Virat Kohli Emotional with Anushka Sharma | ఐపీఎల్ ట్రోఫీ సాధించి భార్య చేతిలో పెట్టిన కోహ్లీ

 క్రికెట్ లో ఎంతటి మహారాజు అయినా ఎమోషనల్ సైడ్ కోహ్లీ ఎప్పటికి చిన్నపిల్లాడే. విపరీతమైన భావోద్వేగాలను ప్రదర్శిస్తూ గ్రౌండ్ లో రచ్చ రచ్చ చేస్తుంటాడు కోహ్లీ. విజయాన్ని తీవ్రస్థాయిలో సెలబ్రేట్ చేసుకుంటూ...ఓటమికి డీలా పడిపోతూ మళ్లీ పుంజుకుంటూ ఇలా ఓ ప్యూర్ క్రికెటర్ ఎమోషన్స్ అన్నీ ఉంటాయి కోహ్లీ ముఖ కవళికల్లో. అలాంటి కోహ్లీ ని బ్యాలెన్స్ చేయగలిగేది ఈ ప్రపంచంలో అనుష్క శర్మ మాత్రమే. ఈ విషయాన్ని ఎన్నోసార్లు చెప్పాడు విరాట్. తన భార్య తన జీవితంలోకి వచ్చిన తర్వాత తన లైఫ్ కి ఓ కంప్లీట్ నెస్ వచ్చిందన్న విరాట్ కోహ్లీ..18ఏళ్ల తర్వాత తన కలను, తను అనుకున్న లక్ష్యాన్ని సాధించిన క్షణాలను తన వైఫ్ తో సెలబ్రేట్ చేసుకున్నాడు. మ్యాచ్ గెలవగానే గ్రౌండ్ లోకి వచ్చిన అనుష్కను హగ్ చేసుకుని ఎమోషనల్ అయిన కోహ్లీ తర్వాత తనతో కలిసి ఫోటోలకు ఫోజులు ఇచ్చాడు. ఆ తర్వాత ట్రోఫీని అందుకుని సెలబ్రేట్ చేసుకున్న కోహ్లీ కప్ ను తీసుకువచ్చి తన భార్య చేతుల్లో పెట్టి తను సాధించానని చెబుతూ ఉప్పొంగిపోయాడు. నిజంగా ఎవరికైనా ఎమోషనల్ మూమెంట్ ఇది. అనుష్క శర్మ విరాట్ అండ్ వాళ్ల ఫ్యామిలీ కోసం సినిమాలకూ దూరంగా ఉంటున్నారు. 2019 తర్వాత సినిమాలే చేయని అనుష్క శర్మ ప్రస్తుతం లండన్ లో తమ ఇద్దరు పిల్లలను చూసుకుంటూ ఫ్యామిలీ లైఫ్ కే ప్రయారిటీ ఇస్తున్నారు. అలా తన కోసం తన కెరీర్ ను సపోర్ట్ చేయటం కోసం తన కెరీర్ ను పక్కన పెట్టి వైఫ్ కి అట్మోస్ట్ రెస్పెక్ట్ ఇచ్చిన కోహ్లీ ఈ విజయాన్ని అనుష్క శర్మకు అంకితం చేస్తూ గ్రౌండ్ లోనే ఫుల్ ఎమోషనల్ అండ్ హ్యాపీ నెస్ తో కనిపించాడు కింగ్ విరాట్ కోహ్లీ.