VC Sajjanar: పిల్లలను బయటకు తీసుకెళ్లటప్పుడు జాగ్రత్త, షాకింగ్ వీడియో పోస్టు చేసిన సజ్జనార్
VC Sajjanar: రహదారుల వెంట పిల్లలను తీసుకెళ్తున్నప్పుడు తల్లిదండ్రులు చాలా జాగ్రత్తగా ఉండాలని టీఎస్ఆర్టీసీ ఎండీ వీసీ సజ్జనార్ సూచించారు.
VC Sajjanar: రహదారుల వెంట పిల్లలను తీసుకెళ్లినప్పుడు.. తల్లిదండ్రులు చాలా అప్రమత్తంగా ఉండాలని టీఎస్ఆర్టీసీ ఎండీ వీసీ సజ్జనార్ సూచిస్తున్నారు. ఏ మాత్రం అజాగ్రత్తగా ఉన్నా వారి ప్రాణాలకే ప్రమాదం అని చెప్పుకొచ్చారు. ట్విట్టర్ వేదికగా ఓ వీడియోను షేర్ చేశారు. అందులో ఓ పాప రోడ్డు దాటేందుకు పరిగెట్టగా.. బైక్ ఢీ కొడుతుంది. ఆ వెంటనే మరో బైక్ కూడా పాపను ఢీకొట్టింది. ఆమె అక్కడే పడిపోతుంది. ఈ విషయం గుర్తించిన ఆమె తల్లి వెళ్లి పాపను ఎత్తుకోగా.. కాసేపటికి ఆమె స్పృహలోకి వస్తుంది. అయితే అందరికీ ఈ చిన్నారిలా అదృష్టం వరించదని చెబుతూ.. తల్లిదండ్రులు అప్రమత్తంగా ఉండాలని వీసీ సజ్జనార్ వివరించారు.
రహదారుల వెంట పిల్లలను తీసుకెళ్లేటప్పుడు తల్లిదండ్రులు నిత్యం అప్రమత్తంగా ఉండాలి. ఏమాత్రం అజాగ్రత్తగా ఉన్న వారి ప్రాణాలకే ప్రమాదం. అందరికీ ఈ చిన్నారిలా అదృష్టం వరించదు. @MORTHIndia #RoadSafety pic.twitter.com/317Wx1F4kZ
— V.C. Sajjanar, IPS (@SajjanarVC) June 19, 2023
మొన్నటికి మొన్న ఓ ప్రమాద వీడియోను షేర్ చేస్తూ... యూటర్న్ ల వద్ద అతివేగం, రాంగ్ రూట్ ప్రయాణం చాలా డేంజర్ అని చెప్పుకొచ్చారు. మీతోపాటు ఇతరులు కూడా ప్రమాదాల బారిన పడతారని సూచించారు. ప్రయాణికులంతా జాగ్రత్తగా ఉండాలని ట్రాఫిక్ రూల్స్ పాటించాలని వివరించారు.
యూటర్న్ ల వద్ద అతివేగం, రాంగ్ రూట్ ప్రయాణం డేంజర్! మీతో పాటు ఇతరులు కూడా ప్రమాదాల బారిన పడతారు. జాగ్రత్తగా ఉండండి. ట్రాఫిక్ రూల్స్ పాటించండి. @MORTHIndia #RoadSafety #RoadAccident pic.twitter.com/JnfZ0cbGU4
— V.C. Sajjanar, IPS (@SajjanarVC) June 12, 2023
మూడ్రోజుల క్రితం అంటే జూన్ 16వ తేదీనాడు ములుగు జిల్లాలో ఘోర రోడ్డు ప్రమాదం చేసుకుంది. భార్యా, ఇద్దరు పిల్లలను బైక్ పై ఎక్కించుకొని అజాగ్రత్తగా వాహనం నడిపిన ఓ వ్యక్తి ఆర్టీసీ బస్సును ఢీకొట్టాడు. ఈ ఘటనలో పిల్లలిద్దరూ అక్కడికక్కడే చనిపోయారు. ఈ విషయాన్ని కూడా వీసీ సజ్జనార్ ట్విట్టర్ ద్వారా వివరిస్తూ.. వాహనాలు నడిపేటప్పుడు చాలా జాగ్రత్తగా ఉండాలని సూచించారు. ఏమాత్రం నిర్లక్ష్యం వహించినా ప్రాణాలు కోల్పోయే ప్రమాదం ఉందని చెప్పారు.
ఈ బైకర్ నిర్లక్ష్యపు డ్రైవింగ్‌ ఖరీదు రెండు నిండు ప్రాణాలు. ఇద్దరు కుమారులు, భార్యను ఎక్కించుకుని అజాగ్రత్తగా డ్రైవ్ చేస్తూ బైక్ ను #TSRTC బస్సుకు ఢీకొట్టాడు. ములుగు జిల్లా మంగపేటలోని తెలంగాణ సెంటర్ వద్ద శుక్రవారం ఈ రోడ్డు ప్రమాదం జరిగింది. ఈ ప్రమాదంలో ఇద్దరు చిన్నారులు దుర్మరణం… pic.twitter.com/5zv1y04a6X
— V.C. Sajjanar, IPS (@SajjanarVC) June 17, 2023
అదేరోజు బైక్ రైసింగ్ లపై ఫైర్ అయిన వీసీ
ప్రాణాలను పణంగా పెట్టి ఇలాంటి బైక్ రేసింగ్ అవసరమా!?
— V.C. Sajjanar, IPS (@SajjanarVC) June 16, 2023
అతివేగం ప్రమాదకరమంటూ ఎంత మొత్తుకుంటున్న యువత పెడ చెవిన పెడుతోంది. వేగంలోనే మజా ఉందంటూ.. బైక్ లపై విచ్చలవిడిగా రేసింగ్ చేస్తోంది.
ఇలా రయ్యని దూసుకుపోతూ మృత్యు ఒడికి చేరుతోంది. సోషల్ మీడియాలో ఫేమస్ అవ్వాలనే ఉద్దేశ్యంతో ప్రాణాల… pic.twitter.com/uwIXN8hpgQ
టాప్ హెడ్ లైన్స్
ట్రెండింగ్ వార్తలు
