OnePlus RT: వన్ప్లస్ ఆర్టీ ధర లీక్.. 9 సిరీస్ కంటే తక్కువే.. ఎంతంటే?
ప్రముఖ స్మార్ట్ ఫోన్ బ్రాండ్ వన్ప్లస్ తన ఆర్టీ స్మార్ట్ ఫోన్ మనదేశంలో త్వరలో లాంచ్ చేయనుంది. ఇప్పుడు దీనికి సంబంధించిన ధర ఆన్లైన్లో లీకైంది.
వన్ప్లస్ ఆర్టీ స్మార్ట్ ఫోన్ ధర మనదేశంలో లీకైంది. ఇందులో 6 జీబీ, 8 జీబీ ర్యామ్ వేరియంట్లు ఉండనున్నాయని తెలుస్తోంది. 6 జీబీ ర్యామ్ + 128 జీబీ స్టోరేజ్, 8 జీబీ ర్యామ్ + 128 జీబీ స్టోరేజ్ వేరియంట్లలో ఈ ఫోన్ లాంచ్ కానుందని వార్తలు వస్తున్నాయి.
వన్ప్లస్ ఆర్టీ ధర(అంచనా)
ఇప్పటివరకు వచ్చిన కథనాల ప్రకారం ఇందులో రెండు వేరియంట్లు ఉండనున్నాయి. వీటలో ప్రారంభ వేరియంట్ అయిన 6 జీబీ ర్యామ్ + 128 జీబీ స్టోరేజ్ వేరియంట్ ధర రూ.34,999గా ఉండనున్నట్లు తెలుస్తోంది. ఇక టాప్ ఎండ్ వేరియంట్ అయిన 8 జీబీ ర్యామ్ + 128 జీబీ స్టోరేజ్ వేరియంట్ ధర రూ.37,999 లేదా రూ.39,999గా ఉండనుందని వార్తలు వస్తున్నాయి.
చైనాలో లాంచ్ అయిన వన్ప్లస్ 9ఆర్టీ రీబ్రాండెడ్ వెర్షన్గా ఈ ఫోన్ లాంచ్ కానుంది. చైనాలో ఈ ఫోన్ మూడు వేరియంట్లలో లాంచ్ అయింది. వీటిలో ప్రారంభ వేరియంట్ అయిన 8 జీబీ ర్యామ్ + 128 జీబీ స్టోరేజ్ వేరియంట్ ధర రూ.3,299 యువాన్లుగా ఉంది. ఇక 8 జీబీ ర్యామ్ + 256 జీబీ స్టోరేజ్ వేరియంట్ ధర రూ.3,499 యువాన్లుగానూ(సుమారు రూ.40,900), 12 జీబీ ర్యామ్ + 256 జీబీ స్టోరేజ్ వేరియంట్ ధర 3,799 యువాన్లుగానూ(సుమారు రూ.44,400) ఉంది.
వన్ప్లస్ ఆర్టీ స్పెసిఫికేషన్లు(అంచనా)
ఈ ఫోన్ వన్ప్లస్ 9ఆర్టీకి రీబ్రాండెడ్ వెర్షన్గా లాంచ్ కానుందని వార్తలు వస్తున్నాయి. దీంతో స్పెసిఫికేషన్లు కూడా ఆ తరహాలోనే ఉండే అవకాశం ఉంది. ఆండ్రాయిడ్ 11 ఆధారిత ఒప్పో కలర్ఓఎస్ ఆపరేటింగ్ సిస్టంపై ఈ ఫోన్ పనిచేయనుంది. ఈ స్మార్ట్ఫోన్లో 6.62 అంగుళాల ఫుల్ హెచ్డీ+ శాంసంగ్ ఈ4 అమోఎల్ఈడీ డిస్ప్లేను అందించనున్నారు. దీని యాస్పెక్ట్ రేషియో 20:9గానూ, స్క్రీన్ రిఫ్రెష్ రేట్ 120 హెర్ట్జ్గా ఉంది. దీని టచ్ శాంప్లింగ్ రేట్ ఏకంగా 1300 హెర్ట్జ్గా ఉండటం విశేషం.
4500 ఎంఏహెచ్ డ్యూయల్ సెల్ బ్యాటరీని ఇందులో అందించారు. 65టీ వార్ప్ చార్జ్ ఫాస్ట్ చార్జింగ్ను ఇది సపోర్ట్ చేయనుంది. క్వాల్కాం స్నాప్డ్రాగన్ 888 ప్రాసెసర్పై ఈ ఫోన్ పనిచేయనుంది. 12 జీబీ వరకు ర్యామ్, 256 జీబీ వరకు స్టోరేజ్ ఇందులో ఉన్నాయి.
ఇందులో వెనకవైపు మూడు కెమెరాలు ఉన్నాయి. వీటిలో ప్రధాన కెమెరాగా 50 మెగాపిక్సెల్ సోనీ ఐఎంఎక్స్766 సెన్సార్ను అందించారు. దీంతోపాటు 16 మెగాపిక్సెల్ అల్ట్రా వైడ్ యాంగిల్ లెన్స్, 2 మెగాపిక్సెల్ మాక్రో షూటర్ కూడా ఇందులో ఉన్నాయి. ఇక సెల్ఫీలు, వీడియో కాల్స్ కోసం ముందువైపు 16 మెగాపిక్సెల్ సోనీ ఐఎంఎక్స్471 సెల్ఫీ కెమెరాను అందించారు.
యాక్సెలరో మీటర్, యాంబియంట్ లైట్ సెన్సార్, గైరోస్కోప్, మ్యాగ్నెటోమీటర్, ప్రాక్సిమిటీ సెన్సార్ కూడా ఇందులో అందించారు. డ్యూయల్ స్టీరియో స్పీకర్లు, డాల్బీ అట్మాస్ సపోర్ట్ కూడా ఇందులో ఉంది.5జీ, 4జీ ఎల్టీఈ, వైఫై 6, బ్లూటూత్ వీ5.2, జీపీఎస్/ఏ-జీపీఎస్, ఎన్ఎఫ్సీ, యూఎస్బీ టైప్-సీ పోర్టు కూడా ఇందులో ఉన్నాయి.
Also Read: Infinix New Phone: రూ.6 వేలలోనే కొత్త స్మార్ట్ఫోన్.. 6000 ఎంఏహెచ్ బ్యాటరీ.. మిగతా ఫీచర్లు?
Also Read: Lava AGNI 5G: స్వదేశీ 5జీ ఫోన్ వచ్చేసింది.. ఇలా కొంటే రూ.2,000 తగ్గింపు!
Also Read: 7 అంగుళాల భారీ డిస్ప్లేతో హానర్ కొత్త ఫోన్.. అదిరిపోయే ఫీచర్లు.. 5జీ కూడా!
ఇంట్రస్టింగ్ వీడియోలు, విశ్లేషణల కోసం ABP Desam YouTube Channel సబ్స్క్రైబ్ చేయండి
Before You Go
Perplexity AI CEO Aravind Srinivas Biography | 30ఏళ్ల వయస్సుకే AI ప్రపంచాన్ని శాసిస్తున్న ఇండియన్ | ABP Desam
టాప్ హెడ్ లైన్స్
ట్రెండింగ్ వార్తలు
