Google Pixel 8 Series: గూగుల్ పిక్సెల్ 8 సిరీస్ ధర, ఫీచర్లు లీక్ - ఐఫోన్లకు పోటీనిచ్చే కెమెరాలు!

Google Pixel 8 Launch: గూగుల్ పిక్సెల్ 8 సిరీస్ స్మార్ట్ ఫోన్లకు సంబంధించిన వివరాలు లీక్ అయ్యాయి.

గూగుల్ పిక్సెల్ 8 సిరీస్ ధర, ఫీచర్లు లీకయ్యాయి.

Source : ABP Live

గూగుల్ తన పిక్సెల్ 8 సిరీస్‌ను అక్టోబర్ నెలలో లాంచ్ చేయడానికి రెడీ అవుతోంది. అయితే దాని లాంచ్‌కు ముందు కొంతమంది ప్రసిద్ధ టిప్‌స్టర్లు పిక్సెల్ 8 సిరీస్ డిజైన్, స్పెసిఫికేషన్, ధరను కూడా లీక్ చేశారు.

ఇంతకు ముందు గూగుల్ పిక్సెల్ 8 సిరీస్‌కు (Google Pixel 8 Series) సంబంధించిన ప్రమోషనల్ వీడియోను షేర్ చేసింది. దీనిలో కంపెనీ స్మార్ట్‌ఫోన్ కెమెరా గురించి వివరించింది. అలాగే ఇప్పుడు ప్రముఖ టిప్‌స్టర్ Kamila Wojciechowski మరోసారి పిక్సెల్ 8 (Google Pixel 8), పిక్సెల్ 8 ప్రో (Google Pixel 8 Pro) స్పెసిఫికేషన్ల గురించి సమాచారాన్ని షేర్ చేశారు.

గూగుల్ పిక్సెల్ 8 సిరీస్ ధర ఎంత ఉండవచ్చు? (Google Pixel 8 Expected Price)
మార్కెట్లో వినిపిస్తున్న కథనాల ప్రకారం గూగుల్ పిక్సెల్ 8 ధర 699 డాలర్లుగా (సుమారు రూ.51,800) ఉండనుంది. గూగుల్ పిక్సెల్ 8 ప్రో ధరను 899 డాలర్లుగా (సుమారు రూ.74,800) నిర్ణయించనున్నట్లు తెలుస్తోంది.

గూగుల్ పిక్సెల్ 8 సిరీస్ ఫీచర్లు (అంచనా) (Google Pixel 8 Pro Specifications)
గూగుల్ పిక్సెల్ 8, పిక్సెల్ 8 ప్రో ఫోన్‌లలో చాలా గొప్ప ఫీచర్లు అందుబాటులో ఉన్నాయి. ఇందులో పిక్సెల్ 8 రిఫ్రెష్ రేట్ 60 హెర్ట్జ్ నుంచి 120 హెర్ట్జ్ వరకు ఉంటుంది. ఇది 6.2 అంగుళాల ఫుల్ హెచ్‌డీ+ ఓఎల్ఈడీ డిస్‌ప్లేతో రానుంది. దీని పీక్ బ్రైట్‌నెస్ 2000 నిట్స్ వరకు ఉండనుంది. అయితే పిక్సెల్ 8 ప్రో 120 హెర్ట్జ్ రిఫ్రెష్ రేట్, 2400 నిట్స్ పీక్ బ్రైట్‌నెస్‌ను పొందుతుంది. గూగుల్ పిక్సెల్ 8 ప్రోలో 6.7 అంగుళాల ఎల్టీపీవో ఓఎల్ఈడీ డిస్‌ప్లేను అందించే అవకాశం ఉంది.
 
గూగుల్ టెన్సార్ జీ3 చిప్‌సెట్ పిక్సెల్ 8 సిరీస్‌కు సంబంధించిన రెండు మోడళ్లలో అందించనున్నారు. ఇది టైటాన్ ఎం2 సెక్యూరిటీ కోప్రాసెసర్‌తో జత కానుంది. దీంతో పాటు ఈ సిరీస్‌లో 8 జీబీ ఎల్పీడీడీఆర్5ఎక్స్ ర్యామ్ అందుబాటులో ఉంటుంది. పిక్సెల్ 8ని 128 జీబీ, 256 జీబీ యూఎఫ్ఎస్ 3.1 స్టోరేజ్‌లో లాంచ్ చేయవచ్చు. అయితే పిక్సెల్ 8 ప్రోకు 8 జీబీ ఎల్పీడీడీఆర్5ఎక్స్ ర్యామ్, 1 టీబీ స్టోరేజ్ లభించనుంది.

పిక్సెల్ 8, పిక్సెల్ 8 ప్రో ఫోన్‌ల బ్యాటరీ, ఛార్జింగ్ విషయానికి వస్తే, పిక్సెల్ 8లో 4575 ఎంఏహెచ్ బ్యాటరీని ఉండనుంది. ఇది 27W ఫాస్ట్ ఛార్జర్‌ను సపోర్ట్ చేయనుంది. దీంతో పాటు ఇందులో 18W Qi వైర్‌లెస్ ఛార్జర్‌ కూడా ఉండనుంది. మరోవైపు పిక్సెల్ 8 ప్రో 5050 ఎంఏహెచ్ బ్యాటరీని కలిగి ఉండనుంది. ఇది 30W వైర్డ్ ఫాస్ట్ ఛార్జింగ్‌ను, 23W Qi వైర్‌లెస్ ఛార్జింగ్‌ సపోర్ట్ చేయనుంది.

కెమెరా సెటప్ హైలెట్ (Google Pixel 8 Camera)
గూగుల్ పిక్సెల్ 8 సిరీస్‌లో 50 మెగాపిక్సెల్ ప్రైమరీ కెమెరా, 12 మెగాపిక్సెల్ అల్ట్రా వైడ్ సెన్సార్, టైమ్ ఆఫ్ ఫ్లైట్ సెన్సార్ ఉంటాయి. ఇది మెరుగైన లైట్ వెర్షన్, హెచ్‌డీఆర్ సామర్ధ్యంతో వస్తుంది. ఈ సెన్సార్ 30 ఎఫ్‌పీఎస్ వద్ద 8కే వీడియోని చిత్రీకరించడానికి కూడా సహాయపడుతుంది. పిక్సెల్ 8లో వినియోగదారులు 11 మెగాపిక్సెల్ ఫ్రంట్ కెమెరాను పొందుతారు.

పిక్సెల్ 8 ప్రోలో 11 మెగాపిక్సెల్ ఫ్రంట్ ఫేసింగ్ కెమెరా ఉండనుంది. వెనుకవైపు సెటప్‌లో 50 మెగాపిక్సెల్ ప్రైమరీ కెమెరా, 64 మెగాపిక్సెల్ అల్ట్రా వైడ్ కెమెరా, 49 మెగాపిక్సెల్ టెలిఫోటో కెమెరాను కలిగి ఉంటుందని వార్తలు వస్తున్నాయి.

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial