iPhone 13: ఐఫోన్ 13 సిరీస్ ప్రీ-ఆర్డర్లు ప్రారంభం.. కొనాలనుకునేవారికి గుడ్‌న్యూస్!

యాపిల్ ఐఫోన్ 13 మినీ, ఐఫోన్ 13, ఐఫోన్ 13 ప్రో, ఐఫోన్ 13 ప్రో మ్యాక్స్ లను కంపెనీ ఇటీవలే లాంచ్ చేసిన సంగతి తెలిసిందే. వీటికి సంబంధించిన ప్రీ ఆర్డర్లు మనదేశంలో ప్రారంభం అయ్యాయి.

ఐఫోన్ 13

ఐఫోన్ 13 సిరీస్ ప్రీ-ఆర్డర్లు మనదేశంలో ప్రారంభం అయ్యాయి. అమెజాన్, ఫ్లిప్ కార్ట్, యాపిల్ అధికారిక స్టోర్లలో వీటిని ప్రీ-ఆర్డర్ చేయవచ్చు. వీటిలో ఏ15 బ‌యోనిక్ చిప్, ఐవోఎస్ 15లు అందించారు.

ఐఫోన్ 13 సిరీస్ ధ‌ర‌
ఐఫోన్ 13 మినీలో మూడు వేరియంట్లు అందుబాటులో ఉన్నాయి. వీటిలో ప్రారంభ వేరియంట్ అయిన 128 జీబీ వేరియంట్ ధ‌ర రూ.69,900గా నిర్ణ‌యించారు. 256 జీబీ స్టోరేజ్ వేరియంట్ ధ‌ర రూ.79,900గానూ, 512 జీబీ వేరియంట్ ధ‌ర రూ.99,900గానూ ఉంది. ఐఫోన్ 13లో కూడా మూడు వేరియంట్లే అందుబాటులో ఉన్నాయి. వీటిలో ప్రారంభ వేరియంట్ అయిన 128 జీబీ వేరియంట్ ధ‌ర రూ.79,900గా ఉంది. 256 జీబీ స్టోరేజ్ వేరియంట్ ధ‌ర రూ.89,900గానూ, 512 జీబీ వేరియంట్ ధ‌ర రూ.1,09,900గానూ ఉంది.

ఐఫోన్ 13 ప్రో సిరీస్ ధ‌ర‌
ఐఫోన్ 13 ప్రోలో నాలుగు వేరియంట్లు అందించారు. వీటిలో 128 జీబీ స్టోరేజ్ వేరియంట్ ధ‌ర రూ.1,19,900గా ఉంది. 256 జీబీ స్టోరేజ్ వేరియంట్ ధ‌ర రూ.1,29,900గానూ, 512 జీబీ స్టోరేజ్ వేరియంట్ ధ‌ర రూ.1,49,900గానూ నిర్ణ‌యించారు. ఇక టాప్ ఎండ్ అయిన 1 టీబీ వేరియంట్ ధ‌ర రూ.1,69,900గానూ ఉంది. ఐఫోన్ 13 ప్రో మ్యాక్స్‌లో కూడా నాలుగు వేరియంట్లే అందుబాటులో ఉన్నాయి. 128 జీబీ స్టోరేజ్ వేరియంట్ ధ‌ర రూ.1,29,900గా నిర్ణ‌యించారు. 256 జీబీ స్టోరేజ్ వేరియంట్ ధ‌ర రూ.1,39,900గానూ, 512 జీబీ స్టోరేజ్ వేరియంట్ ధ‌ర రూ.1,59,900గానూ ఉంది. ఇక టాప్ ఎండ్ అయిన 1 టీబీ వేరియంట్ కొనాలంటే రూ.1,79,900గా పెట్టాల్సిందే. ప్ర‌స్తుతం అందుబాటులో ఉన్న అత్యంత ఖ‌రీదైన ఐఫోన్ ఇదే. వీటి సేల్ సెప్టెంబ‌ర్ 24వ తేదీ నుంచి ప్రారంభం కానుంది.

ఐఫోన్ 13 మినీ, ఐఫోన్ 13, ఐఫోన్ 13 ప్రో, ఐఫోన్ 13 ప్రో మ్యాక్స్ స్పెసిఫికేష‌న్లు
ఐఫోన్ 13 మినీలో 5.4 అంగుళాలు, ఐఫోన్ 13లో 6.1 అంగుళాలు, ఐఫోన్ 13 ప్రోలో 6.1 అంగుళాలు, ఐఫోన్ 13 ప్రో మ్యాక్స్ లో 6.7 అంగుళాల డిస్ ప్లేల‌ను యాపిల్ అందించింది. డాల్బీ విజ‌న్, హెచ్ డీఆర్10, హెచ్ఎల్‌జీ స‌పోర్ట్ కూడా ఇందులో అందించారు. ఈ నాలుగు ఫోన్లూ ఏ15 బ‌యోనిక్ ప్రాసెస‌ర్ల‌పైనే పనిచేయనున్నాయి.

ఐఫోన్ 13 ప్రో, ఐఫోన్ 13 ప్రో మ్యాక్స్ ల్లో స‌ర్జిక‌ల్ గ్రేడ్ స్టెయిన్ లెస్ స్టీల్ ను అందించారు. ఇందులో నాలుగు కొత్త రంగుల‌ను యాపిల్ అందించింది. అవే గ్రాఫైట్, గోల్డ్, సిల్వ‌ర్, సియ‌ర్రా బ్లూ. ఐఫోన్ 13, ఐఫోన్ 13 మినీల్లో ఫ్లాట్ ఎడ్జ్ అల్యూమినియం ఫ్రేమ్ ల‌ను అందించారు. పింక్, బ్లూ, మిడ్ నైట్, స్టార్ నైట్, ప్రొడ‌క్ట్ రెడ్ రంగుల్లో దీన్ని కొనుగోలు చేయ‌వ‌చ్చు.

ఐఫోన్ 13 మినీ, ఐఫోన్ 13 మినీల్లో సరికొత్త వైడ్ యాంగిల్ కెమెరాను అందించారు. వీటిలో నైట్ మోడ్ కూడా వేగంగా ప‌నిచేయ‌నుంది. 12 మెగాపిక్సెల్ అల్ట్రా వైడ్ యాంగిల్ కెమెరాను యాపిల్ ఇందులో అందించింది. ఐఫోన్ 13 ప్రో, ఐఫోన్ 13 ప్రో మ్యాక్స్ ల్లో 77 ఎంఎం టెలిఫొటో కెమెరాను అందించారు. ఐఫోన్ 13 మినీ, ఐఫోన్ 13ల్లో వెన‌క‌వైపు రెండు కెమెరాలు ఉండ‌గా, ప్రో మోడ‌ళ్ల‌లో మూడు కెమెరాలు ఉన్నాయి.

ఐఫోన్ 12 ప్రో కంటే గంట‌న్న‌ర ఎక్కువ బ్యాక‌ప్ ను ఐఫోన్ 13 ప్రో అందించ‌నుంది. ఐఫోన్ 12 ప్రో మ్యాక్స్ కంటే రెండున్న‌ర గంట‌ల ఎక్కువ బ్యాక‌ప్ ను ఐఫోన్ 13 ప్రో మ్యాక్స్ అందించ‌నుంది. ఐఫోన్ 13 పూర్తి రోజు బ్యాట‌రీ లైఫ్ ను అందిస్తుంద‌ని పేర్కొంది. ఐఫోన్ 12 మినీ కంటే ఐఫోన్ 13 మినీ గంట‌న్న‌ర ఎక్కువ బ్యాట‌రీ బ్యాక‌ప్ ను అందించ‌నుంది.