Realme C30 Sale: రియల్‌మీ కొత్త ఫోన్ సేల్ ప్రారంభం - రూ.8 వేలలోపే సూపర్ ఫీచర్లు!

రియల్‌మీ బడ్జెట్ ఫోన్ సీ30 సేల్ మనదేశంలో ప్రారంభం అయింది. దీన్ని ఫ్లిప్‌కార్ట్‌లో కొనుగోలు చేయవచ్చు.

రియల్‌మీ సీ30 సేల్ ఫ్లిప్‌కార్ట్‌లో ప్రారంభం అయింది.

రియల్‌మీ సీ30 బడ్జెట్ స్మార్ట్ ఫోన్ సేల్ మనదేశంలో సోమవారం ప్రారంభం అయింది. ఫ్లిప్‌కార్ట్‌లో ఈ ఫోన్ కొనుగోలు చేయవచ్చు. ఆక్టాకోర్ యూనిసోక్ ప్రాసెసర్‌పై ఈ ఫోన్ పనిచేయనుంది. 1 టీబీ వరకు స్టోరేజ్‌ను పెంచుకునే అవకాశం ఉంది.

రియల్‌సీ 30 ధర
ఇందులో రెండు వేరియంట్లు లాంచ్ అయ్యాయి. వీటిలో 2 జీబీ ర్యామ్ వేరియంట్ ధర రూ.7,499గానూ, 3 జీబీ ర్యామ్ వేరియంట్ ధర రూ.8,299గానూ నిర్ణయించారు. బాంబూ గ్రీన్, డెనిమ్ బ్లాక్, లేక్ బ్లూ కలర్ వేరియంట్లలో ఈ ఫోన్ కొనుగోలు చేయవచ్చు. ఫ్లిప్‌కార్ట్‌లో ఈ ఫోన్ అందుబాటులో ఉంది.

రియల్‌మీ సీ30 స్పెసిఫికేషన్లు, ఫీచర్లు
ఆండ్రాయిడ్ 11 (గో ఎడిషన్) ఆధారిత రియల్‌మీ యూఐ గో ఆపరేటింగ్ సిస్టంపై రియల్‌మీ సీ30 పనిచేయనుంది. ఇందులో 6.5 అంగుళాల హెచ్‌డీ+ ఎల్సీడీ డిస్‌ప్లేను అందించారు. దీని యాస్పెక్ట్ రేషియో 20:9గానూ... స్క్రీన్ టు బాడీ రేషియో 88.7 శాతంగానూ ఉంది. ఆక్టాకోర్ యూనిసోక్ టీ612 ప్రాసెసర్‌ను ఈ స్మార్ట్ ఫోన్‌లో అందించారు.

ఇక కెమెరాల విషయానికి వస్తే... ఫోన్ వెనకవైపు 8 మెగాపిక్సెల్ కెమెరా, సెల్ఫీలు, వీడియో కాల్స్ కోసం ముందువైపు 5 మెగాపిక్సెల్ సెల్ఫీ కెమెరా ఉంది. 3 జీబీ వరకు ర్యామ్, 32 జీబీ వరకు స్టోరేజ్ ఉన్నాయి. స్టోరేజ్‌ను మైక్రో ఎస్‌డీ కార్డు ద్వారా 1 టీబీ వరకు పెంచుకునే అవకాశం ఉంది.

రియల్‌మీ సీ30 బ్యాటరీ సామర్థ్యం 5000 ఎంఏహెచ్‌గా ఉంది. 4జీ ఎల్టీఈ, వైఫై, బ్లూటూత్ వీ5, 3.5 ఎంఎం హెడ్ ఫోన్ జాక్, యూఎస్‌బీ టైప్-సీ పోర్టు కూడా ఇందులో ఉన్నాయి. దీని మందం 0.85 సెంటీమీటర్లు కాగా... బరువు 182 గ్రాములుగా ఉంది.

 

 

 

 

 

View this post on Instagram

 

 

 

 

 

 

 

 

 

 

 

A post shared by realmeshowroomsivakasi (@realmesivakasi)