Breaking News Live Telugu Updates: సికింద్రాబాద్ రైల్వే స్టేషన్ లో బాంబు ఉందని ఫోన్ కాల్

ఏపీ, తెలంగాణ సహా జాతీయ, అంతర్జాతీయ స్థాయిలో నేటి బ్రేకింగ్ న్యూస్ అప్‌డేట్స్ ఇక్కడ పొందొచ్చు. ఈ లైవ్ బ్లాగ్ అప్ డేట్ అవుతుంటుంది. తాజా సమాచారం కోసం రీఫ్రెష్ చేస్తుండండి.

Background

పొడి గాలుల ప్రభావంతో తెలుగు రాష్ట్రాలు సహా దేశవ్యాప్తంగా వర్షాలు పడే అవకాశం లేదని వాతావరణ అధికారులు తెలిపారు. ఉత్తర వాయువ్య దిశ నుంచి వస్తున్న పొడిగాలుల వల్ల పగటి ఉష్ణోగ్రతలు మరింత పెరుగుతాయని వారు అంచనా వేశారు. వచ్చే మూడు రోజులు రాత్రి వేళ ఉష్ణోగ్రతలు తగ్గడంతో పాటు పగటిపూట వేడి పెరుగుతుందని అంచనా వేశారు. 

తెలంగాణలో క్రమంగా చలి తగ్గుతోంది. మొన్న మూడు జిల్లాలకు మాత్రమే ఎల్లో అలర్ట్ జారీ అవ్వగా.. నేడు రాష్ట్రమంతా సాధారణంగానే ఉష్ణోగ్రతలు నమోదవుతాయని అధికారులు అంచనా వేశారు. మామూలుగా 5 నుంచి 10 డిగ్రీల మధ్య ఉష్ణోగ్రతలు నమోదయ్యే అవకాశం ఉందనిపిస్తే వాతావరణ విభాగం ఆరెంజ్‌ అలర్ట్‌ జారీ చేస్తుంది. 11 నుంచి 15 డిగ్రీల మధ్య ఉష్ణోగ్రత నమోదయ్యే అవకాశం ఉంటే ఎల్లో అలెర్ట్ జారీ చేస్తుంటారు. రాబోయే ఐదు రోజులకు సంబంధించి తెలంగాణ వాతావరణ విభాగం నమోదు కానున్న ఉష్ణోగ్రతల అంచనాలను వెదర్ బులెటిన్‌లో వివరించింది. నేటి నుంచి నాలుగు రోజుల పాటు తెలంగాణ వ్యాప్తంగా ఏ జిల్లాలోనూ ఎలాంటి అలర్ట్ జారీ చేయలేదు.

హైదరాబాద్ లో ఇలా
‘‘ఆకాశం నిర్మలంగా ఉంటుంది. నగరంలో పొగ మంచు ఉదయం సమయంలో ఏర్పడుతుంది. గరిష్ఠ, కనిష్ఠ ఉష్ణోగ్రతలు వరుసగా 35 డిగ్రీలు, 19 డిగ్రీలుగా ఉండే అవకాశం ఉంది. ఆగ్నేయ దిశల నుంచి గాలులు గాలి వేగం గంటకు 6 నుంచి 8 కిలో మీటర్ల వేగంతో వీచే అవకాశం ఉంది’’ అని వెదర్ బులెటిన్ లో పేర్కొ్న్నారు. నిన్న గరిష్ఠ ఉష్ణోగ్రత 35.8 డిగ్రీలు, కనిష్ఠ ఉష్ణోగ్రత 18.8 డిగ్రీలుగా నమోదైంది.

ఏపీలో ఇలా
ఆంధ్రప్రదేశ్‌ వాతావరణ విభాగం తెలిపిన వివరాల మేరకు ఆంధ్రప్రదేశ్, యానాం ప్రాంతాల్లో దిగువ ట్రోపోస్ఫిరిక్ స్థాయిల్లో ఆగ్నేయ, నైరుతి దిశలలో గాలులు వీస్తున్నాయని వెదర్ బులెటిన్ లో పేర్కొన్నారు.

ఈ వాతావరణ పరిస్థితుల వల్ల ఏపీలోని ఉత్తర కోస్తా ఆంధ్ర, యానాం ప్రాంతాల్లో వచ్చే మూడు రోజులు పొడి వాతావరణమే ఉంటుందని అమరావతి వాతావరణ కేంద్రం ప్రకటనలో తెలిపింది. దక్షిణ కోస్తా ఆంధ్రప్రదేశ్ లో కూడా పొడి వాతావరణమే ఉండనుంది. రాయలసీమలో వచ్చే మూడు రోజులు పొడి వాతావరణమే ఉండనుంది. రాయలసీమలో కనిష్ఠ ఉష్ణోగ్రతలు సగటు ఉష్ణోగ్రత కంటే 2 నుంచి 4 డిగ్రీల వరకూ తక్కువగా ఒకటి లేదా రెండు చోట్ల నమోదయ్యే అవకాశం ఉంది. 

ఎల్ నినో ఏర్పడే అవకాశాలు
‘‘ఫసిఫిక్ మహాసముద్రంలో మారుతున్న పరిస్ధితుల వలన తేలికపాటి-ఎల్ నినో ఏర్పడే అవకాశాలు ఈ సంవత్సరం కనిపిస్తోంది. 2019 నుంచి ఇప్పటి వరకు లానినా దిశ ఉన్నా, ఇప్పుడు పరిస్ధితులు వెనక్కి మారనున్నాయి. ఇప్పుడు ఉన్న పరిస్ధితుల కంటే ఏప్రిల్ లో మరింత స్పష్టత రానుంది.

ఎల్-నినో అంటే తక్కువ వర్షాలు, లానినా అంటే అధిక వర్షాలు ఉండటం సహజం. దానితో పాటు హిందూ మహాసముద్రం (ఇండియన్ ఓషన్) లో జరిగే మార్పుల వలన కూడ వర్షపాతం మారుతుంది. కానీ దాని ప్రభావం అత్యల్పంగానే ఉంటుంది. కాబట్టి ఈ సారి ఎలా ఉండనుందో చూడాలి’’ అని ఏపీ వెదర్ మ్యాన్ తెలిపారు.

22:52 PM (IST)  •  22 Feb 2023

సికింద్రాబాద్ రైల్వే స్టేషన్ లో బాంబు ఉందని ఫోన్ కాల్

సికింద్రాబాద్ రైల్వే స్టేషన్ లో మరోసారి కలకలం.  రైల్లో బాంబు ఉందంటూ కాల్ రావడంతో సెక్యూరిటీ సిబ్బంది ఉరుకులు పరుగులు పెట్టారు .  ఆగి ఉన్న బళ్లారి ఎక్స్ ప్రెస్ బాంబు ఉందని ఓ గుర్తు తెలియని ఆగంతుకుడు కాల్ చేశాడు. 

16:02 PM (IST)  •  22 Feb 2023

పార్వతిపురంలో రోడ్డు ప్రమాదం-ఐదుగురు మృతి

పార్వతిపురం మన్యం జిల్లాలో ఘరో రోడ్డు ప్రమాదం జరిగింది. కమరాడ దగ్గర ఆటోను లారీ ఢీ కొట్టిన దుర్ఘటనలో ఐదుగురు చనిపోయారు. వివాహానికి వెళ్లి వస్తుండగా ప్రమాదం జరిగింది. బాధిలంతా అంటివలసకు చెందినవారిగా గుర్తించారు. 

15:17 PM (IST)  •  22 Feb 2023

Chennai Earthquake: చెన్నైలోని అన్నానగర్‌లోనూ భూ ప్రకంపనలు

చెన్నైలోని అన్నానగర్ ప్రాంతంలో భూకంపం సంభవించినట్లు సమాచారం అందడంతో ప్రజలు భయాందోళనకు గురయ్యారు. చెన్నైలోని అన్నారోడ్‌ సమీపంలోని లాయిడ్స్‌ రోడ్డులో ప్రకంపనలు వచ్చినట్లు తెలుస్తోంది. ఉదయం 10.15 గంటల ప్రాంతంలో భవనం స్వల్పంగా కంపించడంతో ఉద్యోగులను ఖాళీ చేయించారు. అలాగే అన్నా నగరంలోని కొన్ని ప్రాంతాల్లో కూడా భూకంపం వచ్చినట్లు సమాచారం. చెన్నైలో జరుగుతున్న మెట్రో పనుల వల్లే భూకంపం వచ్చి ఉండొచ్చని కొంత మంది చెప్పగా, దాన్ని మెట్రో అధికారులు ఖండించారు.

భూకంపం సంభవించినట్లు చెబుతున్న ప్రాంతాల్లో మెట్రో పనులు జరగడం లేదని వివరించారు. ఇదిలా ఉండగా, చెన్నైలో భూకంపం వచ్చిన సమయంలోనే, శ్రీలంకలోని పుట్టాలంలో రిక్టర్ స్కేలుపై 3.2 తీవ్రతతో భూకంపం సంభవించింది. 

Little #Earthquake happened in Chennai pic.twitter.com/nDKpNcHOkR

— RAJA DK (@rajaduraikannan) February 22, 2023

15:11 PM (IST)  •  22 Feb 2023

Earthquake in Uttarakhand: ఉత్తరాఖండ్‌‌లో భూ ప్రకంపనలు

ఉత్తరాఖండ్‌లోని పితోర్‌గఢ్‌లో కూడా ప్రకంపనలు వచ్చాయి. భూకంపం రిక్టర్ స్కేలుపై 4.4గా నమోదైంది. టర్కీ, సిరియాలో వరుస భూకంపాల తర్వాత.. భారత్‌లోని ఉత్తరాఖండ్ రాష్ట్రంలో సంభవించిన భూకంపంతో ప్రజలు భయాందోళనకు గురవుతున్నారు. దీని గురించి మరింత సమాచారం తెలియాల్సి ఉంది.

15:09 PM (IST)  •  22 Feb 2023

Earthquake in India: దిల్లీలో కొన్ని చోట్ల భూ ప్రకంపనలు

ఢిల్లీ-ఎన్‌సీఆర్‌, పశ్చిమ ఉత్తరప్రదేశ్‌, హరియాణాలోని పలు ప్రాంతాల్లో స్వల్పంగా భూ ప్రకంపనలు వచ్చాయి. రిక్టర్ స్కేలుపై దీని తీవ్రత 3.6గా నమోదైంది. ఉత్తరప్రదేశ్‌లోని ముజఫర్‌నగర్‌ సమీపంలో భూకంప కేంద్రం ఉంది.

నేపాల్‌లో కూడా భూకంపం సంభవించింది. మధ్యాహ్నం 1.30 గంటలకు ఇక్కడ రిక్టర్ స్కేలుపై 4.4 తీవ్రతతో భూకంపం నమోదైంది. భూకంప కేంద్రం ఉత్తరాఖండ్‌లోని పితోర్‌గఢ్‌కు తూర్పున 143 కిలోమీటర్ల దూరంలో ఉంది మరియు దాని లోతు భూమికి 10 కిలోమీటర్ల లోతులో ఉంది.

గత కొన్ని నెలలుగా నేపాల్‌లో తరచూ భూకంపాలు వస్తూనే ఉన్నాయి. అంతకుముందు జనవరి 24న నేపాల్‌లో 5.8 తీవ్రతతో భూకంపం వచ్చింది. గతేడాది నవంబర్‌లో నేపాల్‌లో 6.3 తీవ్రతతో భూకంపం సంభవించింది.