Most Expensive Dog: హైదరాబాద్ లో 20 కోట్ల కుక్క, ఎందుకంత క్రేజ్? స్పెషాలిటీ ఇదే

Worlds Most Expensive Dog: ప్రపంచంలోనే అత్యంత ఖరీదైన జాతికి చెందిన శునకం హైదరాబాద్ వాసులను ఆకట్టుకుంది.

హైదరాబాద్ లో 20 కోట్ల కుక్క, ఎందుకంత క్రేజ్? స్పెషాలిటీ ఇదే

Most Expensive Dog In Hyderabad: ప్రపంచంలోనే అత్యంత ఖరీదైన జాతికి చెందిన శునకం హైదరాబాద్ వాసులను ఆకట్టుకుంది. కుక్క ఖరీదంటే మహా అయితే ఎంతుంటుంది.? వేలో, లక్షల్లో అనుకుంటే మీరు తప్పులో కాలేసినట్లే. ఏకంగా ఇరవై కోట్ల రూపాయలు ఖరీదు పలుకుతోంది హైదరాబాద్ లో తళుక్కుమన్న కాస్ట్లీ కుక్క. అంతేకాదండోయ్ బెంగుళూరులో ఎక్కడైనా వైభంగా వేడుకలు జరిగితే అక్కడ ఈ కాస్ట్ లీ కుక్కను ప్రత్యేక అతిథిగా పిలవాల్సిందేనట.

బెంగుళూరుకు చెందిన శతీష్‌ క్యాడబామ్ జంతు ప్రేమికుడు. వివిద జాతులకు చెందిన కుక్కలు పెంచడం శతీష్‌ హాబీ. అప్పుడప్పుడు సినిమాలలో సైతం నటిస్తూ ,వెరైటీ శునకాలతో నిత్యం వార్తల్లో నిలుస్తుంటాడు. ఇతను ఏడాది క్రితం పదినెలలు వయస్సున్న కొజీషియన్ షెఫర్డ్ జాతికి చెందిన కుక్కను రష్యానుండి కొనుగోలు చేశాడు. అలా ఇంపోర్ట్ చేసుకున్న కుక్కకు హైడర్ అని పేరుపెట్టాడు శతీష్‌. రష్యా నుండి బెంగుళూరుకు కుక్కను తీసుకొచ్చిన సమయంలో భారీగా హైడర్ కు స్వాగతం పలకడం అప్పట్లో సంచలనం రేపింది. ప్రత్యేక విమానంలో రష్యా నుండి బెంగుళూరుకు హైడర్ ను తీసుకురావడంతోపాటు ఏకంగా నూట యాభై మంది సెలబ్రటీలు, నూట యాభై మంది బైక్ రేసర్లు ఎయిర్ పోర్టు వద్ద హైడర్ ను ఘనంగా ఇండియాకు ఆహ్వనించడంతో హైడర్ కు ఓ రేంజ్ క్రేజ్ వచ్చింది. ప్రపంచంలోనే ఇంతలా బరువువున్న కుక్కలు అత్యంత అరుదుగా ఉంటాయి. అందుకే ఈ కుక్కకు ప్రపంచ వ్యాప్తంగా క్రేజ్ అని కొందరు చెబుతున్నారు.

 

రోజుకు ఎంత చికెన్ తింటుందంటే..

అలా బెంగుళూరు అడుగుపెట్టిన వెంటనే ఈ కుక్కకు ఇరవై కోట్లు ఆఫర్ వచ్చిందట. మీరు హైడర్ ను మాకు ఇస్తే ఇరవై కోట్లు ఇస్తామంటూ బెంగుళూరుకు చెందిన ఓ బిల్డర్ ఆఫర్ చేశారట. అలా ఆ రోజు నుండి ఇది ఇండియాలో అత్యంత ఖరీదైన ఇరవై కోట్ల కుక్కగా మారిపోయింది. అంతేకాదండోయ్ రోజుకు ఏకంగా మూడు కేజీల రా చికెన్ లాగించేడంతోపాటు ,దీనికి ఒక్కసారి గ్రూమింగ్ చేస్తే అయ్యే ఖర్చు ఏడువేల ఐదువందలు.ఇలా నెల మొత్తం ఈ హైడర్ ఖర్చు ఓ రెంజ్ లో ఉంటుంది. అంతేకాదండోయ్ బెంగుళూరులో ఏ వేడుక జరిగినా హైడర్ ను ముఖ్యఅతిథిగా పిలుస్తారు. ఫంక్షన్ సెక్సెస్ అవ్వాంటే హైడర్ ఉండాల్సిందే. అందుకే ఒక్కో ఫంక్షన్ కు హాజరైయ్యేందుకు ఈ హైడర్ కు సెలబ్రీటీలకన్నా రెట్టింపు రెమ్యూనరేషన్ ఇస్తున్నారు.

 

ఎండను తట్టుకోలేదు.. 

వంద కేజీల బరువు, ఒతైన జుట్టు, జుట్టుపై అందమైన లైన్స్ , అచ్చం పులి పంజాను పోలినట్లుగా కాలి ముద్రలు. ఇలా ఒక్క మాటలో చెప్పాలంటే హైడర్ ప్రత్యేకతలే వేరండి. ఇంత బరువైన కుక్క కాస్త ఎండ తగిలితే మాత్రం తట్టుకోలేదండి. అందుకే ఎప్పుడూ ఏసీ గదులలో మాత్రమే ఉంటుంది. చల్లని ప్రదేశాలలో మాత్రమే ఉండేందుకు ఇష్టపడుతుంది. బెంగుళూరులో ప్రత్యేకంగా ఓ ఫామ్ హౌస్ లో హైడర్ అలనా పాలన చూసేందుకు ఓ కుటుంబం ఉంటుంది. నిత్యం హైడర్ ను కంటికి రెప్పలా కాపాడుతుంటారు. నగరంలో రోడ్లపై హైడర్ సింహాల నడుస్తుంటే బెంగుళూర్ లో సైతం భారీగా ట్రాఫిక్ జామ్ అవ్వాల్సిందేనట. అంతలా క్రేజీ డాక్ కావడంతో హైడర్ ను చూసేందుకు హైదరాబాద్ వాసులు సైతం ఎగబడ్డారు. ఖరీదైన శునకంతో ఫోటోలు దిగుతూ సరదా తీర్చుకున్నారు. సింకింద్రాబాద్ లో జరిగిన ఓ ఫ్యాషన్ షోలో ర్యాంప్ వాక్ చేసిన హైడర్ ను చూసి ఫిదాఅయ్యారు జంతుప్రేమికులు.