప్రదించాయి. వారు బుధవారం హుటాహుటిన సైనిక విమానాన్ని హైదరాబాద్‌ నుంచి విజయవాడకు పంపారు. ప్రత్యేక విమానంలో గవర్నర్‌ దంపతులు బేగంపేట విమానాశ్రయానికి చేరుకున్నారు. అక్కడి నుంచి నేరుగా గచ్చిబౌలిలోని ఏఐజీకి అంబులెన్సులో వెళ్లారు.

దేశం​లో కొవిడ్​ కేసుల సంఖ్య నిన్నటితో పోలిస్తే కాస్త పెరిగింది. తాజాగా 11,919 మందికి కొవిడ్​ పాజిటివ్​ కేసులు నమోదయ్యాయి. మహమ్మారి​ ధాటికి మరో 470 మంది మరణించారు. తాజాగా 11,242 మంది కరోనా నుంచి కోలుకున్నారు.

మొత్తం కేసులు: 3,44,78,517
‬మొత్తం మరణాలు: 4,64,623
‬యాక్టివ్​ కేసులు: 1,28,762
కోలుకున్నవారు: 3,38,85,132

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి