Flying Ghost: పొలంలో ఘోస్ట్ రైడర్... బొమ్మను చూసి పక్షులు పరార్... యువరైతు వినూత్న ఆలోచన

ఓ యువరైతు వినూత్న ఆలోచన తన పంటను పక్షులు, జంతువుల నుంచి రక్షించింది. ఈ ఘోస్ట్ రైడర్ బొమ్మ ఇప్పుడు ఆ గ్రామంలో హాట్ టాపిక్ అయ్యింది.

యువకుడు వినూత్న ఆలోచన(ప్రతీకాత్మక చిత్రం)

ఓ యువరైతు చేసిన వినూత్న ఆలోచన పంటనష్టాన్ని తగ్గించింది. అటవీ జంతువులు, పక్షుల నుంచి పంటను కాపాడుకునేందుకు ఆ రైతు ఘోస్ట్ రైడర్ ను బొమ్మను రూపొందించారు. ఈ హర్రర్ బొమ్మ గాలికి ఊగడం చూసిన జంతువులు, పక్షులు ఆ పంటపొలం దారిదాపుల్లోకి రావడంలేదు. గాలి వీచినప్పుడల్లా ఈ బొమ్మ తనకు తాను అటు ఇటూ ఊగుతుంది. దీంతో వ్యవసాయ క్షేత్రంలో ఉన్న పంటలపై వాలే పక్షులు, అటవీ జంతువులు ఈ బొమ్మ ఊగడం చూసి ఉలిక్కిపడి పంట పొలంలోకి రాకుండా దూరంగా ఉంటాయి. దీనికి కేవలం రూ. 900 మాత్రమే ఖర్చు అయిందని, ఎవరికైనా ఈ ఊగే బొమ్మ కావాల్సి ఉంటే తయారు చేసి ఇస్తానని చెపుతున్నాడు యువరైతు సాయికిరణ్.

ఆదిలాబాద్ జిల్లా ఇంద్రవెల్లి మండలం ముత్నూర్ గ్రామానికి చెందిన యువరైతు ముండే సాయికిరణ్ అటవీ జంతువులు, పక్షుల బారి నుంచి పంటను కాపాడుకునేందుకు ఘోస్ట్ రైడర్ లాంటి ఊగే బొమ్మను  తయారు చేశారు. ఈ ఊగే బొమ్మ వల్ల వ్యవసాయ క్షేత్రంలోకి అటవీ జంతువులు, పక్షులు రావడంలేదని యువకుడు తెలిపారు. పంటలు నష్టపోకుండా ఈ బొమ్మ ఎంతో ఉపయోగపడుతుందంటున్నారు. 

తగ్గిన పంట నష్టం 

ఈ బొమ్మ తయారికీ ఓ సైకిల్ హాండీల్, ఒక డబ్బా, ఒక పైపు, ఒక స్ప్రింగ్ తో జోడించి సైకిల్ హాండీల్..డబ్బాకు ఓ పాత అంగిని తొడిగించి దానికి కొన్ని చినిగిపోయిన పెలుకలను జతచేసి బొమ్మను అమర్చి స్టాండును ఏర్పాటు చేశారు. గాలీ వీచినప్పుడల్లా ఈ బొమ్మ తనకు తాను ఇలా అటు ఇటూ ఊగుతోంది. దీంతో వ్యవసాయ క్షేత్రంలో ఉన్న పంటలపై వాలే పక్షులు, అటవీ జంతువులు ఈ బొమ్మ ఊగడం చూసి ఉలిక్కిపడి పంట పొలంలోకి రావడంలేదని చెబుతున్నారు. ఈ యువ రైతు వినూత్న ఆలోచనతో  పంట నష్టం తగ్గిందని రైతులు చెబుతున్నారు. యువరైతు సాయికిరణ్ చేసిన ప్రయోగం అద్భుతంగా ఉందని స్థానిక రైతులు హర్షం వ్యక్తం చేస్తున్నారు. అయితే దీనికి కేవలం రూ. 900 మాత్రమే ఖర్చు అవుతుందని, ఎవరికైనా ఈ ఊగే బొమ్మ కావాల్సి ఉంటే తాను తయారు చేసి ఇస్తానని యువరైతు సాయికిరణ్ తెలిపారు. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి