Poco M4 Pro 5G: పోకో కొత్త 5జీ ఫోన్ వచ్చేసింది.. మరో బడ్జెట్ మొబైల్!
ప్రముఖ స్మార్ట్ ఫోన్ బ్రాండ్ పోకో తన కొత్త స్మార్ట్ ఫోన్ లాంచ్ చేసింది. ఈ ఫోన్ ప్రస్తుతానికి యూరోపియన్ మార్కెట్లో మాత్రమే అందుబాటులో ఉంది.
పోకో ఎం4 ప్రో 5జీ స్మార్ట్ ఫోన్ యూరోపియన్ మార్కెట్లో లాంచ్ అయింది. పోకో ఎం3 ప్రో 5జీకి తర్వాతి వెర్షన్గా ఈ ఫోన్ లాంచ్ అయింది. చైనాలో గత నెలలో లాంచ్ అయిన రెడ్మీ నోట్ 11 5జీని రీబ్రాండ్ చేసి పోకో ఎం4 ప్రో 5జీగా మార్కెట్లోకి తీసుకువచ్చారు. ఇందులో 90 హెర్ట్జ్ డిస్ప్లేను అందించారు. మీడియాటెక్ డైమెన్సిటీ 810 ప్రాసెసర్పై ఈ ఫోన్ పని చేయనుంది. దీని స్టోరేజ్ను 1 టీబీ వరకు పెంచుకునే అవకాశం ఉండటం విశేషం.
పోకో ఎం4 ప్రో 5జీ ధర
ఇందులో రెండు వేరియంట్లు అందుబాటులో ఉన్నాయి. వీటిలో ప్రారంభ వేరియంట్ అయిన 4 జీబీ ర్యామ్ + 64 జీబీ స్టోరేజ్ వేరియంట్ ధర 229 యూరోలుగా(సుమారు రూ.19,600) ఉంది. 6 జీబీ ర్యామ్ + 128 జీబీ స్టోరేజ్ వేరియంట్ ధర 249 యూరోలుగా(సుమారు రూ.21,300) నిర్ణయించారు. కూల్ బ్లూ, పోకో ఎల్లో, పవర్ బ్లాక్ రంగుల్లో ఈ ఫోన్ కొనుగోలు చేయవచ్చు. నవంబర్ 11వ తేదీ నుంచి ఈ ఫోన్ సేల్ ప్రారంభం కానుంది. ఈ ఫోన్ మనదేశంలో ఎప్పుడు లాంచ్ కానుందో తెలియరాలేదు. ఒక వేళ ఈ ఫోన్ మనదేశంలో లాంచ్ అయితే ధర రూ.15 వేలలోపే ఉండే అవకాశం ఉంది.
పోకో ఎం4 ప్రో 5జీ స్పెసిఫికేషన్లు
ఆండ్రాయిడ్ 11 ఆధారిత ఎంఐయూఐ 12.5 ఆపరేటింగ్ సిస్టంపై ఈ ఫోన్ పనిచేయనుంది. ఇందులో 6.6 అంగుళాల ఫుల్ హెచ్డీ+ డాట్ డిస్ప్లేను అందించారు. దీని స్క్రీన్ రిఫ్రెష్ రేట్ 90 హెర్ట్జ్గా ఉంది. దీని టచ్ శాంప్లింగ్ రేట్ 240 హెర్ట్జ్గా ఉంది. మీడియాటెక్ డైమెన్సిటీ 810 ప్రాసెసర్పై ఈ ఫోన్ పనిచేయనుంది. 6 జీబీ ర్యామ్ ఇందులో ఉంది. డైనమిక్ ర్యామ్ ఎక్స్ప్యాన్షన్ ఫీచర్ ద్వారా 8 జీబీ వరకు ర్యామ్ను పెంచుకోవచ్చు.
ఇక కెమెరా విషయానికి వస్తే... ఇందులో వెనకవైపు రెండు కెమెరాలు అందించారు. వీటిలో ప్రధాన కెమెరా సామర్థ్యం 50 మెగాపిక్సెల్ కాగా, దీంతోపాటు 8 మెగాపిక్సెల్ అల్ట్రా వైడ్ యాంగిల్ షూటర్ కూడా ఉంది. నైట్ మోడ్, ఎల్ఈడీ ఫ్లాష్తో పాటు పలు ఏఐ ఫీచర్లు కూడా ఇందులో ఉన్నాయి. సెల్ఫీలు, వీడియో కాల్స్ కోసం ముందువైపు 16 మెగాపిక్సెల్ కెమెరాను అందించారు.
ఈ స్మార్ట్ ఫోన్లో 128 జీబీ వరకు స్టోరేజ్ అందించారు. దీన్ని మైక్రో ఎస్డీ కార్డు ద్వారా 1 టీబీ వరకు స్టోరేజ్ అందించారు. 5జీ, 4జీ ఎల్టీఈ, వైఫై, బ్లూటూత్, జీపీఎస్/ఏ-జీపీఎస్, ఇన్ఫ్రారెడ్ బ్లాస్టర్, ఎన్ఎఫ్సీ, ఎఫ్ఎం రేడియో, యూఎస్బీ టైప్-సీ పోర్టు, 3.5 ఎంఎం హెడ్ఫోన్ జాక్ వంటి ఫీచర్లు కూడా ఉన్నాయి. ఫోన్ పక్కభాగంలో ఫింగర్ ప్రింట్ సెన్సార్ అందించారు. దీని బరువు 195 గ్రాములుగా ఉంది.
Also Read: రూ.10 వేలలోనే ఒప్పో కొత్త ఫోన్.. ఫీచర్లు ఎలా ఉన్నాయంటే?
Also Read: Lava AGNI 5G: స్వదేశీ 5జీ ఫోన్ వచ్చేసింది.. ఇలా కొంటే రూ.2,000 తగ్గింపు!
Also Read: రూ.18 వేలలోపే 5జీ ఫోన్.. భారీ డిస్ప్లే కూడా!
Also Read: 7 అంగుళాల భారీ డిస్ప్లేతో హానర్ కొత్త ఫోన్.. అదిరిపోయే ఫీచర్లు.. 5జీ కూడా!
ఇంట్రస్టింగ్ వీడియోలు, విశ్లేషణల కోసం ABP Desam YouTube Channel సబ్స్క్రైబ్ చేయండి
Before You Go
Perplexity AI CEO Aravind Srinivas Biography | 30ఏళ్ల వయస్సుకే AI ప్రపంచాన్ని శాసిస్తున్న ఇండియన్ | ABP Desam
టాప్ హెడ్ లైన్స్
ట్రెండింగ్ వార్తలు
