News
News
X

IND vs WI, 3rd T20 Highlights: వెస్టిండీస్‌ను ఉతికేసిన టీమిండియా - మూడో టీ20లో ఘనవిజయం - 3-0తో వైట్‌వాష్!

IND vs WI, 3rd T20: వెస్టిండీస్‌తో జరిగిన మూడో టీ20లో టీమిండియా 17 పరుగులతో విజయం సాధించింది. సిరీస్‌ను 3-0తో వైట్‌వాష్ చేసింది.

FOLLOW US: 

IND Vs WI, T20 Result: వెస్డిండీస్‌తో జరిగిన మూడో టీ20లో భారత్ 17 పరుగుల తేడాతో విజయం సాధించంది. దీంతో సిరీస్‌ను కూడా 3-0తో వైట్ వాష్ చేసింది. మొదట బ్యాటింగ్ చేసిన భారత్ 20 ఓవర్లలో ఐదు వికెట్ల నష్టానికి 184 పరుగులు సాధించింది. సూర్యకుమార్ యాదవ్ (65: 31 బంతుల్లో, ఒక ఫోర్, ఏడు సిక్సర్లు) టాప్ స్కోరర్‌గా నిలిచాడు. అనంతరం వెస్టిండీస్ 20 ఓవర్లలో తొమ్మిది వికెట్ల నష్టానికి 167 పరుగులు మాత్రమే చేయగలిగింది. నికోలస్ పూరన్ (61: 47 బంతుల్లో, ఎనిమిది ఫోర్లు, ఒక సిక్సర్) రాణించినా... అది విజయానికి సరిపోలేదు.

పూరన్ దమ్ము సరిపోలేదు
185 పరుగుల భారీ లక్ష్యంతో బరిలోకి దిగిన వెస్టిండీస్‌కు ఆరంభంలోనే ఎదురుదెబ్బలు తగిలాయి. 2.4 ఓవర్లలో 26 పరుగులకే ఓపెనర్లు కైల్ మేయర్స్ (6: 5 బంతుల్లో), షాయ్ హోప్‌లను (8: 4 బంతుల్లో, రెండు ఫోర్లు) అవుట్ చేసి దీపక్ చాహర్ వెస్టిండీస్‌ను కష్టాల్లో పడేశాడు. అయితే వన్‌డౌన్‌లో వచ్చిన నికోలస్ పూరన్ (61: 47 బంతుల్లో, ఎనిమిది ఫోర్లు, ఒక సిక్సర్), రొవ్‌మన్ పావెల్ (25: 14 బంతుల్లో, రెండు ఫోర్లు, రెండు సిక్సర్లు)  కలిసి వెస్టిండీస్ ఇన్నింగ్స్‌ను చక్కదిద్దే ప్రయత్నం చేశారు. వీరిద్దరూ మూడో వికెట్‌కు 25 బంతుల్లోనే 47 పరుగులు జోడించారు.

ఆ తర్వాత వెస్టిండీస్ ఇన్నింగ్స్ మళ్లీ ఒడిదుడుకులకు లోనైంది. కేవలం 15 పరుగులు వ్యవధిలోనే రొవ్‌మన్ పావెల్, కీరన్ పొలార్డ్ (5: 7 బంతుల్లో), జేసన్ హోల్డర్ (2: 6 బంతుల్లో) అవుటయ్యారు. ఆ తర్వాత కాసేపటికే రోస్టన్ చేజ్ కూడా అవుట్ కావడంతో విండీస్ 100 పరుగులకే ఆరు వికెట్లు కోల్పోయింది.

ఈ దశలో ఆల్‌రౌండర్ రొమారియో షెపర్డ్ (29: 21 బంతుల్లో, ఒక ఫోర్, మూడు సిక్సర్లు), నికోలస్ పూరన్ వేగంగా ఆడారు. కేవలం 5.2 ఓవర్లలోనే వీరు ఏడో వికెట్‌కు 48 పరుగులు జోడించారు.అయితే విజయానికి 35 పరుగుల దూరంలో పూరన్ అవుటయ్యాడు. ఆ తర్వాత బ్యాట్స్‌మెన్ కూడా వెంట వెంటనే వికెట్లు కోల్పోవడంతో వెస్టిండీస్ 20 ఓవర్లలో తొమ్మిది వికెట్ల నష్టానికి 167 పరుగులకు పరిమితం అయింది. భారత బౌలర్లలో హర్షల్ పటేల్ మూడు వికెట్లు తీయగా... రవి బిష్ణోయ్, వెంకటేష్ అయ్యర్, దీపక్ చాహర్‌లకు రెండేసి వికెట్లు దక్కాయి.

అదరగొట్టిన స్కై, వెంకటేష్ అయ్యర్
 అంతకు ముందు టాస్ గెలిచిన వెస్టిండీస్ బౌలింగ్ ఎంచుకోవడంతో భారత్ మొదట బ్యాటింగ్‌కు దిగింది. ఓపెనర్లు ఇషాన్ కిషన్‌ (34: 31 బంతుల్లో, ఐదు ఫోర్లు), రుతురాజ్ గైక్వాడ్ (4: 8 బంతుల్లో, ఒక ఫోర్) భారత్‌కు శుభారంభం ఇవ్వలేకపోయారు. 10 పరుగుల వద్ద రుతురాజ్ అవుటయ్యాడు. ఆ తర్వాత వన్‌డౌన్‌లో వచ్చిన శ్రేయస్ అయ్యర్ (25: 16 బంతుల్లో, నాలుగు ఫోర్లు), ఇషాన్ కిషన్ రెండో వికెట్‌కు 53 పరుగులు జోడించారు. అయితే వీరిద్దరూ వరుస ఓవర్లలో అవుటయ్యారు.

తొమ్మిదో ఓవర్లో అయ్యర్‌ను వాల్ష్... పదో ఓవర్లో ఇషాన్ కిషన్‌ను రోస్టన్ చేజ్ అవుట్ చేశారు. రెండు వికెట్లు పడ్డాక బ్యాటింగ్‌కు వచ్చిన కెప్టెన్ రోహిత్ శర్మ (7: 15 బంతుల్లో) కూడా విఫలం అయ్యాడు. అనంతరం సూర్యకుమార్ యాదవ్ (65: 31 బంతుల్లో, ఒక ఫోర్, ఏడు సిక్సర్లు), వెంకటేష్ అయ్యర్ (35 నాటౌట్: 19 బంతుల్లో, నాలుగు ఫోర్లు, రెండు సిక్సర్లు) భారత్‌ను ఆదుకున్నారు.

వీరిద్దరూ ఐదో వికెట్‌కు కేవలం 37 బంతుల్లోనే 91 పరుగులు జోడించారు. చివరి ఐదు ఓవర్లలోనే వీరు 86 పరుగులు సాధించడం విశేషం. వెస్టిండీస్ బౌలర్లలో జేసన్ హోల్డర్, రొమారియో షెపర్డ్, రోస్టన్ చేజ్, హేడెన్ వాల్ష్, డొమినిక్ డ్రేక్‌లకు తలో వికెట్ దక్కింది. దీంతో భారత్ 20 ఓవర్లలో ఐదు వికెట్ల నష్టానికి 184 పరుగులు చేసింది.

Published at : 20 Feb 2022 10:57 PM (IST) Tags: Rohit Sharma Team India Kieron Pollard IND vs WI West Indies cricket team IND vs WI 3rd T20

సంబంధిత కథనాలు

Independence Day 2022: ఆట పెంచిన ప్రేమ - భారతదేశానికి స్వాతంత్ర్య దినోత్సవ శుభాకాంక్షలు తెలిపిన విదేశీ ఆటగాళ్లు!

Independence Day 2022: ఆట పెంచిన ప్రేమ - భారతదేశానికి స్వాతంత్ర్య దినోత్సవ శుభాకాంక్షలు తెలిపిన విదేశీ ఆటగాళ్లు!

Ross Taylor Slapgate: షాకింగ్‌ రిపోర్ట్స్‌! రాస్‌ టేలర్‌ను కొట్టింది శిల్పాశెట్టి భర్త రాజ్‌కుంద్రా!?

Ross Taylor Slapgate: షాకింగ్‌ రిపోర్ట్స్‌! రాస్‌ టేలర్‌ను కొట్టింది శిల్పాశెట్టి భర్త రాజ్‌కుంద్రా!?

BCCI vs IPL Franchises: బీసీసీఐ, ఐపీఎల్‌ ఫ్రాంచైజీల మధ్య ముసలం! పరిస్థితి విషమించనుందా?

BCCI vs IPL Franchises: బీసీసీఐ, ఐపీఎల్‌ ఫ్రాంచైజీల మధ్య ముసలం! పరిస్థితి విషమించనుందా?

CWG Champions PM Meeting: ఆటోగ్రాఫ్‌ చేసిన గ్లోవ్స్‌ను మోదీకిచ్చిన నిఖత్‌! గమ్చా అలంకరించిన హిమ దాస్‌!

CWG Champions PM Meeting: ఆటోగ్రాఫ్‌ చేసిన గ్లోవ్స్‌ను మోదీకిచ్చిన నిఖత్‌! గమ్చా అలంకరించిన హిమ దాస్‌!

Bradman Famous Duck Out: క్రికెట్ లెజెండ్ డాన్ బ్రాడ్‌మన్ ఖాతాలో ఫేమస్ డకౌట్ - విచిత్రంగా ముగిసిన కెరీర్

Bradman Famous Duck Out: క్రికెట్ లెజెండ్ డాన్ బ్రాడ్‌మన్ ఖాతాలో ఫేమస్ డకౌట్ - విచిత్రంగా ముగిసిన కెరీర్

టాప్ స్టోరీస్

Revanth Reddy : తెలంగాణను ఫిరాయింపుల ప్రయోగశాలగా మార్చేశారు- రేవంత్ రెడ్డి

Revanth Reddy : తెలంగాణను ఫిరాయింపుల ప్రయోగశాలగా మార్చేశారు- రేవంత్ రెడ్డి

Tummmala Nageswararao : హత్యారాజకీయాలు మంచిది కాదు, కార్యకర్తలు ఆవేశపడొద్దు - తుమ్మల

Tummmala Nageswararao :  హత్యారాజకీయాలు మంచిది కాదు, కార్యకర్తలు ఆవేశపడొద్దు - తుమ్మల

Brahmaji: పెళ్లై, బాబు ఉన్న మహిళను ప్రేమ వివాహం చేసుకున్నా: బ్రహ్మాజీ

Brahmaji: పెళ్లై, బాబు ఉన్న మహిళను ప్రేమ వివాహం చేసుకున్నా: బ్రహ్మాజీ

Kuppam Gold Mines : కుప్పంలో బంగారు గనులకు ఏపీ సర్కార్ గ్రీన్ సిగ్నల్, రూ.450 కోట్లకు ఎన్ఎండీసీ టెండర్లు!

Kuppam Gold Mines : కుప్పంలో బంగారు గనులకు ఏపీ సర్కార్ గ్రీన్ సిగ్నల్, రూ.450 కోట్లకు ఎన్ఎండీసీ టెండర్లు!