Moto G75 5G: కొత్త 5జీ ఫోన్ లాంచ్ చేసిన మోటొరోలా - మార్కెట్లోకి మోటో జీ75 5జీ ఎంట్రీ - ధర ఎంత?

Moto New Phone: మోటొరోలా కొత్త 5జీ స్మార్ట్ ఫోన్ కొన్ని దేశాల్లో లాంచ్ అయింది. అదే మోటో జీ75 5జీ. దీని ధర రూ.27 వేల రేంజ్‌లో ఉంది. మనదేశంలో ఎప్పుడు లాంచ్ కానుందో తెలియరాలేదు.

మోటో జీ75 5జీ

Source : Motorola

Moto G75 5G Launched: మోటో జీ75 5జీ స్మార్ట్ ఫోన్ ఎంపిక చేసిన ఇంటర్నేషనల్ మార్కెట్లలో లాంచ్ అయింది. ఈ కొత్త 5జీ ఫోన్ క్వాల్‌కాం స్నాప్‌డ్రాగన్ 6 జెన్ 3 ప్రాసెసర్‌పై రన్ కానుంది. డస్ట్, మాయిశ్చర్ లోపలికి రాకుండా ఐపీ68 రేటింగ్ అందించారు. కార్నింగ్ గొరిల్లా గ్లాస్ 5 ప్రొటెక్షన్ కూడా ఈ ఫోన్‌లో ఉంది. ఇందులో 6.78 అంగుళాల డిస్‌ప్లే అందించారు. దీని స్క్రీన్ రిఫ్రెష్ రేట్ 120 హెర్ట్జ్ కాగా, 50 మెగాపిక్సెల్ డ్యూయల్ కెమెరాలు అందించారు. దీని బ్యాటరీ సామర్థ్యం 5000 ఎంఏహెచ్ కాగా, వైర్డ్, వైర్‌లెస్ ఛార్జింగ్‌ను సపోర్ట్ చేయనుంది.

మోటో జీ75 5జీ ధర (Moto G75 5G Price)
ఇందులో ఒక్క వేరియంట్ మాత్రమే అందుబాటులో ఉంది. దీని ధరను 299 యూరోలుగా (మనదేశ కరెన్సీలో సుమారు రూ.27,000) నిర్ణయించారు. ఆక్వా బ్లూ, చార్‌కోల్ గ్రే, సక్సులెంట్ గ్రే కలర్ ఆప్షన్లలో దీన్ని కొనుగోలు చేయవచ్చు. లాటిన్ అమెరికా, ఆసియా పసిఫిక్ వంటి ఎంపిక చేసిన మార్కెట్లలో ఈ ఫోన్ అందుబాటులో ఉంది.

మోటో జీ75 5జీ స్పెసిఫికేషన్లు, ఫీచర్లు (Moto G75 5G Specifications)
ఆండ్రాయిడ్ 14 ఆపరేటింగ్ సిస్టంపై ఈ ఫోన్ పని చేయనుంది. 6.78 అంగుళాల ఫుల్ హెచ్‌డీ+ హోల్ పంచ్ డిస్‌ప్లేను అందించారు. దీని స్క్రీన్ రిఫ్రెష్ రేట్ 120 హెర్ట్జ్‌గా ఉంది. పీక్ బ్రైట్‌నెస్ 1000 నిట్స్ కాగా, టచ్ శాంప్లింగ్ రేట్ 240 హెర్ట్జ్‌గా ఉంది. కార్నింగ్ గొరిల్లా గ్లాస్ 5 ప్రొటెక్షన్ కూడా అందించారు. ఆక్టాకోర్ క్వాల్‌కాం స్నాప్‌డ్రాగన్ 6 జెన్ 3 ప్రాసెసర్‌పై ఈ ఫోన్ రన్ కానుంది. 8 జీబీ వరకు ఎల్పీడీడీఆర్4ఎక్స్ ర్యామ్, 256 జీబీ వరకు యూఎఫ్ఎస్ 2.2 స్టోరేజ్ కూడా ఉంది. ర్యామ్‌ను వర్చువల్‌గా 16 జీబీ వరకు పెంచుకోవచ్చు. స్టోరేజ్‌ను మైక్రో ఎస్‌డీ కార్డు ద్వారా 1 టీబీ వరకు పెంచుకోవచచు.

ఇక కెమెరాల విషయానికి వస్తే... ఫోన్ వెనకవైపు రెండు కెమెరాలు అందుబాటులో ఉన్నాయి. వీటిలో ప్రధాన కెమెరా సామర్థ్యం 50 మెగాపిక్సెల్ కాగా, దీంతోపాటు 8 మెగాపిక్సెల్ అల్ట్రా వైడ్ యాంగిల్ మాక్రో విజన్ సెన్సార్ కూడా ఉన్నాయి. సెల్ఫీలు, వీడియో కాల్స్ కోసం ముందువైపు 16 మెగాపిక్సెల్ సెన్సార్ అందించారు. ఐపీ68 రేటింగ్ ఉంది కాబట్టి అండర్ వాటర్‌లో కూడా ఈ ఫోన్ ఉపయోగించవచ్చు.

మోటో జీ75లో బ్లూటూత్ వీ5.4, జీపీఎస్, ఏ-జీపీఎస్, ఎల్టీఈపీపీ, గ్లోనాస్, గెలీలియో, క్యూజెడ్ఎస్ఎస్, ఎన్ఎఫ్‌సీ, యూఎస్‌బీ టైప్-సీ పోర్టు, వైఫై వంటి కనెక్టివిటీ ఫీచర్లు ఉన్నాయి. యాక్సెలరోమీటర్, యాంబియంట్ లైట్ సెన్సార్, ఈ-కంపాస్, ఫ్లికర్ సెన్సార్, గైరోస్కోప్, ప్రాక్సిమిటీ, సెన్సార్ హబ్, సార్ సెన్సార్ వంటి కనెక్టివిటీ ఫీచర్లు అందించారు. ఫింగర్ ప్రింట్ సెన్సార్‌ను ఫోన్ పక్క భాగంలో చూడవచ్చు. ఫేస్ అన్‌లాక్ ఫీచర్‌ కూడా అందుబాటులో ఉంది. డాల్బీ అట్మాస్ టెక్నాలజీని సపోర్ట్ చేసే స్టీరియో స్పీకర్లు అందించారు. దీని బ్యాటరీ సామర్థ్యం 5000 ఎంఏహెచ్ కాగా, 30W వైర్డ్ ఫాస్ట్ ఛార్జింగ్ సపోర్ట్ కూడా ఉంది. దీని మందం 0.83 సెంటీమీటర్లు కాగా, బరువు 205 గ్రాములుగా ఉంది.