Viral Video: ఫలక్ నుమా శ్మశాన వాటికలో ఆరడుగుల కొండ చిలువ, వీడియో వైరల్
Viral Video: హైదరాబాద్ ఫలక్ నుమా శ్మశాన వాటికలో ఆరడుగుల కొండ చిలువ కలకలం సృష్టించింది. పామును గుర్తించిన పలువురు వీడియో తీసి నెట్టింట పోస్ట్ చేయగా వైరల్ గా మారింది.
Viral Video: హైదరాబాద్ లోని ఫలక్ నుమా స్మశాన వాటికలో 6 అడుగుల పొడవున్న కొండ చిలువ కలకలం రేపింది. ఇందుకు సంబంధించిన ఓ వీడియో ప్రస్తుతం నెట్టింట వైరల్ గా మారంది. ఫలక్ నుమాలోని క్వాద్రీ చమన్ శ్మశాన వాటికకు వెళ్లిన కొందరు వ్యక్తులు అక్కడ ఆరుడుగుల కొండ చిలువను గుర్తించారు. వెంటనే సెల్ ఫోన్ లో దాన్ని బంధించారు. అర్ధరాత్రి శ్మశాన వాటికలో పెద్ద పాము సంచరిస్తుండగా తీసిన ఈ వీడియో.. నెటిజెన్లను తీవ్ర భయభ్రాంతులకు గురిచేస్తోంది. విషయం తెలుసుకున్న స్థానిక ప్రజలు.. ప్రమాదకరమైన ఈ కొండ చిలువను వెంటనే గుర్తించి అక్కడి నుంచి తీసుకెళ్లి అడవిలో వదిలేయాలని కోరుతున్నారు. చిన్న చిన్న పిల్లలు శ్మశాన వాటికలో ఉన్న చింత చెట్టు వద్దకు వెళ్తుంటారని, అలాగే వివిధ కార్యక్రమాల నిమిత్తం అనేక మంది అక్కడకు వస్తుంటారని తెలిపారు. అందవల్ల అటవీ శాఖ అధికారులు వెంటనే స్పందించి పామును పట్టుకోవాలని కోరారు.
Large python was seen crawling in a graveyard in Falaknuma ,Hyderabad #Falaknuma #Python Astagferullah ha Rabbi wa atubu ellaihe pic.twitter.com/GtSBVCewOD
— MIRZA BAIGE™ (@BaigsonAuction) October 6, 2022
అయితే ఈ వీడియోను ఓ నెటిజన్ షేర్ చేశారు. "ఫలక్‌నుమాలోని శ్మశాన వాటికలో కొండచిలువ పాకుతున్న వీడియో సోషల్ మీడియాలో వైరల్‌గా మారింది" అనే క్యాప్షన్‌ కూడా ఇచ్చారు. ఈ వీడియో చూసిన ప్రతీ ఒక్కరూ ఆ పాము వల్ల ఎవరికీ ఎలాంటి సమస్య రాకూడదంటు కామెంట్లు చేస్తున్నారు.
ఇటీవలే బడికెళ్తున్న పాప బ్యాగులో పాము..
ఓ పాఠశాల విద్యార్థిని బ్యాగ్‌లో పాము కనిపించడంతో అక్కడున్న వారంతా హడలిపోయారు. బ్యాగ్ నుంచి పామును బయటకు తీసిన వీడియో ప్రస్తుతం సోషల్ మీడియాలో వైరల్ అవుతోంది. మధ్యప్రదేశ్ షాజ్‌పూర్‌లో ఈ ఘటన జరిగింది. పాఠశాలకు వెళ్లిన 10వ తరగతి విద్యార్థిని తన బ్యాగ్‌లో ఏదో మెదులుతుందని గ్రహించి.. వెంటనే ఉపాధ్యాయుడికి విషయాన్ని చెప్పింది. దీంతో అనుమానం వచ్చిన టీచర్.. ఆ స్కూల్ బ్యాగ్‌ని పూర్తిగా క్లోజ్‌చేసి స్కూల్ బయటకు తీసుకువచ్చారు.
कक्षा 10 की छात्रा कु. उमा रजक के बैग से, घर से स्कूल आकर जैसे ही बैग खोला तो छात्रा को कुछ आभाष हुआ तो शिक्षक से शिकायत की, कि बस्ते में अंदर कुछ है, छात्रा के बैग को स्कूल के बाहर ले जाकर खोला तो बैग के अंदर से एक नागिन बाहर निकली, यह घटना दतिया जिले के बड़ोनी स्कूल की है। pic.twitter.com/HWKB3nktza
— Karan Vashistha BJP 🇮🇳 (@Karan4BJP) September 22, 2022
నెమ్మదిగా జిప్‌ ఓపెన్‌ చేశారు. ఆ తర్వాత అందులో ఉన్న పుస్తకాలన్నీ బయటకు తీసేశారు. ఆ తర్వాత బ్యాగ్‌ని తలకిందులుగా చేసి దులపగానే ఒక్కసారిగా తాచుపాము బుసలు కొడుతూ బయటకు వచ్చింది. దీంతో ఒక్కసారిగా విద్యార్థులు, ఉపాధ్యాయుడు షాక్‌ అయ్యారు.
అయితే అదృష్టవశాత్తు ఆ పాము ఆ బ్యాగ్ నుంచి బయటపడ్డాక వారిపై దాడి చేయకుండా అక్కడ నుంచి వెళ్లిపోయింది. దీంతో త్రుటిలో పెను ప్రమాదం నుంచి వారంతా బయటపడ్డారు. ఈ ఘటనకు సంబంధించిన వీడియో సోషల్ మీడియాలో వైరల్ అవుతోంది.
అంతకు ముందు షూలో దర్శనం ఇచ్చిన నాగుపాము..
You will find them at oddest possible places in https://t.co/2dzONDgCTj careful. Take help of trained personnel.
— Susanta Nanda (@susantananda3) July 11, 2022
WA fwd. pic.twitter.com/AnV9tCZoKS
ఇటీవల ఓ చెప్పుల స్టాండులో నుంచి షూ వేసుకునేందుకు వచ్చిన మహిళకు అందులో నాగుపాము ముడుచుకొని పడుకొని ఉండటం చూసి షాక్‌కు గురైంది. వెంటనే ఓ ఇనుప రాడ్‌ను షూ లోపల నెట్టడంతో నాగుపాము పడగ విప్పి మహిళను కాటు వేసేందుకు ప్రయత్నించింది. చివరికి ఎలాగోలా ఆ పామును బయటకు పంపారు.
ఇండియన్ ఫారెస్ట్ సర్వీస్ (IFS) అధికారి సుశాంత నంద షూలో పడుకున్న నాగుపాము వీడియోను ట్విట్టర్‌లో షేర్ చేశారు. క్యాప్షన్‌లో వర్షాకాలంలో పలు ప్రదేశాలలో పాములు కనిపిస్తాయి కాబట్టి ప్రజలు జాగ్రత్తగా ఉండాలని హెచ్చరించారు. షూలోపల నాగుపాము పడుకున్న వీడియో సోషల్ మీడియాలో వైరల్ అయింది.
టాప్ హెడ్ లైన్స్
ట్రెండింగ్ వార్తలు
