New Zealand Out Of T20 Worldcup 2024 | టీ20 వరల్డ్ కప్ నుంచి న్యూజిలాండ్ అవుట్
20 వరల్డ్ కప్ 2024లో మరో సంచలనం. టోర్నమెంట్ ప్రారంభానికి ముందు హాట్ ఫేవరెట్లలో ఒకటైన న్యూజిలాండ్ కథ గ్రూప్ దశలోనే ముగిసింది. పపువా న్యూ గినియాపై ఆఫ్ఘన్ గెలుపుతో గ్రూప్-సి నుంచి న్యూజిలాండ్ వెనుదిరిగింది. ఈ గ్రూపు నుంచి ఆఫ్ఘనిస్తాన్, వెస్టిండీస్ జట్లు సూపర్-8కు చేరుకున్నాయి.
న్యూజిలాండ్ ఇంతవరకు ఈ ప్రపంచకప్‌లో ఒక్క మ్యాచ్ కూడా గెలవలేదు. మొదటి మ్యాచ్‌లో ఆఫ్ఘనిస్తాన్ చేతిలో 84 పరుగులతో, రెండో మ్యాచ్‌లో వెస్టిండీస్ చేతిలో 13 పరుగులతో ఓటమి పాలైంది. ఉగాండా, పపువా న్యూ గినియాలతో మ్యాచ్‌లు ఆడాల్సి ఉంది. కానీ అంతకు ముందే వారి ఫేట్ డిసైడ్ అయిపోయింది.
న్యూజిలాండ్ కెప్టెన్ కేన్ విలియమ్సన్, ఆఫ్ఘనిస్తాన్ కెప్టెన్ రషీద్ ఖాన్‌లు ఒకప్పుడు సన్‌రైజర్స్ జట్టులో కీలకపాత్ర పోషించిన సంగతి తెలిసిందే. ప్రస్తుతం గుజరాత్ టైటాన్స్ టీమ్‌లో కూడా ఇద్దరూ కలిసే ఆడుతున్నారు. దీంతో ఐపీఎల్ టీమ్ మేట్ కేన్ మామను రషీద్ ఖాన్ చావు దెబ్బ తీశాడని నెటిజన్లు అంటున్నారు.
ప్రస్తుతం ఆఫ్ఘనిస్తాన్ ఈ గ్రూప్‌లో టాపర్‌గా ఉండటం విశేషం. అయితే వెస్టిండీస్, ఆఫ్ఘనిస్తాన్ జట్ల మధ్య చివరి గ్రూప్ మ్యాచ్ జరగాల్సి ఉంది. ఈ మ్యాచ్‌లో గెలిచిన వారు గ్రూప్ టాపర్‌గా ఉంటారు. ఒకవేళ మ్యాచ్ రద్దయితే మెరుగైన రన్ రేట్‌తో ఆఫ్ఘనిస్తాన్ గ్రూప్ టాపర్ స్టేటస్‌ను పొందుతుంది.
టాప్ హెడ్ లైన్స్
ట్రెండింగ్ వార్తలు
