Fruit chai of Surat: యాపిల్, సపోట, అరటి పండ్లతో చాయ్, ఇతడిని ఎవరికైనా చూపించండయ్యా!

ప్రపంచంలో ఎన్నో ఘోరాలను చూస్తున్నాం. కాబట్టి, ఇది పెద్ద ఘోరంగా అనిపించకపోవచ్చు. కానీ, ఆ టీ తాగేవాడి పరిస్థితి తలచుకుంటేనే కాస్త బాధ వేస్తోంది.

Image Credit: Amar Sirohi/Instagram

Tea with Fruits | చాయ్ అంటే.. చిక్కని పాలలో కాసింత టీపొడి వేసి, బాగా మరిగిస్తే చాలు. కాస్త ఘాటుగా కావాలంటే అల్లం లేదా యాలికలు వేసుకోవాలి. అంతేగానీ, చేతికందిన పండ్లు, కాయగూరలు వేసేస్తారా? ఇది చాలా దారుణం కదా? అందుకే, నెటిజనులు దీనిపై ఆందోళన వ్యక్తం చేస్తున్నారు. ఆ చాయ్‌కు న్యాయం చేయాలని డిమాండ్ చేస్తున్నారు. 

క్రియేటివిటీ మంచిదే.. కానీ, మరీ ఇంత అరాచకమైన క్రియేటివిటీని భరించడం కాస్త కష్టమే. ముఖ్యంగా ఆహర పానీయాల తయారీల విషయంలో ఒళ్లు దగ్గర పెట్టుకోవాలి. తేడా వస్తే.. కడుపు కల్లోలమైపోతుంది. ఏదో ఒకటి రెండు కాబినేషన్ల ఆహారాలు బాగానే ఉంటాయి. కానీ, సహజ శైలికి విరుద్ధంగా కొత్త రుచులను ప్రయత్నిస్తే.. ఆహార ప్రియులు స్వాగతించడం కష్టమే. కొందరికైతే కడుపులో వికారం కూడా కలుగుతుంది. 

మొన్నటివరకు రకరకాల వింత వంటకాలు సోషల్ మీడియాలో చక్కర్లు కొట్టడాన్ని మీరు చూసే ఉంటారు. ఐస్ క్రీమ్ వడా పావ్, గులాబ్ జామూన్ పాన్ కేక్‌లు, మ్యాగీ పానీ పూరి, కివి పిజ్జా, చాక్లెట్ మ్యాగీ వంటి ఎన్నో అరాచకమైన వంటలను ఇటీవల చూడాల్సి వచ్చింది. ఇటీవల అలాంటి ప్రయోగాలేవీ జరగడం లేదులే.. అని హాయిగా ఊపిరి పీల్చుకుంటున్న సమయంలో.. ఇదిగో ఈ ‘ఫ్రూట్ టీ’ ప్రత్యక్షమైంది. 

గుజరాత్‌లో సూరత్‌కు చెందిన ఓ టీ వ్యాపారి.. చాయ్ తయారీకి పండ్లను ఉపయోగిస్తున్నాడు. అందులో పాలు, టీపొడి మాత్రమే కాదు.. అరటి పండు, యాపిల్ పండు, సపొటను చీల్చి చెండాడి మరీ చాయ్‌లో కలిపేస్తున్నాడు. ఆ తర్వాత ఆ మిశ్రమాన్ని కప్పులో వేసి కస్టమర్లకు అందిస్తున్నాడు. ఈ వీడియో ఇప్పుడు సోషల్ మీడియాలో వైరల్‌గా మారింది. ఇప్పటికే 78 వేల మందికి పైగా దీన్ని వీక్షించారు. ఈ ఘోరం చూసి.. కొందరు ఆహార ప్రియులు ‘‘ఆయన్ని ఎవరికైనా చూపించడయ్యా’’ అని అంటున్నారు. మరికొందరు ‘‘చాయ్‌కు న్యాయం కావాలి’’ అని నినాదిస్తున్నారు. మీరు కూడా ఈ వీడియో చూసి మీ నిరసన వ్యక్తం చేయండి. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Amar Sirohi (@foodie_incarnate)