Smartphone Hacking: మీ ఫోన్‌లో ఈ లక్షణాలు కనిపిస్తున్నాయా? - అయితే హ్యాక్ అయినట్లే!

Cyber Security Tips: మన ఫోన్ హ్యాక్ అయిందా లేదా అని చెప్పడానికి కొన్ని టిప్స్ ఫాలో అయితే సరిపోతుంది. అవేంటో ఇప్పుడు చూద్దాం.

ప్రతీకాత్మక చిత్రం

Source : Social Media

How to Protect Your Phone From Hacking: ప్రస్తుతం ప్రపంచవ్యాప్తంగా పెరుగుతున్న ఇంటర్నెట్ వాడకం కారణంగా ఫోన్ హ్యాకింగ్ సంఘటనలు కూడా వేగంగా పెరుగుతున్నాయి. ఫోన్‌ను హ్యాక్ చేయడానికి హ్యాకర్లు కొత్త కొత్త పద్ధతులను రూపొందిస్తున్నారు. ఇలాంటి పరిస్థితుల్లో ప్రజలు అప్రమత్తంగా ఉండాల్సిన అవసరం ఎంతైనా ఉంది. అయితే మీ ఫోన్ హ్యాక్ అయిందో లేదో తెలుసుకోవడం ఎలా? కొన్ని టిప్స్ ఫాలో అయితే మీ ఫోన్ హ్యాక్ అయిందో లేదో తెలుసుకోవచ్చు.

ఛార్జింగ్ త్వరగా అయిపోతే జాగ్రత్త పడాలి
మీ ఫోన్ బ్యాటరీ త్వరగా ఛార్జింగ్ అయిపోతున్నట్లయితే మీ ఫోన్ హ్యాక్ అయింది అనడానికి అవకాశం ఉంది. ఎందుకంటే కొన్నిసార్లు బ్యాక్‌గ్రౌండ్‌లో రన్ అయ్యే స్పై యాప్‌ల కారణంగా, ఫోన్ బ్యాటరీ త్వరగా ఛార్జింగ్ అయిపోతుంది. అటువంటి పరిస్థితిలో దీనిపై దృష్టి పెట్టవలసిన అవసరం ఉంది.

మీ ఫోన్‌లో అనవసరమైన యాప్‌లను ఉంచుకోవద్దు
మీరు ఉపయోగించని యాప్‌లు మీ ఫోన్‌లో ఉండకూడదని గుర్తుంచుకోవడం ముఖ్యం. మీ అనుమతి లేకుండా చాలా సార్లు యాప్స్ ఇన్‌స్టాల్ అవుతాయి. అటువంటి పరిస్థితిలో వాటిని తీసివేయడం చాలా ముఖ్యం. ఫోన్ హ్యాకింగ్‌కు ఇది ఒక కారణం కావచ్చు. ఈ తెలియని యాప్‌లలో స్పై సాఫ్ట్‌వేర్ దాగి ఉండవచ్చు.

ఫోన్ త్వరగా వేడెక్కడం వల్ల ప్రమాదం
మీ డివైస్ త్వరగా వేడెక్కుతున్నట్లయితే హ్యాకర్లు ఫోన్‌ను రియల్‌ టైంలో ట్రాక్ చేసే అవకాశం ఉంది. దీని కోసం వారు జీపీఎస్ టెక్నాలజీని ఉపయోగిస్తారు. అటువంటి పరిస్థితిలో ఫోన్ హార్డ్‌వేర్‌పై అధిక ఒత్తిడి ఉంటుంది. ఫోన్ హ్యాకింగ్ విషయంలో స్క్రీన్ ఫ్లాషింగ్, ఆటోమేటిక్‌గా ఫోన్ సెట్టింగ్స్‌లో మార్పు లేదా ఫోన్ పనిచేయకపోవడం వంటివి చూడవచ్చు.

బ్యాక్‌గ్రౌండ్ నాయిస్ వస్తుందా?
మీరు మీ ఫోన్‌లో కాల్ చేస్తున్నప్పుడు ఏదైనా బ్యాక్‌గ్రౌండ్ శబ్దం విన్నట్లయితే అప్రమత్తంగా ఉండండి. ఇవి హ్యాకింగ్ సంకేతాలు కావచ్చు.

బ్రౌజింగ్ హిస్టరీని కూడా చెక్ చేయండి
మీరు డివైస్ బ్రౌజింగ్ చరిత్రను కూడా చెక్ చేయవచ్చు. చాలా సార్లు స్పై యాప్‌లను డౌన్‌లోడ్ చేయడం ద్వారా మీ ఫోన్‌ను వారి అధీనంలోకి తీసుకోవచ్చు.