MP Uttam Kumar Reddy : సూర్యాపేట ఎస్పీకి టీఆర్ఎస్ ఎమ్మెల్సీ పదవి ఇస్తారేమో- ఎంపీ ఉత్తమ్ కుమార్ రెడ్డి

MP Uttam Kumar Reddy : మంత్రి జగదీశ్ రెడ్డి పొగడ్తలతో ముంచెత్తిన సూర్యాపేట ఎస్పీపై ఎంపీ ఉత్తమ్ కుమార్ రెడ్డి మండిపడ్డారు. ఎస్పీకి ఎమ్మెల్సీ టికెట్ ఇస్తారేమో అని ఎద్దేవా చేశారు.

ఎంపీ ఉత్తమ్ కుమార్ రెడ్డి

MP Uttam Kumar Reddy : మంత్రి జగదీశ్ రెడ్డిని పొగుడుతూ జయహో అంటూ నినాదాలు చేశారు సూర్యాపేట జిల్లా ఎస్పీ రాజేంద్రప్రసాద్. ఈ వీడియో ఇప్పుడు వైరల్ అవుతోంది. ఓ పోలీసు ఉన్నతాధికారి మంత్రిని పొగడ్తలతో ముంచెత్తడంతో ప్రతిపక్షాలు విమర్శలు చేస్తున్నాయి. సూర్యాపేట జిల్లా ఎస్పీ రాజేంద్రప్రసాద్‌ మంత్రి జగదీశ్‌ రెడ్డిని సమైక్యతా వజ్రోత్సవాల కార్యక్రమంలో పొగుడుతూ నినాదాలు చేశారు. ఎస్పీ తీరును నల్గొండ ఎంపీ ఉత్తమ్‌కుమార్ రెడ్డి తప్పుబట్టారు. ఈ ఘటనపై స్పందిస్తూ ట్విటర్‌ లో పోస్టు పెట్టారు. ఎస్పీ రాజేంద్రప్రసాద్‌ టీఆర్ఎస్ కార్యకర్తలా వ్యవహరించారని ఆరోపించారు. మంత్రి జగదీశ్‌ రెడ్డిని బాహుబలి అంటూ నినాదాలు చేయడాన్ని ఎంపీ ఉత్తమ్ కుమార్ రెడ్డి తప్పుబట్టారు. గతంలో ప్రభుత్వ కార్యక్రమంలో సీఎం కేసీఆర్‌  కాళ్లు మొక్కిన  కలెక్టర్‌ను టీఆర్ఎస్ ఎమ్మెల్సీ చేసినట్లే సూర్యాపేట ఎస్పీని కూడా ఎమ్మెల్సీ చేస్తారేమో అని ఉత్తమ్‌ కుమార్ రెడ్డి ట్వీట్ చేశారు.  

District SP shouting slogans like a TRS worker and calling minister Jagdish Reddy a Bahubali. What a fall to a once great uniformed force! What a shame!! I am sure KCR will make Rajendra Prasad an MLC like he made a Collector who touched his feet in a govt programme. pic.twitter.com/5qzl5IwfxQ

— Uttam Kumar Reddy (@UttamINC) September 16, 2022

మంత్రికి జై కొట్టిన ఎస్పీ  

సూర్యాపేట జిల్లా ఎస్పీ రాజేంద్ర ప్రసాద్ మంత్రి జగదీష్ రెడ్డికి జై కొట్టారు. జై జగదీషన్న.. జయహో జగదీష్ అన్నా అంటూ నినాదాలు చేశారు. ఆపై మంత్రిని పొగడ్తలతో ముంచెత్తారు.  బాహుబలి సింహాసనాన్ని అధిష్ఠించినప్పుడు వచ్చే శబ్దం వల్ల గోడలకు బీటలు వచ్చింది అని అలాంటి శబ్దం ఇప్పుడు చేయాలంటూ వ్యాఖ్యానించారు. సూర్యాపేట శ్రీరాములు సెంటర్ లో ఏర్పాటు చేసిన సభలో ఎస్పీ రాజేంద్ర ప్రసాద్ ఈ వ్యాఖ్యలు చేశారు. యూనిఫాంలో ఉండగానే జిల్లా ఎస్పీ రాజేందర్ ప్రసాద్ మంత్రి జగదీశ్ రెడ్డిని పొగడ్తలతో ముంచెత్తడంపై  అందరూ ఆశ్చర్యం వ్యక్తం చేస్తున్నారు. 

జయహో జగదీశ్ రెడ్డి 

"ఆకలేస్తే కేకలేయమన్నాడు శ్రీశ్రీ. ఆకలేస్తే కేకలేయమన్నాడు శ్రీశ్రీ. మీకు ఆకలేస్తుందా. ఓకే  అయితే ఓ పని చేద్దాం.. జయహో జగదీశ్ రెడ్డి గారికి అంటాను. మీరు జయహో, జయహో అనాలి ఓకేనా.. ఏం అనాలి. జయహో జగదీష్ రెడ్డి. ఇంకా గట్టిగా. బాహుబలి సినిమా చూశారా. అందులో ప్రజలంతా అరిస్తే వచ్చిన శబ్దానికి గోడలకు బీటలు వచ్చాయి. ఇప్పుడు కూడా అలాగే రావాలి. గట్టిగా చెప్పండి. జయహో జగదీష్ రెడ్డి". - రాజేంద్ర ప్రసాద్, సూర్యాపేట ఎస్పీ