India U-19 Crushes Uganda : గ్రూప్ టాపర్స్ గా క్వార్టర్స్ కు భారత్ | CWC | India | ABP Desam

పసికూన ఉగాండాపై భారీ విజయంతో అండర్-19 ప్రపంచకప్ గ్రూప్ దశను భారత్ ముగించింది. హ్యాట్రిక్ విజయాలతో గ్రూప్ టాపర్ గా నిలిచింది. తన క్వార్టర్స్ ను జనవరి 29న ఆడనుంది. ఆఖరి మ్యాచ్ లో తొలుత బ్యాటింగ్ ఎంచుకున్న భారత్..... 50 ఓవర్లలో 5 వికెట్లకు 405 పరుగులు చేసింది. ఓపెనర్ రఘువంశీ 144 పరుగులు, మరో బ్యాటర్ రాజ్ బవా 162తో చెలరేగారు. ఈ క్రమంలో రాజ్ బవా శిఖర్ ధావన్ పేరిట ఉన్న రికార్డు బద్దలుకొట్టాడు. అండర్-19లో భారత్ తరఫున అత్యధిక స్కోరు నమోదు చేశాడు. ఛేదనకు దిగిన ఉగాండా.... 19.4 ఓవర్లలోనే 79 పరుగులకు కుప్పకూలింది.