Xiaomi 11i Hypercharge: 15 నిమిషాల్లోనే పూర్తి చార్జ్.. మనదేశంలో అన్నిటికంటే ఫాస్ట్ ఇదే.. వచ్చేది ఎప్పుడంటే?

ప్రముఖ స్మార్ట్ ఫోన్ బ్రాండ్ షియోమీ మనదేశంలో కొత్త స్మార్ట్ ఫోన్ లాంచ్ చేయనుంది.

షియోమీ 11ఐ హైపర్ చార్జ్ మనదేశంలో త్వరలో లాంచ్ కానుంది.

షియోమీ 11ఐ హైపర్ చార్జ్ స్మార్ట్ ఫోన్ ధరని మనదేశంలో టీజ్ చేశారు. ఈ కొత్త షియోమీ ఫోన్ మనదేశంలోనే ఫాస్టెస్ట్ చార్జింగ్ స్మార్ట్ ఫోన్ అని కంపెనీ ప్రకటించింది. ఇది 120W ఫాస్ట్ చార్జింగ్ సపోర్ట్‌ను అందించనుంది. గతంలో విడుదల అయిన టీజర్ల ప్రకారం.. ఇందులో 120 హెర్ట్జ్ రిఫ్రెష్ రేట్ డిస్‌ప్లేను అందించారు. మీడియాటెక్ డైమెన్సిటీ 920 ప్రాసెసర్‌పై ఈ ఫోన్ పనిచేయనుంది.

ఈ ఫోన్ ధర రూ.25 వేల నుంచి రూ.30 వేల మధ్యలో ఉండే అవకాశం ఉందని కంపెనీ అధికారులు తెలిపారు. చైనాలో గతంలో లాంచ్ అయిన రెడ్‌మీ నోట్ 11 ప్రో ప్లస్ ధర కూడా ఈ రేంజ్‌లోనే ఉంది. ఈ ఫోన్‌కు సంబంధించిన మిగతా వివరాలు తెలియరాలేదు.

అప్‌డేటెడ్ మైక్రోసైట్ ప్రకారం.. షియోమీ 11ఐ హైపర్ చార్జ్ మూడు రంగుల్లో లాంచ్ కానుంది. కామో గ్రీన్, పసిఫిక్ పెరల్, స్టెల్త్ బ్లాక్ రంగుల్లో ఈ ఫోన్ కొనుగోలు చేయవచ్చు. ఇందులో 120 హెర్ట్జ్ ఫుల్ హెచ్‌డీ+ అమోఎల్ఈడీ డిస్‌ప్లేను అందించారు. దీని పీక్ బ్రైట్‌నెస్ 1200 నిట్స్‌గా ఉంది. డాల్బీ అట్మాస్ సపోర్ట్ కూడా ఇందులో ఉంది. మీడియాటెక్ డైమెన్సిటీ 920 ప్రాసెసర్‌పై ఈ ఫోన్ పనిచేయనుంది.

ఇందులో 120W ఫాస్ట్ చార్జింగ్‌ను అందించారు. ఇది కేవలం 15 నిమిషాల్లోనే పూర్తిగా చార్జ్ కానుంది. ఈ ఫోన్ ప్రధాన సెల్లింగ్ పాయింట్ ఇదే. షియోమీ 11ఐ హైపర్ చార్జ్‌తో పాటు షియోమీ 11ఐ కూడా మనదేశంలో లాంచ్ కానుంది. ఇది చైనాలో లాంచ్ అయిన రెడ్‌మీ నోట్ 11 ప్రోకు రీబ్రాండెడ్ వెర్షన్‌గా వచ్చే అవకాశం ఉంది.

షియోమీ 11ఐ సిరీస్ మనదేశంలో జనవరి 6వ తేదీన లాంచ్ కానుంది. దీనికి సంబంధించిన అప్‌డేట్స్ కూడా త్వరలో వచ్చే అవకాశం ఉంది.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి