Virat Kohli Injured in IPL 2026 ? | కాలికి కట్టుతో విరాట్.. టెన్షన్ లో ఫ్యాన్స్

రాయల్ ఛాలెంజర్స్ బెంగళూరు అభిమానులకు షాక్ ఇచ్చే న్యూస్ ఒకటి వైరల్ అవుతుంది. అదిరిపోయే ఫామ్‌లో ఉండి, ఆరెంజ్ క్యాప్ రేసులో దూసుకుపోతున్న రన్ మెషీన్ విరాట్ కోహ్లీ గాయపడినట్లు తెలుస్తోంది. సోషల్ మీడియాలో వైరల్ అవుతున్న ఒక వీడియో ఆర్‌సీబీ క్యాంప్‌లో కంగారు పుట్టిస్తుంది. లక్నోతో జరిగే మ్యాచ్‌లో కింగ్ కోహ్లీ ఆడతాడా లేదా? అంటూ ఫ్యాన్స్ టెన్షన్ పడుతున్నారు. 

బెంగళూరులోని చిన్నస్వామి స్టేడియంలో జరిగిన ప్రాక్టీస్ సెషన్‌లో కోహ్లీ కాలికి బ్యాండేజ్ కట్టుకుని కనిపించాడు. లక్నో సూపర్ జెయింట్స్ షేర్ చేసిన ఒక వీడియోలో.. కోహ్లీ, రిషబ్ పంత్, కేన్ విలియమ్సన్‌లతో మాట్లాడుతున్నప్పుడు అతని అంకల్ కు బ్యాండేజ్ కనిపించింది. ముంబై ఇండియన్స్‌తో జరిగిన గత మ్యాచ్‌లో విరాట్ 50 పరుగులు చేసి జట్టును గెలిపించినా, ఫీల్డింగ్ సమయంలో మైదానంలోకి రాకుండా డ్రెస్సింగ్ రూమ్‌లోనే ఉండిపోవడం అప్పుడే అనుమానాలకు దారితీసింది. 

ఒకవేళ లక్నోతో జరిగే కీలక మ్యాచ్‌కు కోహ్లీ దూరమైతే అది ఆర్‌సీబీకి కోలుకోలేని దెబ్బ అవుతుంది. విరాట్ కోహ్లీ ఆడటంపై ఆర్‌సీబీ మేనేజ్‌మెంట్ నుండి అధికారిక ప్రకటన రావాల్సి ఉంది. కోహ్లీ లేని ఆర్‌సీబీ బ్యాటింగ్ లైనప్‌ను ఊహించడం కష్టం. మరి విరాట్ కోహ్లీ గాయం నుంచి కోలుకుని లక్నోపై బరిలోకి దిగుతాడా లేదా అన్నది చూడాలి.