Watch: మళ్లీ కలిసిన యువీ, ధోనీ..! ఎక్కడ.. ఎందుకు?

ప్రపంచకప్‌ల హీరో యువరాజ్‌ సింగ్‌, ప్రపంచకప్‌ల కెప్టెన్‌ ఎంఎస్ ధోనీ మళ్లీ కలిశారు! వీరిద్దరూ సోఫాపై కూర్చొని సరదాగా కబుర్లు చెప్పుకున్నారు.

యువరాజ్‌, ఎంఎస్‌ ధోనీ

టీమ్‌ఇండియా ప్రపంచకప్‌ల హీరో యువరాజ్‌ సింగ్‌, ప్రపంచకప్‌ల కెప్టెన్‌ ఎంఎస్ ధోనీ మళ్లీ కలిశారు! ఓ యాడ్‌ షూటింగ్‌లో వీరిద్దరూ కలిసి నటించారు. షూటింగ్‌ మధ్య ఖాళీ సమయంలో వీరిద్దరూ సోఫాపై కూర్చొని సరదాగా కబుర్లు చెప్పుకున్నారు. ఇందుకు సంబంధించిన చిత్రాన్ని యువీ తన ఇన్‌స్టా స్టోరీగా పెట్టుకున్నాడు.

ఒకప్పుడు యువీ, ధోనీ టీమ్‌ఇండియాకు మూల స్తంభాలుగా ఉండేవారు. మిడిలార్డర్లో వీరిద్దరే కీలకంగా ఆడేవారు. మొదట్లో ప్రాణ స్నేహితులుగా ఉండేవారు. మహీకి కెప్టెన్సీ ఇచ్చిన తర్వాత విభేదాలు వచ్చాయని వదంతులు వచ్చాయి. ఉద్దేశపూర్వకంగానే యువీని పక్కన పెట్టాడని ధోనీపై విపరీతంగా విమర్శలు వచ్చాయి. ప్రస్తుతం వీరు మాట్లాడుకుంటున్న తీరు చూస్తే మాత్రం అలాగేమీ కనిపించడం లేదు.

Yuvraj Singh's latest Instagram story:#Yuvi #MSD pic.twitter.com/FdCWaR2tkF

— StumpMic Cricket (@stumpmic_) December 6, 2021

ఎంఎస్‌ ధోనీ సారథ్యంలో యువీ 104 వన్డేలు ఆడాడు. 3077 పరుగులు చేశాడు. 88.21 స్ట్రైక్‌రేట్‌తో ఆరు సెంచరీలు, 21 అర్ధ సెంచరీలు కొట్టాడు. ధోనీ నేతృత్వంలోనే టీమ్‌ఇండియా 2011లో వన్డే ప్రపంచకప్‌ గెలిచింది. యువీ ప్లేయర్‌ ఆఫ్ ది టోర్నీగా నిలిచాడు. రెండేళ్ల క్రితం ఆటకు వీడ్కోలు పలికిన యువీ మళ్లీ పిచ్‌ మీదకు వస్తున్నానని సూచనలు ఇవ్వడం తెలిసిందే. మంగళవారం సైతం ఓ ట్వీట్‌ చేశాడు.

It's that time of the year. Are you ready? Do you have what it takes? Have a big surprise for all you guys! Stay tuned! pic.twitter.com/xR0Zch1HtU

— Yuvraj Singh (@YUVSTRONG12) December 7, 2021

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి