Kohli's 100th Test: కోహ్లీ వందో టెస్టు కోసం ఇంకా ఎన్ని రోజులు ఎదురు చూడాలంటే?

వాండరర్స్ టెస్టు ఆడుంటే త్వరగా విరాట్ వంద టెస్టుల ఘనతను అభిమానులు ఆస్వాదించేవారు. కానీ ఇప్పుడు అతడి వందో టెస్టు ఎప్పుడొస్తుందా అని ఎదురు చూస్తున్నారు!

విరాట్‌ కోహ్లీ

వెన్నునొప్పి వల్ల టీమ్‌ఇండియా టెస్టు కెప్టెన్‌ విరాట్‌ కోహ్లీ వాండరర్స్‌ టెస్టుకు దూరమయ్యాడు. ఫలితంగా అభిమానులు తీవ్రంగా నిరాశకు గురయ్యారు. ఇది అతడి కెరీర్లో 99వ టెస్టు కావడమే ఇందుకు కారణం. ఈ టెస్టు ఆడుంటే త్వరగా అతడి వంద టెస్టుల ఘనతను అభిమానులు ఆస్వాదించేవారు. కానీ ఇప్పుడు అతడి వందో టెస్టు ఎప్పుడొస్తుందా అని ఎదురు చూస్తున్నారు!

భారత క్రికెట్‌ చరిత్రలో తక్కువ వయసులోనే వంద టెస్టులకు చేరువైన క్రికెటర్లలో విరాట్‌ కోహ్లీ ముందుంటాడు. సెంచూరియన్‌లో జరిగిన టెస్టు అతడి కెరీర్లో 98వది. ఇదే సిరీసులో జరిగే మూడో టెస్టు కెరీర్లో వందోది అవుతుంది. ఈ నేపథ్యంలో వాండరర్స్‌లో జరిగే 99వ టెస్టు కోసం అభిమానులు ఆసక్తిగా ఎదురు చూశారు. ఈ మ్యాచులో ఫామ్‌లోకి వచ్చి సెంచరీ చేయాలని ఆశించారు. కానీ వారికి నిరాశే ఎదురైంది.

మ్యాచ్‌ తొలి రోజు కేఎల్‌ రాహుల్‌ టాస్‌కు వచ్చాడు. తాత్కాలిక కెప్టెన్‌గా వ్యవహరించాడు. తొలుత విరాట్‌ స్థానంలో రాహుల్‌ ఎందుకు వచ్చాడో అర్థం కాలేదు. అయితే విరాట్‌ వెన్నునొప్పితో బాధపడుతున్నాడని, ఫిజియోలు పర్యవేక్షిస్తున్నారని చెప్పడంతో విషయం తెలిసింది. ఐదు రోజుల్లో అతడు కోలుకుంటే దక్షిణాఫ్రికాతో మూడో టెస్టుకు సిద్ధమవుతాడు. దాంతో 99వ టెస్టు ముగుస్తుంది.

టీమ్‌ఇండియా 2022 షెడ్యూలు ప్రకారం దక్షిణాఫ్రికా సిరీసు తర్వాత కోహ్లీసేన భారత్‌కు తిరిగొస్తుంది. వెస్టిండీస్‌తో ఫిబ్రవరిలో మూడు వన్డేలు, మూడు టీ20లు ఆడనుంది. ఆ తర్వాత బెంగళూరులో శ్రీలంకతో తొలి టెస్టు ఆడుతుంది. ఇది కోహ్లీ వందో మ్యాచ్‌ అవుతుంది. మార్చి 5న, మొహాలిలో జరిగే టెస్టు 101వది అవుతుంది. అప్పటి వరకు అభిమానులు ఎదురు చూడక తప్పదు.

భారత్‌లో శ్రీలంక పర్యటన షెడ్యూలు
25 February-1 March: 1st Test, Bengaluru
March 5-9: 2nd Test, Mohali
March 13: 1st T20, Mohali
March 15: Second T20, Dharamsala
March 18: Third T20, Lucknow