Infinix New Phone: రూ.6 వేలలోనే కొత్త స్మార్ట్‌ఫోన్.. 6000 ఎంఏహెచ్ బ్యాటరీ.. మిగతా ఫీచర్లు?

ఇన్‌ఫీనిక్స్ స్మార్ట్ ప్రో స్మార్ట్ ఫోన్ సైలెంట్‌గా పాకిస్తాన్‌లో లాంచ్ అయింది. ఇందులో వాటర్ డ్రాప్ తరహా డిస్‌ప్లేను అందించారు. ఫోన్ వెనకవైపు రెండు కెమెరాలు ఉన్నాయి. ఇన్‌ఫీనిక్స్ స్మార్ట్ 5 ప్రోలో హెచ్‌డీ+ డిస్‌ప్లేను అందించారు. ఆక్టాకోర్ ప్రాసెసర్‌పై ఈ ఫోన్ పనిచేయనుంది. ఇందులో 18W ఫాస్ట్ చార్జింగ్ సపోర్ట్ కూడా ఉంది.

ఇన్‌ఫీనిక్స్ స్మార్ట్ 5 ప్రో ధర
ఇన్‌ఫీనిక్స్ స్మార్ట్ 5 ప్రోలో కేవలం ఒక్క వేరియంట్ మాత్రమే కంపెనీ లాంచ్ చేసింది. 2 జీబీ ర్యామ్ + 32 జీబీ స్టోరేజ్ ఉన్న ఈ వేరియంట్ ధరను 14,499 పాకిస్తాన్ రూపాయలుగా(సుమారు రూ.6,200) నిర్ణయించారు. ఈ ఫోన్ ప్రస్తుతానికి పాకిస్తాన్‌లో మాత్రమే అందుబాటులో ఉంది. మనదేశంలో ఎప్పుడు లాంచ్ కానుందో తెలియరాలేదు.

ఇన్‌ఫీనిక్స్ స్మార్ట్ 5 ప్రో స్పెసిఫికేషన్లు
ఆండ్రాయిడ్ 11(గో ఎడిషన్) ఆధారిత ఎక్స్ఓఎస్ 7.6 ఆపరేటింగ్ సిస్టంపై ఈ ఫోన్ పని చేయనుంది. 6.52 అంగుళాల హెచ్‌డీ+ డిస్‌ప్లేను ఇందులో అందించారు. 1.6 గిగాహెర్ట్జ్ క్లాక్ స్పీడ్ ఉన్న ఆక్టాకోర్ ప్రాసెసర్‌ను ఇందులో అందించారు. 2 జీబీ ర్యామ్, 32 జీబీ స్టోరేజ్ ఇందులో ఉంది.

ఇక కెమెరాల విషయానికి వస్తే.. ఇందులో వెనకవైపు రెండు కెమెరాలు ఉన్నాయి. వీటిలో ప్రధాన కెమెరా సామర్థ్యం 13 మెగాపిక్సెల్ కాగా.. దీంతోపాటు డెప్త్ సెన్సార్ కూడా ఉంది. సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ కెమెరా అందించారు. ఏఐ ఫీచర్లు కూడా ఇందులో ఉన్నాయి.

ఇందులో 32 జీబీ స్టోరేజ్ అందించారు. ఫోన్ వెనకవైపు ఫింగర్ ప్రింట్ సెన్సార్ అందించారు. ఇందులో 6000 ఎంఏహెచ్ బ్యాటరీ కూడా ఉంది. ఒక్కసారి పూర్తిగా చార్జ్ చేస్తే 67 గంటల టాక్‌టైం, 88 రోజుల స్టాండ్‌బైని ఇది అందించనున్నట్లు కంపెనీ తెలిపింది.

Also Read: రూ.10 వేలలోనే ఒప్పో కొత్త ఫోన్.. ఫీచర్లు ఎలా ఉన్నాయంటే?

Also Read: Lava AGNI 5G: స్వదేశీ 5జీ ఫోన్ వచ్చేసింది.. ఇలా కొంటే రూ.2,000 తగ్గింపు!

Also Read: రూ.18 వేలలోపే 5జీ ఫోన్.. భారీ డిస్‌ప్లే కూడా!

Also Read: 7 అంగుళాల భారీ డిస్‌ప్లేతో హానర్ కొత్త ఫోన్.. అదిరిపోయే ఫీచర్లు.. 5జీ కూడా!

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి