Samsung Galaxy A55 5G: బ్లాక్‌బస్టర్ ఏ-సిరీస్‌లో కొత్త ఫోన్ తెచ్చిన శాంసంగ్ - గెలాక్సీ ఏ55 5జీ ఎలా ఉందంటే?
Samsung New Phone: శాంసంగ్ గెలాక్సీ ఏ55 5జీ మొబైల్ ఇండియాలో ఎంట్రీ ఇచ్చింది. దీని ధర రూ.39,999 నుంచి ప్రారంభం కానుంది.
Samsung Galaxy A55 5G Price Revealed: శాంసంగ్ గెలాక్సీ ఏ55 5జీ స్మార్ట్ ఫోన్ మనదేశంలో లాంచ్ అయింది. ఈ ఫోన్‌ను కంపెనీ ఇంతకు ముందే రివీల్ చేసినప్పటికీ ధరను మాత్రం వెల్లడించలేదు. ఇప్పుడు ధర, సేల్ వివరాలను ప్రకటించింది. ఇందులో 6.6 అంగుళాల అమోఎల్ఈడీ డిస్‌ప్లేను అందించారు. దీని స్క్రీన్ రిఫ్రెష్ రేట్ 120 హెర్ట్జ్‌గా ఉంది.
శాంసంగ్ గెలాక్సీ ఏ55 5జీ ధర (Samsung Galaxy A55 5G Price in India)
ఈ ఫోన్ మూడు వేరియంట్లలో మార్కెట్లో అందుబాటులోకి వచ్చింది. వీటిలో ప్రారంభ వేరియంట్ అయిన 8 జీబీ ర్యామ్ + 128 జీబీ స్టోరేజ్ మోడల్ ధర రూ.39,999గా ఉంది. 8 జీబీ ర్యామ్ + 256 జీబీ స్టోరేజ్ వేరియంట్ ధర రూ.42,999గానూ, టాప్ ఎండ్ వేరియంట్ అయిన 12 జీబీ ర్యామ్ + 256 జీబీ స్టోరేజ్ మోడల్ ధరను రూ.45,999గానూ నిర్ణయించారు.
అసమ్ ఐస్ బ్లూ, అసమ్ నేవీ కలర్ ఆప్షన్లలో ఈ ఫోన్ కొనుగోలు చేయవచ్చు. హెచ్‌డీఎఫ్‌సీ, వన్ కార్డ్, ఐడీఎఫ్‌సీ ఫస్ట్ బ్యాంకు కార్డుల ద్వారా కొనుగోలు చేస్తే రూ.3,000 డిస్కౌంట్ అందించనున్నారు. దీనికి సంబంధించి ఈఎంఐ ఆప్షన్లు రూ.1,792 నుంచి ప్రారంభం కానున్నాయి. ఆన్‌లైన్ ప్లాట్‌ఫాంల్లో దీని సేల్ మార్చి 18వ తేదీ నుంచి జరగనుంది.
శాంసంగ్ గెలాక్సీ ఏ55 5జీ స్పెసిఫికేషన్లు (Samsung Galaxy A55 5G Specifications)
ఆండ్రాయిడ్ 14 ఆధారిత వన్‌యూఐ 6.1 ఆపరేటింగ్ సిస్టంపై ఈ స్మార్ట్ ఫోన్ పని చేయనుంది. నాలుగు జనరేషన్ల పాటు ఆండ్రాయిడ్ ఆపరేటింగ్ సిస్టం అప్‌డేట్లు, ఐదు సంవత్సరాల పాటు సెక్యూరిటీ ప్యాచెస్‌ను శాంసంగ్ అందించనుంది. ఇందులో 6.6 అంగుళాల ఫుల్ హెచ్‌డీ+ అమోఎల్ఈడీ డిస్‌ప్లే ఉంది. 120 హెర్ట్జ్ రిఫ్రెష్ రేట్‌ను ఈ డిస్‌ప్లే సపోర్ట్ చేయనుంది. 1000 నిట్స్ పీక్ బ్రైట్‌నెస్, విజన్ బూస్టర్ ఫీచర్లు శాంసంగ్ గెలాక్సీ ఏ55 5జీలో ఉన్నాయి. కార్నింగ్ గొరిల్లా గ్లాస్ విక్టస్ ప్లస్ ద్వారా డిస్‌ప్లేకు ప్రొటెక్షన్ లభించనుంది.
4 ఎన్ఎం ఎక్సినోస్ 1480 చిప్‌సెట్‌పై శాంసంగ్ గెలాక్సీ ఏ55 5జీ రన్ కానుంది. 12 జీబీ వరకు ర్యామ్, 256 జీబీ వరకు స్టోరేజ్‌ను ఈ ఫోన్‌లో అందించారు. స్టోరేజ్‌ను మైక్రో ఎస్‌డీ కార్డు ద్వారా 1 టీబీ వరకు పెంచుకోవచ్చు. ఫింగర్ ప్రింట్ సెన్సార్‌ను ఫోన్ పక్కభాగంలో అందించారు. శాంసంగ్ నాక్స్ వాల్ట్ సెక్యూరిటీ ఫీచర్ ద్వారా డేటాకు ప్రొటెక్షన్ లభించనుంది. ఐపీ67 డస్ట్ వాటర్ రెసిస్టెన్స్ ఫీచర్లు కూడా ఉన్నాయి.
ఇక కెమెరాల విషయానికి వస్తే... ఈ ఫోన్‌లో వెనకవైపు మూడు కెమెరాలు ఉన్నాయి. వీటిలో ప్రధాన కెమెరా సామర్థ్యం 50 మెగాపిక్సెల్ కాగా, దీంతోపాటు 12 మెగాపిక్సెల్ అల్ట్రా వైడ్ యాంగల్ లెన్స్, 5 మెగాపిక్సెల్ మాక్రో షూటర్ కూడా ఉన్నాయి. ప్రధాన కెమెరాలో ఆటో ఫోకస్ ఫీచర్ ఉంది. ఆప్టికల్ ఇమేజ్ స్టెబిలైజేషన్‌ను కూడా సపోర్ట్ చేయనుంది. సెల్ఫీలు, వీడియో కాల్స్ కోసం ముందువైపు 32 మెగాపిక్సెల్ కెమెరాను అందించారు. ఇందులో 5000 ఎంఏహెచ్ బ్యాటరీని అందించారు. ఇది 25W ఫాస్ట్ ఛార్జింగ్‌ను సపోర్ట్ చేయనుంది. మెటల్ ఫ్రేమ్‌తో ఈ ఫోన్ మార్కెట్లోకి ఎంట్రీ ఇవ్వడం విశేషం.
Also Read: నోకియా ఫోన్లు ఇక కనిపించవా? - కంపెనీ కొత్త ప్రకటనకు అర్థం ఏంటి?
టాప్ హెడ్ లైన్స్
ట్రెండింగ్ వార్తలు
