Breaking News Live Updates: తెలంగాణలో కొత్తగా 208 కోవిడ్ కేసులు
తెలంగాణ, ఆంధ్రప్రదేశ్ సహా దేశ వ్యాప్తంగా జరిగే తాజా వార్తలు ఎప్పటికప్పుడు ఇక్కడ చూడొచ్చు. ఈ లైవ్ పేజీ అప్ డేట్ అవుతోంది. తాజా సమాచారం కోసం ఈ పేజీని రీఫ్రెష్ చేస్తూ ఉండండి.
LIVE
Background
తెలంగాణ, ఆంధ్రప్రదేశ్ సహా దేశ వ్యాప్తంగా జరిగే తాజా వార్తలు ఎప్పటికప్పుడు ఇక్కడ చూడొచ్చు. ఈ లైవ్ పేజీ అప్ డేట్ అవుతోంది. తాజా సమాచారం కోసం ఈ పేజీని రీఫ్రెష్ చేస్తూ ఉండండి.
తెలంగాణలో కొత్తగా 208 కోవిడ్ కేసులు
తెలంగాణ రాష్ట్రంలో గడచిన 24 గంటల్లో 45,274 కరోనా నిర్థారణ పరీక్షలు చేశారు. కొత్తగా 208 పాజిటివ్‌ కేసులు నమోదయ్యాయి. దీంతో మొత్తం ఇప్పటి వరకు నమోదైన కేసుల సంఖ్య 6,95,780కి చేరాయి. రాష్ట్ర వైద్య ఆరోగ్యశాఖ సోమవారం కోవిడ్ బులిటెన్‌ విడుదల చేసింది. ఆదివారం కరోనాతో ఇద్దరు మృతి చెందారు. దీంతో మృతుల సంఖ్య 3,906కి చేరింది. కరోనా బారి నుంచి 220 మంది కోలుకున్నారు. రాష్ట్రంలో ప్రస్తుతం 4,991 కరోనా యాక్టివ్‌ కేసులు ఉన్నాయి.
మాజీ సీఎం చంద్రబాబుపై దాడికి యత్నం.. కేంద్ర హోంశాఖకు ఎంపీ కనకమేడల ఫిర్యాదు
ఏపీ సీఎం చంద్రబాబు నాయుడుపై దాడికి ప్రయత్నించారని టీడీపీ ఎంపీ కనకమేడల రవీంద్ర కుమార్ హోంశాఖకు ఫిర్యాదు చేశారు. జడ్ ప్లస్ క్యాటగిరీ ఉన్న నేతపై దాడికి ప్రయత్నించిన ఘటనలో శాంతి భద్రతల వైఫల్యం కనిపించిందని హోంశాఖ కార్యదర్శి అజయ్‌ భల్లాకు కనకమేడల లేఖ రాశారు. ఎమ్మెల్యే జోగి రమేష్, ఆయన అనుచరులు మాజీ సీఎం చంద్రబాబు నివాసంపై దాడి చేశారని లేఖలో పేర్కొన్నారు. ఏపీలో పోలీసులు ఏకపక్షంగా వ్యవరిస్తున్నారని, వైఎస్ఆర్సీపీ కార్యకర్తల్లా వ్యవహరిస్తున్నారని ఆరోపించారు. మాజీ సీఎం నివాసంపై దాడి జరిగితే, దాడికి పాల్పడ్డ వారిని వదిలేసి.. టీడీపీ నేతలపైనే కేసులు బనాయించారని లేఖ ద్వారా తెలిపారు.
చంద్రబాబు సంచలన వ్యాఖ్యలు... అసెంబ్లీ రద్దు చేసి ఎన్నికలకు వెెళ్దామని సవాల్
టీడీపీ అధినేత చంద్రబాబు సీఎం జగన్ కు సవాల్ విసిరారు. అసెంబ్లీ రద్దు చేసి ఎన్నికలకు వెళ్దామని సవాల్ చేశారు.
చంద్రబాబు ఇంటి వద్ద జరిగిన ఘటనపై అవాస్తవాలు ప్రచారం : డీఐజీ
చంద్రబాబు ఇంటి వద్ద జరిగిన ఘటనపై డీఐజీ, ఎస్పీ వివరణ ఇచ్చారు. జోగి రమేశ్ వినతిపత్రం ఇచ్చేందుకే వెళ్లారని దాడికి కాదని డీఐజీ త్రివిక్రమ్ వర్మ తెలిపారు. ఎమ్మెల్యే జోగి రమేశ్ రాకపై పోలీసులకు సమాచారం లేదన్నారు. సమాచారం లేకున్నా జోగి రమేశ్‌ను ముందే అడ్డుకున్నామన్నారు. మాజీ సీఎం ఇంటిపై దాడి ఘటన పేరుతో అవాస్తవ ప్రచారం జరిగిందన్నారు. ముందుగా జోగి రమేశ్ కారు పైనే దాడి జరిగిందని డీఐజీ త్రివిక్రమ్ వర్మ తెలిపారు. ఎమ్మెల్యే కారు డ్రైవర్‌ను చెప్పుతో కొట్టేందుకు కొందరు యత్నించారన్నారు. ఎమ్మెల్యే కారు, డ్రైవర్‌పై దాడి దృశ్యాలను డీఐజీ తెలిపారు.
హైదరాబాద్ లో భారీ వర్షం... ఇళ్లలోనే ఉండాలని వాతావరణ శాఖ హెచ్చరిక
హైదరాబాద్ రానున్న గంటపాటు భారీ వర్షం కురిసే అవకాశం ఉందని హైదరాబాద్ వాతావరణ కేంద్రం ప్రకటించింది. ఇళ్లలోనే ఉండాలని నగరవాసులకు వాతావరణ శాఖ హెచ్చరించింది. అత్యవసర పరిస్థితుల్లోనే బయటకు రావాలని సూచించింది. సికింద్రాబాద్‌లోని పలు ప్రాంతాల్లో భారీ వర్షం కురుస్తోంది. ముషీరాబాద్, భోలక్‌పూర్, ఆర్టీసీ క్రాస్‌ రోడ్స్‌, చిక్కడపల్లి, రాంనగర్‌, కవాడీగూడ, ఇందిరా పార్క్‌, దోమలగూడ, విద్యానగర్, అడిక్‌మెట్‌ ప్రాంతాల్లో భారీ వర్షం పడుతోంది. బోయిన్‌పల్లి, చిలకలగూడా, మారెడ్‌పల్లి, బేగంపేట, ప్యాట్నీ సెంటర్‌, ప్యారడైస్, అల్వాల్‌లో వర్షం మొదలైంది. నగరంలో భారీ వర్షం కురుస్తుండటంతో రోడ్లన్నీ జలమయం అయ్యాయి. పాతబస్తీలో భారీ వర్షం కురిసింది. దీంతో రోడ్లపై మోకాలు లోతు నీరుచేరింది.
టాప్ హెడ్ లైన్స్
ట్రెండింగ్ వార్తలు
