IPL 2026 Final: ఐపీఎల్ ఫైనల్లో ఆర్సీబీ హిస్టరీ రిపీట్ చేస్తుందా.. లేక గుజరాత్ టైటాన్స్ సరికొత్త సృష్టిస్తుందా?
గత కొన్నేళ్లుగా కొనసాగుతున్న చారిత్రాత్మక సెంటిమెంట్ను ఆర్సీబీ కాపాడుకుంటుందా.. లేక గుజరాత్ టైటాన్స్ విజేతగా నిలిచి చరిత్ర సృష్టిస్తుందా? అని అభిమానుల్లో ఉత్కంఠ నెలకొంది.
క్రికెట్ అభిమానులు ఎంతగానో ఎదురుచూస్తున్న ఐపీఎల్ 2026 ఫైనల్ టైమ్ వచ్చేసింది. నేడు అహ్మదాబాద్లోని ప్రపంచంలోనే అతిపెద్ద క్రికెట్ స్టేడియమైన నరేంద్ర మోదీ స్టేడియంలో ఈ సీజన్ ఫైనల్ మ్యాచ్ జరగనుంది. మే 31న జరుగుతున్న ఈ ప్రతిష్టాత్మక పోరులో రాయల్ ఛాలెంజర్స్ బెంగళూరు (RCB), గుజరాత్ టైటాన్స్ (GT) జట్లు ట్రోఫీని కైవసం చేసుకోవడమే లక్ష్యంగా బరిలోకి దిగుతున్నాయి. ఈ రెండు జట్లు ఈ సీజన్ అంతటా నిలకడగా రాణిస్తూ అత్యంత బలమైన జట్లుగా నిలిచాయి.
ఈ టోర్నీలో ఫైనల్ చేరే క్రమంలో రెండు జట్లు కీలక మ్యాచులలో విజయాలు సాధించాయి. ఒకవైపు రాయల్ ఛాలెంజర్స్ బెంగళూరు జట్టు క్వాలిఫైయర్ 1 మ్యాచ్లో అద్భుత విజయాన్ని సాధించి నేరుగా ఫైనల్ బెర్త్ ఖాయం చేసుకుంది. మరోవైపు, గుజరాత్ టైటాన్స్ జట్టు రెండో క్వాలిఫైయర్ మ్యాచ్లో రాజస్థాన్ రాయల్స్పై విజయంతో ఫైనల్ టికెట్ను సొంతం చేసుకుంది. ఈ రెండు టేబుల్ టాపర్ జట్ల మధ్య జరగబోయే ఈ ఐపీఎల్ 2026 ఫైనల్ మ్యాచ్ అభిమానులకు అసలైన క్రికెట్ విందును అందించడం ఖాయంగా కనిపిస్తోంది.
బెంగళూరు నుంచి అహ్మదాబాద్కు వేదిక మార్పు..
వాస్తవానికి గత సీజన్ విజేతగా నిలిచిన ఆర్సీబీ హోం గ్రౌండ్ బెంగళూరులో ఐపీఎల్ 2026 ఫైనల్ నిర్వహించాల్సి ఉంది. అయితే గత ఏడాది విన్నింగ్ సెలబ్రేషన్ టైంలో తొక్కిసలాటలో ఫ్యాన్స్ చనిపోవడంతో ఈ ఏడాది ఫైనల్ వేదికను బీసీసీఐ పెద్దలు మార్చారు. మరోవైపు ఫైనల్ మ్యాచ్ నిర్వహణలో సమన్వయం కుదరదని, టికెట్లకు సంబంధించి సైతం ఆ రాష్ట్రం నుంచి కొన్ని డిమాండ్లు రావడంతో చిన్నస్వామి స్టేడియంలో జరగాల్సిన ఐపీఎల్ ఫైనల్ వేదిక అహ్మదాబాద్కు మారింది.
Will @RCBTweets keep the streak going? 🤔
— IndianPremierLeague (@IPL) May 30, 2026
Or will @gujarat_titans break it and script history? 👊#TATAIPL | #Final | #TheFinalLeap | #RCBvGT pic.twitter.com/M95yQzESrr
గత కొన్నేళ్లుగా వస్తున్న ఒక ఆసక్తికరమైన రికార్డు, చారిత్రాత్మక సెంటిమెంట్ క్రికెట్ వర్గాల్లో హాట్ టాపిక్గా మారింది. క్వాలిఫైయర్ 1 మ్యాచ్ గెలిచిన జట్టే సీజన్ విజేతగా నిలుస్తోంది. ఈ అరుదైన రికార్డును ఆర్సీబీ కొనసాగిస్తుందా, లేదా గుజరాత్ టైటాన్స్ దాన్ని బ్రేక్ చేస్తుందా అనేది ఉత్కంఠగా మారింది. ఈ సెంటిమెంట్ గుజరాత్ ఫ్యాన్స్ను టెన్షన్ పెడుతోంది.
Also Read: RCB vs GT ఫైనల్ వర్షం కారణంగా రద్దయితే, విజేత ఎవరు? IPL రూల్స్ ఇవే
గత ఎనిమిదేళ్ల ఐపీఎల్ విజేతల విశ్లేషణ
గత 8 ఏళ్ల ఐపీఎల్ ప్లేఆఫ్స్ వివరాలను పరిశీలిస్తే, క్వాలిఫైయర్ 1 (Qualifier 1) గెలిచిన జట్టే ఫైనల్లో కూడా విజయం సాధించి ఛాంపియన్స్గా నిలుస్తూ వస్తోంది. ఈ టేబుల్ పరిశీలిస్తే మీకు క్లారిటీ వస్తుంది.
| సీజన్ | క్వాలిఫైయర్ 1 విజేత | ఫైనల్ విజేత |
| 2018 | చెన్నై సూపర్ కింగ్స్ (CSK) | చెన్నై సూపర్ కింగ్స్ |
| 2019 | ముంబై ఇండియన్స్ (MI) | ముంబై ఇండియన్స్ |
| 2020 | ముంబై ఇండియన్స్ (MI) | ముంబై ఇండియన్స్ |
| 2021 | చెన్నై సూపర్ కింగ్స్ (CSK) | చెన్నై సూపర్ కింగ్స్ |
| 2022 | గుజరాత్ టైటాన్స్ (GT) | గుజరాత్ టైటాన్స్ |
| 2023 | చెన్నై సూపర్ కింగ్స్ (CSK) | చెన్నై సూపర్ కింగ్స్ |
| 2024 | కోల్కతా నైట్ రైడర్స్ (KKR) | కోల్కతా నైట్ రైడర్స్ |
| 2025 | రాయల్ ఛాలెంజర్స్ బెంగళూరు (RCB) | రాయల్ ఛాలెంజర్స్ బెంగళూరు |
| 2026 | రాయల్ ఛాలెంజర్స్ బెంగళూరు (RCB) | ? |
Before You Go
India vs Sri Lanka 1st Test Day 2 Highlights | గాలే టెస్టులో దంచికొట్టిన పడిక్కల్
టాప్ హెడ్ లైన్స్
ట్రెండింగ్ వార్తలు
