Vivo T1x 5G India Launch: వివో కొత్త 5జీ ఫోన్ కీలక ఫీచర్ లీక్ - ఈసారి ఆ ప్రాసెసర్‌తో?
ప్రముఖ స్మార్ట్ ఫోన్ బ్రాండ్ వివో తన కొత్త ఫోన్ టీ1ఎక్స్‌ను మనదేశంలో జులై 19వ తేదీన లాంచ్ చేయనుంది. ఈ ఫోన్‌లో క్వాల్‌కాం స్నాప్‌డ్రాగన్ 680 ప్రాసెసర్‌ను అందించనున్నారు.
వివో టీ1ఎక్స్ మనదేశంలో జులై 19వ తేదీన లాంచ్ కానుందని తెలుస్తోంది. ఈ వివో ఫోన్ చైనాలో గతేడాది లాంచ్ అయింది. ఇందులో వెనకవైపు మూడు కెమెరాలు ఉండనున్నాయి. ఆక్టాకోర్ మీడియాటెక్ డైమెన్సిటీ 900 ప్రాసెసర్‌పై ఈ ఫోన్ పనిచేయనుంది.
వివో టీ1ఎక్స్ ధర (అంచనా)
చైనాలో ఈ ఫోన్ 1,699 యువాన్ల (సుమారు రూ.20,000) ధరతో లాంచ్ అయింది. మనదేశంలో కూడా దీని ధర ఆ రేంజ్‌లోనే ఉండే అవకాశం ఉంది. అయితే అధికారికంగా ఎంత ఉండనుందో తెలియాలంటే మాత్రం లాంచ్ అయ్యే దాకా వెయిట్ చేయాల్సిందే.
వివో టీ1ఎక్స్ స్పెసిఫికేషన్లు (అంచనా)
ఆండ్రాయిడ్ ఆపరేటింగ్ సిస్టంపై వివో టీ1ఎక్స్ పనిచేయనుంది. ఇందులో 6.58 అంగుళాల ఫుల్ హెచ్‌డీ+ డిస్‌ప్లేను అందించారు. దీని స్క్రీన్ రిఫ్రెష్ రేట్ 120 హెర్ట్జ్‌గా ఉంది. ఆక్టాకోర్ మీడియాటెక్ డైమెన్సిటీ 900 ప్రాసెసర్‌పై ఈ ఫోన్ పనిచేయనుంది.. 8 జీబీ వరకు ర్యామ్, 256 జీబీ వరకు స్టోరేజ్‌ను అందించారు. స్టోరేజ్‌ను మైక్రో ఎస్‌డీ కార్డు ద్వారా 1 టీబీ వరకు పెంచుకోవచ్చు.
ఇక కెమెరాల విషయానికి వస్తే... ఫోన్ వెనకవైపు రెండు కెమెరాలు అందించారు. వీటిలో ప్రధాన కెమెరా సామర్థ్యం 64 మెగాపిక్సెల్ కాగా... దీంతోపాటు 2 మెగాపిక్సెల్ మాక్రో సెన్సార్ కూడా ఉంది. సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ కెమెరా అందించారు.
దీని బ్యాటరీ సామర్థ్యం 5000 ఎంఏహెచ్‌గా ఉంది. 5జీ, 4జీ ఎల్టీఈ, వైఫై, జీపీఎస్/ఏ-జీపీఎస్, ఎఫ్ఎం రేడియో, యూఎస్‌బీ టైప్-సీ పోర్టు, 3.5 ఎంఎం హెడ్ ఫోన్ జాక్ కూడా ఇందులో ఉన్నాయి. ఫింగర్ ప్రింట్ సెన్సార్‌ను ఫోన్ పక్క భాగంలో అందించారు.
Also Read: వన్‌ప్లస్ 10ఆర్ వచ్చేసింది - ఏకంగా 150W ఫాస్ట్ చార్జింగ్ - ధర ఎంతంటే?
Also Read: రూ.10 వేలలోనే ట్యాబ్లెట్ - లాంచ్ చేసిన రియల్‌మీ - ఎలా ఉందో చూశారా!
View this post on Instagram
టాప్ హెడ్ లైన్స్
ట్రెండింగ్ వార్తలు
