Stipend: నర్సింగ్ విద్యార్థులకు గుడ్ న్యూస్.. స్టైపండ్ ఎంత పెంచారంటే..?

నర్సింగ్ విద్యార్థులకు తెలంగాణ ప్రభుత్వం గుడ్ న్యూస్ చెప్పింది. స్టైపండ్ పెంచుతూ.. ఉత్తర్వులు జారీ చేసింది.

సీఎం కేసీఆర్(ఫైల్ ఫొటో)

తెలంగాణలో నర్సింగ్‌ విద్యార్థులకు కేసీఆర్‌ సర్కార్‌ గుడ్‌ న్యూస్‌ చెప్పింది. జీఎన్‌ఎం, బీఎస్సీ, నర్సింగ్‌ విద్యార్థులకు స్టైపండ్‌ పెంచుతూ తెలంగాణ ప్రభుత్వం ఉత్వర్వులు జారీ చేసింది. జీఎన్‌ఎం, బీఎస్సీ నర్సింగ్‌ ఫస్ట్‌ ఇయర్‌ విద్యార్థులకు స్టైపండ్‌ నెలకు రూ. 1500లు ఉండగా రూ.5 వేలకు పెంచింది.

సెకండ్‌ ఇయర్‌ విద్యార్థులకు రూ.1700 నుంచి రూ. 6 వేలకు పెంచింది. మూడో సంవత్సరం విద్యార్థులకు రూ. 1900 నుంచి రూ.7వేలు, నాలుగో సంవత్సరం విద్యార్థులకు రూ.2,200 నుంచి రూ.8 వేలకు పెంచుతూ ప్రభుత్వం ఉత్తర్వులు జారీ చేసింది.  ఎమ్మెస్సీ నర్సింగ్‌ మొదటి సంవత్సరం విద్యార్థులకు రూ.9 వేలకు, రెండో సంవత్సరం విద్యార్థులకు రూ.10 వేలకు స్టైపండ్‌ పెంచుతూ ప్రభుత్వం ఆదేశాలు ఇచ్చింది.

రాజన్న సిరిసిల్ల జిల్లా కేంద్రంలో నిర్మించిన నర్సింగ్‌ కళాశాలను జులైలో ప్రారంభించినప్పుడు.. నర్సింగ్ విద్యార్థులకు.. స్టైపండ్ పెంచుతామని కేసీఆర్ ప్రకటించారు. సిరిసిల్లకు వెళ్లిన సమయంలో అక్కడి కళాశాల సిబ్బంది, విద్యార్థులతో కేసీఆర్‌ కాసేపు ముచ్చటించారు. విద్య, వసతులపై వైద్యాధికారులను ఆరా తీశారు. నర్సింగ్‌ విద్యార్థులు తమ స్టైఫండ్‌ సమస్యను సీఎం దృష్టికి తీసుకువచ్చారు. ఆ తర్వాతనే.. స్టైపండ్ పెంచుతున్నట్లు కేసీఆర్ ప్రకటించారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి