పసిపాపకి పాలు పట్టేందుకు అవస్థలు పడుతున్న తల్లి

ఈ చిన్నారి పుట్టి 44రోజులయింది. 23 రోజులపాటు తల్లీ ఓడిలో ఉంటూ.. తల్లీ పాలు తాగుతూ.. తల్లీ ప్రేమ మధ్య ఉన్న ఈ పసిపాపకు 23 రోజుల తర్వాత తల్లీ అనారోగ్యంతో మృతిచెందింది. ఇప్పుడు ఈ పసిపాప తల్లీ కోసం ఎంతో ఆరాటపడుతోంది. తల్లీ పాలు లేక గుక్కున ఏడుస్తోంది. ఈ పసిపాపకు ఇప్పుడు తన అమ్మమ్మ,నే అన్నీ తానై.. డబ్బా పాలు తాగిపిస్తూ కంటికి రెప్పలా పాపను చూసుకుంటోంది. డబ్బా పాల కోసం 6 కిలోమీటర్లు సైద్ పూర్, సాంగ్వి గ్రామానికి కాలినడకనే వెళ్ళాలి. లేదా అక్కడ నుంచి ఆటోలో 45 కిలోమీటర్ల దూరంలో అదిలాబాద్ కి వెళ్లి తీసుకురావాలి. ఇప్పుడు పాపకు వచ్చిన కష్టం ఇదే. దట్టమైన అడవిలో ఉండే ఈ కోలాం గిరిజన గ్రామంలో ఉన్న పసిపాపను అక్కున చేర్చుకుని ఆదుకునేదేవరు అన్న ప్రశ్న తెరపైకి వస్తోంది. ఆదిలాబాద్ జిల్లాలో పసిపాప పాలకోసం కష్టాల పై abp దేశం అందిస్తున్న ప్రత్యేక కథనం ఇది.