Parag Agrawal Twitter CEO: ట్విట్టర్ సీఈవోగా మనోడు.. టెక్ కంపెనీల్లో కొనసాగుతున్న భారతీయుల హవా

భారతీయ అమెరికన్ పరాగ్ అగర్వాల్ ట్వీటర్ కొత్త సీఈవోగా నియమితులయ్యారు. ప్రస్తుతం సీఈవోగా ఉన్న జాక్ డోర్సే పదవి నుంచి తప్పుకున్నారు.

ట్వీటర్ కొత్త సీఈవో పరాగ్ అగర్వాల్ (ఫైల్ ఫొటో)

దిగ్గజ టెక్నాలజీ కంపెనీ ట్వీటర్ కొత్త సీఈవోగా భారతీయ అమెరికన్ పరాగ్ అగర్వాల్ నియమితులయ్యారు. జాక్ డోర్సే సీఈవో పదవి నుంచి తప్పుకోవడంతో ప్రపంచంలోని ప్రముఖ కంపెనీలను ముందుకు నడిపించే భారతీయుల జాబితాలో పరాగ్ అగర్వాల్ కూడా చేరారు.

ఈ సందర్బంగా పరాగ్ అగర్వాల్, ‘నేను చాలా గౌరవంగా ఫీల్ అవుతున్నాను. మీ స్నేహానికి, మీ మెంటార్ షిప్‌కు నేను ఎంతగానో రుణపడి ఉంటాను. మీరు రూపొందించిన కల్చర్, సోల్, పర్పస్‌లకు నేను రుణపడి ఉంటాను. ’ అని జాక్ డోర్సేకు రాసిన లేఖలో పేర్కొన్నారు.

Deep gratitude for @jack and our entire team, and so much excitement for the future. Here’s the note I sent to the company. Thank you all for your trust and support 💙 https://t.co/eNatG1dqH6 pic.twitter.com/liJmTbpYs1

— Parag Agrawal (@paraga) November 29, 2021

not sure anyone has heard but,

I resigned from Twitter pic.twitter.com/G5tUkSSxkl

— jack⚡️ (@jack) November 29, 2021

పరాగ్ అగర్వాల్ గురించి తెలుసుకోవాల్సిన ఐదు విషయాలు
1. పరాగ్ అగర్వాల్ గత దశాబ్దం నుంచి ట్వీటర్‌లోనే పనిచేస్తున్నారు. డిస్టింగ్విష్డ్ సాఫ్ట్‌వేర్ ఇంజినీర్‌గా సంస్థలో జాయిన్ అయిన పరాగ్ తర్వాత చీఫ్ టెక్నాలజీ ఆఫీసర్‌గా ప్రమోట్ అయ్యారు.
2. చీఫ్ టెక్నాలజీ ఆఫీసర్‌గా ‘ట్వీటర్ టెక్నికల్ స్ట్రాటజీ, మెషీన్ లెర్నింగ్, ఏఐ, కన్స్యూమర్, రెవిన్యూ, సైన్స్  టీమ్స్’ విధులను నిర్వహించేవారు.
3. ట్వీటర్‌కు ముందు పరాగ్ మైక్రోసాఫ్ట్, యాహూ, ఏటీ అండ్ టీ ల్యాబ్స్‌లో పనిచేశారు.
4. పరాగ్ అగర్వాల్ ఐఐటీ బాంబేలో కంప్యూటర్ సైన్స్ చదివారు. స్టాన్‌ఫోర్డ్ యూనివర్సిటీలో పీహెచ్‌డీ చేశారు.
5. పీపుల్ ఏఐ తెలిపేదాని ప్రకారం.. పరాగ్ అగర్వాల్ ఆస్తి 1.52 మిలియన్ డాలర్లుగా ఉంది.

ఓపెన్, డీసెంట్రలైజ్డ్ స్టాండర్డ్ ఉన్న సోషల్ మీడియాను క్రియేట్ చేయడానికి ట్వీటర్ ప్రారంభించిన బ్లూ స్కై ఎఫర్ట్‌ను పరాగ్ అగర్వాల్ గతంలో లీడ్ చేశాడు.

పరాగ్ అగర్వాల్‌ను డోర్సే బాగా ఆహ్వానించారు. ‘ఈ ప్రక్రియలో బోర్డు ఎన్నో ఆప్షన్లు కన్సిడర్ చేసింది. అందరూ పరాగ్‌ను ఏకగ్రీవంగా ఎన్నుకున్నారు. తనను ఎంపిక చేయాలన్న నిర్ణయం నాదే. కంపెనీని, దాని అవసరాలను తను బాగా అర్థం చేసుకున్నాడు. కంపెనీ తీసుకున్న ప్రతి కీలక నిర్ణయం వెనుక పరాగ్ ఉన్నాడు. కంపెనీ ముందడుగు వేయడానికి సహకారం అందించాడు. అతని దగ్గర చాలా మంచి లక్షణాలు ఉన్నాయి. ఈ కంపెనీని తన హృదయంతో నడుపుతాడు. తన మీద నాకు చాలా నమ్మకం ఉంది.’ అని డోర్సే తన ఈ-మెయిల్‌లో పేర్కొన్నారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి