Sunday Funday: ‘ఏక్ శ్యామ్.. చార్మినార్ కే నామ్’కి అంతా సిద్ధం.. స్పెషల్ ప్రోగ్రామ్స్ ఇవే.. ట్రాఫిక్ మళ్లింపులు, పార్కింగ్ వివరాలివీ..

చార్మినార్ వ‌ద్ద ఒక ఆదివారం విడిచి మరో ఆదివారం సాయంత్రం 5 గంట‌ల నుంచి అర్ధరాత్రి వ‌ర‌కు ఈ ‘సండే ఫ‌ండే’ (ఏక్‌ షామ్‌.. చార్మినార్‌ కే నామ్‌) కార్యక్రమం కొన‌సాగ‌నుంది.

ఏక్ శ్యామ్.. చార్మినార్ కే నామ్

ట్యాంక్ బండ్‌పై నిర్వహించే ‘సండే ఫండే’ తరహాలోనే ఈ ఆదివారం నుంచి చార్మినార్‌ వద్ద ‘ఏక్‌ షామ్‌.. చార్మినార్‌ కే నామ్‌’ కార్యక్రమాన్ని నిర్వహించనున్నారు. దీనికి సంబంధించి అధికారులు ఇప్పటికే ఏర్పాట్లు పూర్తిచేశారు. చార్మినార్ వ‌ద్ద ఒక ఆదివారం విడిచి మరో ఆదివారం సాయంత్రం 5 గంట‌ల నుంచి అర్ధరాత్రి వ‌ర‌కు ఈ ‘సండే ఫ‌ండే’ (ఏక్‌ షామ్‌.. చార్మినార్‌ కే నామ్‌) కార్యక్రమం కొన‌సాగ‌నుంది. ఈ క్రమంలో మధ్యాహ్నం 3 గంటల నుంచే ట్రాఫిక్ అంక్షలు అమల్లోకి రానున్నాయ

ప్రత్యేక కార్యక్రమాలివే..
‘ఏక్‌ షామ్‌.. చార్మినార్‌ కే నామ్‌’ కార్యక్రమంలో భాగంగా సాయంత్రం 6:30 గంట‌ల‌కు పోలీస్ బ్యాండ్ నిర్వహించ‌నున్నారు. రాత్రి 8:30 గంట‌ల‌కు ద‌క్కనీ మ‌జాహియా ముషారియా ప్రోగ్రామ్ ఏర్పాటు చేశారు. ఇక నేడు అర్ధ రాత్రి వ‌ర‌కు లాడ్ బ‌జార్‌ను తెరిచి ఉంచ‌నున్నారు. అంతేకాక, పిల్లల‌ను ఆక‌ట్టుకునే విధంగా ప‌లు కార్యక్రమాల‌ను రూపొందించారు. భోజ‌న ప్రియుల‌కు నోరూరించే ఫుడ్ స్టాల్స్‌ను కూడా ఏర్పాటు చేయించారు. సండే ఫ‌ండేకు వ‌చ్చే వాహ‌న‌దారుల‌కు నాలుగు ప్రదేశాల్లో పార్కింగ్ సౌకర్యం కల్పించారు.

‘ఏక్‌ షామ్‌.. చార్మినార్‌ కే నామ్‌’ సందర్భంగా చార్మినార్ పరిసర ప్రాంతాల్లో మధ్యాహ్నం 3 గంటల నుంచి రాత్రి 10 గంటల వరకు ట్రాఫిక్ నిబంధనలు అమలులో ఉంటాయని నగర పోలీస్ కమిషనర్ అంజనీ కుమార్ తెలిపారు. ఈ కార్యక్రమం సందర్భంగా ఎక్కడ ఎలాంటి అసౌకర్యాలు కలగకుండా జీహెచ్ఎంసీ అధికారులతో పాటు పోలీసులు ఇప్పటికే తగిన చర్యలు తీసుకున్నారని చెప్పారు. 

పార్కింగ్ ఇలా..
నగరంలోని వివిధ ప్రాంతాల నుంచి ఈ కార్యక్రమంలో పాల్గొనడానికి వచ్చే వాహనదారుల సౌకర్యార్థం చార్మినార్ పరిసరాలలో ఉచిత పార్కింగ్ సౌకర్యాన్ని ఏర్పాటు చేస్తున్నామని సీపీ తెలిపారు. నగరంలోని ఉత్తర మూసీ నది ప్రాంతాల నుంచి పాత బస్తీకి వచ్చే వాహనదారులు అందరూ తమ వాహనాలను ఖుడా స్టేడియం, పత్తర్ గట్టిలోని ఎస్‌వై‌జే కాంప్లెక్స్, కోట్ల అలీజాలోని ముఫీదుల్లా నామ్ స్కూలు ప్రాంగణం, జీహెచ్ఎంసీ చార్మినార్ సర్దార్ మహాల్ భవన ప్రాంగణం, చార్మినార్ యునాని ఆసుపత్రి ప్రాంగణం, చార్మినార్ పాత బస్టాండ్ ఖాళీ స్థలాలతో పాటు మోతీగల్లిలోని ఓల్డ్ పెన్షన్ పేమెంట్ కార్యాలయ పరిసరాల్లో ఉచిత పార్కింగ్ చేసుకోవచ్చని సీపీ తెలిపారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి