Rajat Patidar In Team India Race:  లైమ్‌లైట్ లోకి ఆర్‌సీబీ కెప్టెన్ పాటిదార్: టీమిండియాలోకి తీసుకోవాలంటూ డిమాండ్

సూర్యవంశీ టీమిండియా ఎంట్రీ చర్చల నడుమ ఆర్‌సీబీ కెప్టెన్ పాటిదార్ క్వాలిఫయర్ 1లో గుజరాత్ పై 93 పరుగుల మెరుపు ఇన్నింగ్స్ తో సంచలనం సృష్టించాడు. అలాగే రెండోసారి ఆర్సీబీని రెండోసారి ఫైన‌ల్ కు చేర్చాడు.

రజత్ పాటిదార్

Source : PTI

Rajat Patidar Captaincy Knock Puts RCB Into Final: భార‌త‌ క్రికెట్ సర్కిల్స్ లో అందరూ వైభవ్ సూర్యవంశీ సీనియర్ టీమ్ డెబ్యూ, శ్రేయస్ అయ్యర్ టీ20 పునరాగమనం గురించి మాట్లాడుకుంటున్న వేళ రాయల్ ఛాలెంజర్స్ బెంగళూరు (RCB) కెప్టెన్ రజత్ పాటిదార్ సైలెంట్ గా హిస్టరీ క్రియేట్ చేస్తున్నాడు. ఐపీఎల్ 2026 క్వాలిఫైయర్ 1 మ్యాచ్ లో గుజరాత్ టైటాన్స్ పై కేవలం 33 బంతుల్లోనే 93 పరుగులు చేసిన పాటిదార్ తనలోని అసలైన పొటెన్షియల్ ను ప్రపంచానికి మరోసారి చూపించాడు. ఒక ప్రశాంతమైన లీడర్ గా, సాలిడ్ బ్యాటర్ గా జట్టును నడిపిస్తూ ఆర్‌సీబీని వరుసగా రెండోసారి ఫైనల్ కు చేర్చిన పాటిదార్ ను ఇకపై ఎవరూ ఇగ్నోర్ చేయలేరు.

కెప్టెన్ గా రజత్ పాటిదార్ సక్సెస్.. 

ఐపీఎల్ 2025 సీజన్ కు ముందు రజత్ పాటిదార్ ఆర్‌సీబీ కొత్త కెప్టెన్ గా బాధ్యతలు చేపట్టాడు. కెప్టెన్సీ చేపట్టిన మొదటి ఏడాదిలోనే ఫ్రాంచైజీ హిస్టరీలోనే తొలిసారి ఐపీఎల్ టైటిల్ అందించి 18 ఏళ్ల నిరీక్షణకు తెరదించాడు. ఆ విజయం కేవలం అదృష్టం వల్ల రాలేదని నిరూపిస్తూ ఈ 32 ఏళ్ల రైట్ హ్యాండ్ బ్యాటర్ ఈ ఏడాది కూడా ఆర్‌సీబీని సగర్వంగా ఫైనల్ కు లీడ్ చేశాడు. గ్రౌండ్ లో చాలా కూల్ గా ఉండే పాటిదార్ లీడర్‌షిప్ స్కిల్స్ ఆర్‌సీబీకి ఇన్‌స్టంట్ రిజల్ట్స్ ఇస్తున్నాయి. గత మూడు సీజన్ల నుంచి 300 పైగా పరుగులు చేసిన అతడు, ఈసారి 14 మ్యాచ్ ల్లోనే 44.18 యావరేజ్ తో ఐదు హాఫ్ సెంచరీల సాయంతో 486 పరుగులు సాధించి బెస్ట్ కన్సిస్టెన్సీ చూపించాడు.

సెలెక్టర్ల దృష్టిలో పాటిదార్.. 

క్వాలిఫైయర్ 1 లో పాటిదార్ ఆడిన ఇన్నింగ్స్ చూసిన తర్వాత టీమిండియా సీనియర్ ఆఫ్ స్పిన్నర్ రవిచంద్రన్ అశ్విన్ తన యూట్యూబ్ ఛానెల్ లో ప్రశంసల వర్షం కురిపించాడు. నేషనల్ సెలెక్టర్ల మీటింగ్ లో పాటిదార్ పేరు కచ్చితంగా చర్చకు వస్తుందని, అలా జరగకపోతే సిస్టమ్ లోనే లోపం ఉన్నట్లు అని అశ్విన్ వ్యాఖ్యానించాడు. ప్లేఆఫ్స్ మ్యాచ్ ల్లో పాటిదార్ కు అద్భుతమైన రికార్డ్ ఉందని గుర్తు చేశాడు. ఈ ఇన్నింగ్స్ కంటే ముందు సెలెక్టర్ల రేసులో శ్రేయస్ అయ్యర్ కొంచెం ముందంజలో ఉన్నా, ప్రస్తుత పర్ఫార్మెన్స్ తో పాటిదార్ రేసులోకి దూసుకొచ్చాడని చెప్పాడు. పాటిదార్ స్పిన్నర్లను బాగా ఆడతాడని అందరికీ తెలుసని, గుజరాత్ పేసర్లను కూడా అతడు సమర్థవంతంగా ఎదుర్కోవడం తనను ఆశ్చర్యపరిచిందని అశ్విన్ విశ్లేషించాడు.

టీమిండియాలో హెవీ కాంపిటీషన్.. 

పాటిదార్ ఇప్పటికే ఇండియా తరఫున మూడు వన్డేలు, ఒక టీ20 మ్యాచ్ ఆడినా వచ్చిన అవకాశాలను సరిగ్గా యూజ్ చేసుకోలేకపోయాడు. ఇప్పుడు ఐపీఎల్ పర్ఫార్మెన్స్ తో టీ20 జట్టు సెలెక్షన్ కోసం గట్టిగా పోటీ పడుతున్నా టీమిండియా మిడిల్ ఆర్డర్ లో ఉన్న విపరీతమైన కాంపిటీషన్ అతడికి పెద్ద సవాల్ గా మారింది. సూర్యకుమార్ యాదవ్ ప్రస్తుతం ఫామ్ లో లేకపోయినా అతడు వరల్డ్ కప్ గెలిపించిన కెప్టెన్ క‌మ్ స్టార్ ప్లేయర్ కావడం, సూర్యకుమార్ కు ప్రత్యామ్నాయంగా శ్రేయస్ అయ్యర్ లాంటి కన్సిస్టెంట్ ప్లేయర్స్ రేసులో ముందుండటం పాటిదార్ ఆశలపై ఇంపాక్ట్ చూపే అవకాశం ఉంది. అయినా సరే పాటిదార్ తన పరుగుల వేటను ఆపకుండా సెలెక్టర్లకు సవాల్ విసురుతున్నాడు.

మరిన్ని చదవండి

కోహ్లీ సరికొత్త హిస్టరీ -   క్వాలిఫైయర్ 1 లో సత్తా.. వరల్డ్ రికార్డులు బద్దలు కొట్టిన రన్ మెషీన్

వ‌రుస‌గా రెండో సీజన్ లో ఫైన‌ల్లోకి ఆర్సీబీ.. జీటీని చిత్తుగా ఓడించిన ప‌తిదార్ సేన‌.. రాణించిన డ‌ఫీ, భువీ, తెవాటియా పోరాటం వృథా