Lava Blaze 2 5G Sale: లావా బ్లేజ్ 2 5జీ సేల్ నేడే - దేశంలో అత్యంత చవకైన 5జీ ఫోన్ ఇదే!

Lava Blaze 2 5G: లావా కొత్త 5జీ స్మార్ట్ ఫోన్ బ్లేజ్ 2 5జీ సేల్ మనదేశంలో ప్రారంభం అయింది.

లావా బ్లేజ్ 2 5జీ సేల్ ప్రారంభం కానుంది.

Lava Blaze 2 5G Offers: లావా బ్లేజ్ 2 5జీ ఈ నెలలోనే మనదేశంలో లాంచ్ అయింది. దీనికి సంబంధించిన సేల్ గురువారం నుంచి ప్రారంభం కానుంది. గతేడాది లాంచ్ అయిన లావా బ్లేజ్ 5జీకి తర్వాతి వెర్షన్‌గా ఈ కొత్త ఫోన్ మార్కెట్లోకి వచ్చింది. లావా బ్లేజ్ 2 5జీలో 6.56 అంగుళాల 2.5డీ కర్వ్‌డ్ డిస్‌ప్లేను అందించారు. దీని స్క్రీన్ రిఫ్రెష్ రేట్ 90 హెర్ట్జ్ కాగా, వెనకవైపు రెండు కెమెరాలు కూడా అందుబాటులో ఉన్నాయి. మీడియాటెక్ డైమెన్సిటీ 6020 ప్రాసెసర్‌పై ఈ స్మార్ట్ ఫోన్ పని చేయనుంది. 6 జీబీ వరకు ర్యామ్, 128 జీబీ వరకు స్టోరేజ్ కూడా ఇందులో ఉన్నాయి. దీని బ్యాటరీ సామర్థ్యం 5000 ఎంఏహెచ్ కాగా, 18W ఫాస్ట్ ఛార్జింగ్‌ను లావా బ్లేజ్ 2 5జీ సపోర్ట్ చేయనుంది.

లావా బ్లేజ్ 2 5జీ ధర, ఆఫర్లు (Lava Blaze 2 5G Price in India)
ఇందులో రెండు వేరియంట్లు లాంచ్ అయ్యాయి. ప్రారంభ వేరియంట్ అయిన 4 జీబీ ర్యామ్ + 64 జీబీ స్టోరేజ్ వేరియంట్ ధర రూ.9,999గా ఉంది. 6 జీబీ ర్యామ్ + 128 జీబీ స్టోరేజ్ ధరను కంపెనీ ఇంకా రివీల్ చేయలేదు. గ్లాస్ బ్లాక్, గ్లాస్ బ్లూ, గ్లాస్ లావెండర్ కలర్ ఆప్షన్లలో ఈ స్మార్ట్ ఫోన్ కొనుగోలు చేయవచ్చు. లావా ఈ-స్టోర్, అమెజాన్ ఇండియా స్టోర్లలో దీని సేల్ ప్రారంభం కానుంది. దీనిపై పలు బ్యాంక్ ఆఫర్లు కూడా అందించారు.

లావా బ్లేజ్ 2 5జీ స్పెసిఫికేషన్లు (Lava Blaze 2 5G Specifications)
ఆండ్రాయిడ్ 13 ఆపరేటింగ్ సిస్టంపై ఈ స్మార్ట్ ఫోన్ పని చేయనుంది. ఆండ్రాయిడ్ 14 అప్‌డేట్‌ను కూడా అందిస్తామని లావా అంటోంది. లావా బ్లేజ్ 2 5జీలో 6.56 అంగుళాల హెచ్‌డీ+ డిస్‌ప్లేను అందించారు. ఈ స్మార్ట్ ఫోన్ స్క్రీన్ రిఫ్రెష్ రేట్ 90 హెర్ట్జ్‌గా ఉంది. పంచ్ హోల్ కటౌట్ ఉన్న 2.5డీ కర్వ్‌డ్ స్క్రీన్ కూడా ఉంది. సెల్ఫీ కెమెరా కోసం ముందువైపు హోల్ పంచ్ కటౌట్ అందుబాటులో ఉంది. ఆక్టాకోర్ మీడియాటెక్ డైమెన్సిటీ 6020 ప్రాసెసర్‌పై ఈ స్మార్ట్ ఫోన్ రన్ కానుంది. 6 జీబీ వరకు ర్యామ్ ఉంది. దీన్ని వర్చువల్‌గా 11 జీబీ వరకు పెంచుకోవచ్చు.

ఇక కెమెరాల విషయానికి వస్తే... ఫోన్ వెనకవైపు రెండు కెమెరాలు అందుబాటులో ఉన్నాయి. వీటిలో ప్రధాన కెమెరా సామర్థ్యం 50 మెగాపిక్సెల్ కాగా, దీంతోపాటు 0.08 మెగాపిక్సెల్ కెమెరా కూడా ఉంది. ముందువైపు సెల్ఫీలు, వీడియో కాల్స్ కోసం 8 మెగాపిక్సెల్ కెమెరా అందించారు. 128 జీబీ స్టోరేజ్‌తో ఈ ఫోన్ మార్కెట్లోకి రానుంది. స్టోరేజ్‌ను 1 టీబీ వరకు పెంచుకునే అవకాశం ఉంది.

5జీ, 4జీ, బ్లూటూత్, ఎఫ్ఎం రేడియో, వైఫై, ఓటీజీ, 3.5 ఎంఎం ఆడియో జాక్, యూఎస్‌బీ టైప్-సీ పోర్టు వంటి కనెక్టివిటీ ఫీచర్లు కూడా ఇందులో ఉన్నాయి. యాక్సెలరోమీటర్, యాంబియంట్ లైట్ సెన్సార్, మ్యాగ్నెటోమీటర్, ప్రాక్సిమిటీ ఫీచర్లను లావా అందించింది. ఫింగర్ ప్రింట్ సెన్సార్‌ ఫోన్ పక్కభాగంలో అందించారు. దీంతోపాటు ఫేస్ అన్‌లాక్ ఫీచర్ కూడా ఉంది. ఈ స్మార్ట్ ఫోన్ బ్యాటరీ సామర్థ్యం 5000 ఎంఏహెచ్ కాగా, 18W ఫాస్ట్ ఛార్జింగ్‌ను సపోర్ట్ చేయనుంది. లావా బ్లేజ్ 2 5జీ మందం 0.84 సెంటీమీటర్లు కాగా, బరువు 203 గ్రాములుగా ఉంది.