ఐకాన్ స్టార్‌తో ఐపీఎల్ క్రికెటర్లు - బన్నీని కలిసిన రాహుల్ చాహర్, హర్‌ప్రీత్ బ్రార్
పంజాబ్ కింగ్స్ ఆటగాళ్లు రాహుల్ చాహర్, హర్‌ప్రీత్ బ్రార్ అల్లు అర్జున్‌ను కలిశారు.
PBKS in IPL: ప్రస్తుత ఐపీఎల్ సీజన్‌లో పంజాబ్ కింగ్స్ శుభారంభం చేసింది. ఐపీఎల్ 16వ సీజన్‌లో పంజాబ్ కింగ్స్ తమ మొదటి రెండు మ్యాచ్‌ల్లోనూ విజయం సాధించి శుభారంభం చేసింది. అదే సమయంలో సన్‌రైజర్స్ హైదరాబాద్ ఈ సీజన్‌లో చెత్త ప్రారంభాన్ని పొందింది. రైజర్స్ తమ రెండు ప్రారంభ మ్యాచ్‌లలో ఓడిపోయారు. ఇప్పుడు పంజాబ్ కింగ్స్, సన్‌రైజర్స్ హైదరాబాద్ మధ్య మ్యాచ్ జరగనుంది. ఆదివారం జరగనున్న ఈ మ్యాచ్ కోసం పంజాబ్ జట్టు హైదరాబాద్ చేరుకుంది. ఈ మ్యాచ్‌కు ముందు పంజాబ్ జట్టు ఐకాన్ స్టార్ అల్లు అర్జున్‌ను కలిశారు.
ఆదివారం సన్‌రైజర్స్ హైదరాబాద్‌తో మ్యాచ్‌కు ముందు పంజాబ్ కింగ్స్‌కు చెందిన కొందరు ఆటగాళ్లు సూపర్‌స్టార్ అల్లు అర్జున్‌ను కలిశారు. పంజాబ్ ఆటగాళ్లు రాహుల్ చాహర్, హర్‌ప్రీత్ బ్రార్ అల్లు అర్జున్‌తో సమయం గడిపారు. వారు అతనితో తమ ఫోటోలను సోషల్ మీడియాలో పంచుకున్నారు.
ఏప్రిల్ 8వ తేదీన అల్లు అర్జున్ పుట్టినరోజు. ఈ సందర్భంగా పంజాబ్‌కు చెందిన ఈ ఇద్దరు ఆటగాళ్లు అల్లు అర్జున్‌తో చాలా సమయాన్ని గడిపారు. రాహుల్ చాహర్ తన ఇన్‌స్టాగ్రామ్ ఖాతాలో దీనికి సంబంధించిన ఫొటో షేర్ చేశారు.
శిఖర్ ధావన్ కెప్టెన్సీలో పంజాబ్ కింగ్స్ ఆటతీరు గురించి చెప్పాలంటే ఈ జట్టు ఇప్పటివరకు చాలా బాగా ఆడింది. పంజాబ్ కెప్టెన్ శిఖర్ ధావన్ స్వయంగా ఆరెంజ్ క్యాప్ రేసులో ఉన్నాడు. పంజాబ్ తరఫున ఆడుతున్న ఆస్ట్రేలియా ఫాస్ట్ బౌలర్ నాథన్ ఎల్లిస్ పర్పుల్ క్యాప్ రేసులో ఉన్నాడు. ఇక ఆదివారం జరిగే మ్యాచ్‌లో సన్‌రైజర్స్‌ను ఓడించి పంజాబ్ వరుసగా మూడో విజయం సాధిస్తుందో లేదో చూడాలి. అదే సమయంలో ఆతిథ్య జట్టు హైదరాబాద్ కూడా పంజాబ్‌ను ఓడించి టోర్నీలో మొదటి గెలుపు సాధించాలని అనుకుంటుంది.
Recent Snap of Bunny with PBKs Players 💥@alluarjun #HappyBirthdayAlluArjun#PushpaTheRule #AlluArjun𓃵 #AlluArjun pic.twitter.com/El8TWABxcb
— Demi God Bunny ❤️ (@DEMI_GOD_BUNNY) April 7, 2023
పంజాబ్ కింగ్స్ షెడ్యూల్
9 ఏప్రిల్ 2023: పంజాబ్ కింగ్స్ vs సన్‌రైజర్స్ హైదరాబాద్, రాజీవ్ గాంధీ స్టేడియం, హైదరాబాద్
13 ఏప్రిల్ 2023: పంజాబ్ కింగ్స్ vs గుజరాత్ టైటాన్స్, PCA స్టేడియం, మొహాలీ
15 ఏప్రిల్ 2023: పంజాబ్ కింగ్స్ vs లక్నో సూపర్ జెయింట్స్, ఎకానా స్టేడియం, లక్నో
20 ఏప్రిల్ 2023: పంజాబ్ కింగ్స్ vs రాయల్ ఛాలెంజర్స్ బెంగళూరు, PCA స్టేడియం, మొహాలీ
22 ఏప్రిల్ 2023: పంజాబ్ కింగ్స్ vs ముంబై ఇండియన్స్ వాంఖడే స్టేడియం, ముంబై
28 ఏప్రిల్ 2023: పంజాబ్ కింగ్స్ vs లక్నో సూపర్ జెయింట్స్, పిసిఎ స్టేడియం, మొహాలీ
30 ఏప్రిల్ 2023: పంజాబ్ కింగ్స్ vs చెన్నై సూపర్ కింగ్స్ చెపాక్ స్టేడియం, చెన్నై
3 మే 2023: పంజాబ్ కింగ్స్ vs ముంబై ఇండియన్స్, PCA స్టేడియం, మొహాలీ
8 మే 2023: పంజాబ్ కింగ్స్ vs కోల్‌కతా నైట్ రైడర్స్, ఈడెన్ గార్డెన్స్, కోల్‌కతా
13 మే 2023: పంజాబ్ కింగ్స్ vs ఢిల్లీ క్యాపిటల్స్, అరుణ్ జైట్లీ స్టేడియం, ఢిల్లీ
17 మే 2023: పంజాబ్ కింగ్స్ vs ఢిల్లీ క్యాపిటల్స్, PCA స్టేడియం, మొహాలీ
19 మే 2023: పంజాబ్ కింగ్స్ vs రాజస్థాన్ రాయల్స్, PCA స్టేడియం, మొహాలీ
టాప్ హెడ్ లైన్స్
ట్రెండింగ్ వార్తలు
