Rachakonda Police: హైదరాబాద్‌లో మళ్లీ గంజాయి రాకెట్.. 1,240 కిలోలు స్వాధీనం, మూలం ఎక్కడంటే..

నిందితుల నుంచి 1,240 కిలోల గంజాయిని పోలీసులు స్వాధీనం చేసుకున్నారు. దీని విలువ రూ.2.08 కోట్లు ఉంటుందని పోలీసులు అంచనా వేస్తున్నారు.

ప్రతీకాత్మక చిత్రం

రాష్ట్రాల మధ్య గంజాయి సరఫరా చేస్తున్న ఓ ముఠాను హైదరాబాద్ పోలీసులు రట్టు చేశారు. ఇంటెలిజెన్స్‌ వర్గాలు అందించిన సమాచారం మేరకు రాచకొండ ఎస్‌వోటీ పోలీసులు ఈ ముఠాను అరెస్టు చేశారు. నిందితుల నుంచి 1,240 కిలోల గంజాయిని పోలీసులు స్వాధీనం చేసుకున్నారు. దీని విలువ రూ.2.08 కోట్లు ఉంటుందని పోలీసులు అంచనా వేస్తున్నారు. వారి నుంచి 3 కార్లను కూడా పోలీసులు సీజ్‌ చేశారు. విశాఖపట్నం సమీపంలోని సీలేరు సమీపంలో నుంచి మహారాష్ట్రకు గంజాయిని తరలిస్తున్నారని పోలీసులు వివరించారు.

మరోవైపు, గుజరాత్‌లో భారీ మొత్తాల్లో మత్తు పదార్థాలను ఆ రాష్ట్ర ఉగ్రవాద నిరోధక దళం (ఏటీఎస్) పట్టుకుంది. గుజరాత్ ద్వారకలోని మోర్బిలో 120 కిలోల డ్రగ్స్‌ను స్వాధీనం చేసుకున్నట్లు అధికారులు వెల్లడించారు. వాటి విలువ సుమారు రూ.600 కోట్లు ఉంటుందని తెలిపారు. నవ్‌లకి పోర్టు దగ్గరలోని జిన్ ​జుడా గ్రామంలో మత్తు పదార్థాల ముఠా ఉందనే సమాచారం పోలీసులకు అందింది. ఈ ముందస్తు సమాచారంతో అందడంతో ఆదివారం రాత్రి ఏటీఎస్​ అధికారులు తనిఖీలు నిర్వహించారు. 

ఈ క్రమంలో దాదాపు 120 కిలోల గంజాయిని పట్టుకున్నారు. డ్రగ్స్ సరఫరాకు చెందిన నలుగురు నిందితులను పోలీసులు అరెస్టు చేసి, విచారణ జరుపుతున్నారు. అయితే, గత సెప్టెంబరులో లో ముంద్రా పోర్టు నుంచి సుమారు రూ.21 వేల కోట్ల విలువైన 3 వేల కిలోల గంజాయిని స్వాధీనం చేసుకున్న సంగతి తెలిసిందే. మళ్లీ ఇప్పుడు తర్వాత ఇంత మొత్తాల్లో డ్రగ్స్ పదార్థాలను పట్టుకోవడం ప్రాధాన్యం సంతరించుకుంది.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి