White Ball Turns Pink in PSL 2026 | పాక్ క్రికెట్ పరువు తీసిన పింక్ బాల్ | ABP Desam

పాకిస్థాన్ క్రికెట్ బోర్డు నిర్వహించే లీగ్‌లు ఎప్పుడూ ఏదో ఒక వివాదంతో వార్తల్లో నిలుస్తూనే ఉంటాయి. అయితే ఈసారి పాకిస్థాన్ ప్రీమియర్ లీగ్‌లో జరిగిన ఒక వింత సంఘటన ఇప్పుడు అందర్నీ షాక్ కు గురి చేస్తుంది. మ్యాచ్ జరుగుతుండగా వైట్ బాల్ కాస్తా పింక్ కలర్‌లోకి మారిపోవడం నెట్టింట హాట్ టాపిక్‌గా మారింది.

సాధారణంగా లిమిటెడ్ ఒవర్స్ క్రికెట్ లో వైట్ బాల్ ని ఉపయోగిస్తారు. కానీ పాక్ లీగ్‌లో మ్యాచ్ జరుగుతుండగా, ఆ తెల్లటి బంతి కాస్త.. గులాబీ రంగులోకి మారిపోయింది. దీనికి సంబంధించిన ఫోటోలు సోషల్ మీడియాలో వైరల్ కావడంతో అభిమానులు షాక్‌కు గురయ్యారు. అది డే అండ్ నైట్ టెస్ట్ మ్యాచ్‌లో వాడే పింక్ బాల్ అని అంతా భ్రమపడ్డారు.

ఈ రంగు మార్పుకు అసలు కారణం ప్లేయర్స్ వేసుకున్న జెర్సీలేనని విశ్లేషకులు భావిస్తున్నారు. ప్లేయర్స్ వేసుకున్న డ్రెస్సులు నాణ్యత లేనివి కావడంతో, చెమట వల్ల ఆ జెర్సీల రంగు బంతికి అంటుకుందని తెలుస్తోంది. lahore qalandars vs hyderabad kingsmen మధ్య జరిగిన మ్యాచ్ లో ఈ సంఘటన జరిగింది. hyderabad kingsmen జెర్సీల రంగు వైట్ బాల్ కు అంటుకుంది. నాణ్యమైన జెర్సీలు కూడా ప్లేయర్లకు అందించలేకపోవడంపై ఫ్యాన్స్ అసంతృప్తి వ్యక్తం చేస్తున్నారు.