Tecno Spark Go 2022: రూ.8 వేలలోపే స్మార్ట్‌ఫోన్.. అదిరిపోయే ఫీచర్లు!

టెక్నో స్పార్క్ గో 2022 స్మార్ట్ ఫోన్ మనదేశంలో లాంచ్ అయింది. గతంలో లాంచ్ అయిన టెక్నో స్పార్క్ గో 2021కి తర్వాతి వెర్షన్‌గా ఈ ఫోన్ ఎంట్రీ ఇచ్చింది. టెక్నో స్పార్క్ గో 2022 ఫీచర్లు ఇంతకు ముందు వెర్షన్ తరహాలోనే ఉన్నాయి. ఇందులో డీటీఎస్ స్టీరియో సౌండ్ ఎఫెక్ట్ కూడా ఉంది.

టెక్నో స్పార్క్ గో 2022 ధర
ఇందులో కేవలం ఒక్క వేరియంట్ మాత్రమే అందుబాటులో ఉంది. 2 జీబీ ర్యామ్ + 32 జీబీ స్టోరేజ్ ఉన్న ఈ వేరియంట్ ధరను రూ.7,499గా నిర్ణయించారు. టర్కోయిస్ సియాన్ కలర్ వేరియంట్‌లో ఈ ఫోన్ కొనుగోలు చేయవచ్చు. అమెజాన్‌లో ఈ ఫోన్ అందుబాటులో ఉండనుంది.

టెక్నో స్పార్క్ గో 2022 స్సెసిఫికేషన్లు
ఆండ్రాయిడ్ 11 (గో ఎడిషన్) ఆధారిత హైఓఎస్ 7.6 ఆపరేటింగ్ సిస్టంపై ఈ ఫోన్ పనిచేయనుంది. ఇందులో 6.52 అంగుళాల హెచ్‌డీ+ డిస్‌ప్లేను అందించారు. దీని టచ్ శాంప్లింగ్ రేట్ 120 హెర్ట్జ్‌గా ఉంది. ఇందులో ఉన్న సో ప్లే 2.0 అనే ఫీచర్ ద్వారా మీరు సొంతంగా మ్యూజిక్ ట్రాక్స్ కూడా కంపోజ్ చేసుకోవచ్చు.

2 జీబీ ర్యామ్, 32 జీబీ స్టోరేజ్‌ను ఇందులో అందించారు. స్టోరేజ్‌ను మైక్రో ఎస్‌డీ కార్డు ద్వారా పెంచుకునే అవకాశం ఉంది. ఐపీఎక్స్2 స్ప్లాష్ రెసిస్టెంట్ బిల్డ్ కూడా ఇందులో ఉంది. బయోమెట్రిక్ అన్‌లాకింగ్ కోసం ఫింగర్ ప్రింట్ సెన్సార్‌ను అందించారు. దీంతోపాటు కంపెనీ ఫేస్ అన్‌లాక్ ఫీచర్‌ను కూడా అందించింది.

ఇక కెమెరాల విషయానికి వస్తే. .ఇందులో వెనకవైపు రెండు కెమెరాలు అందించారు. ఇందులో ప్రధాన కెమెరా సామర్థ్యం 13 మెగాపిక్సెల్ కాగా, దీంతోపాటు ఏఐ లెన్స్ కూడా ఉంది. ఇక సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ సెల్ఫీ కెమెరాను అందించారు.

4జీ వోల్టే, వైఫై, బ్లూటూత్, మైక్రో యూఎస్‌బీ, 3.5 ఎంఎం హెడ్ ఫోన్ జాక్ కూడా ఉన్నాయి. దీని బ్యాటరీ సామర్థ్యం 5000 ఎంఏహెచ్‌గా ఉంది. దీని మందం 0.9 సెంటీమీటర్లు కాగా.. బరువు 199 గ్రాములుగా ఉంది.

Also Read: Asus Rog Phone 5 Ultimate: 18 జీబీ ర్యామ్, 512 జీబీ స్టోరేజ్.. ల్యాప్‌టాప్ కాదు స్మార్ట్‌ఫోనే.. సేల్ ఎప్పుడంటే?

Also Read: Tecno Camon 18: ముందు, వెనక 48 మెగాపిక్సెల్ కెమెరాలు.. ధర రూ.15 వేలలోపే.. వైర్‌లెస్ ఇయర్‌బడ్స్ ఫ్రీ!

Also Read: Honor 60: 108 మెగాపిక్సెల్ కెమెరాతో హానర్ కొత్త ఫోన్.. వ్లాగర్ల కోసం ప్రత్యేక ఫీచర్ కూడా!

Also Read: Lost Aadhar Card: ఆధార్ కార్డు పోయిందా.. స్మార్ట్ ఫోన్‌లో ఇలా చేస్తే చాలు.. కొత్త ఆధార్ ఇంటికి!

Also Read: Moto G51 5G: అత్యంత చవకైన మోటో 5జీ ఫోన్ వచ్చేస్తుంది.. మరో వారంలో లాంచ్.. ధర ఎంతంటే?

Also Read: Redmi New Phone: రెడ్‌మీ కొత్త ఫోన్ వచ్చేసింది.. 8 జీబీ ర్యామ్.. ధర ఎంతంటే?

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి