T20 World Cup 2024 full schedule: టీ20 వరల్డ్ కప్ ఫుల్ షెడ్యూల్ వివరాలు - భారత్, పాక్ మ్యాచ్ ఎప్పుడంటే!
T20 World Cup 2024 full schedule: వెస్టిండీస్, అమెరికా దేశాలు ఆతిథ్యం ఇస్తున్న టీ20 వరల్డ్ కప్ 2024 జూన్ 2న ప్రారంభం కానుంది. మ్యాచ్ లకు సంబంధించిన పూర్తి వివరాలు స్టోరీలో చూడండి..
T20 World Cup 2024 full schedule: ఇంటర్నేషనల్ క్రికెట్ కౌన్సిల్ (ICC) పురుషుల T20 ప్రపంచ కప్ 2024కి ఇంకా రెండు రోజులు మాత్రమే మిగిలి ఉంది. టోర్నమెంట్ కోసం అమెరికాలో దిగిన కొన్ని జట్లు ఇప్పటికే ప్రాక్టీస్ ప్రారంభించాయి. మొత్తం 55 మ్యాచ్లు జరిగే ఈ ఈవెంట్లో 20 జట్లు ఐదు జట్లతో కూడిన 4 గ్రూపులుగా విభజించబడ్డాయి. ప్రతి గ్రూప్ నుండి సూపర్ ఎయిట్ దశకు చేరుకుంటాయి. అమెరికాలోని ఫ్లోరిడా, టెక్సాస్, న్యూయార్క్లలోని 9 వేదికల్లో మ్యాచులు జరుగుతుండగా, మిగిలినవి వెస్టిండీస్ అంటిగ్వా-బార్బుడా, బార్బడోస్, గయానా, సెయింట్ లూసియా, సెయింట్ విన్సెంట్-గ్రెన్ డైన్స్, ట్రినిడాడ్ అండ్ టొబాగా అతిథ్యమిస్తాయి. జూన్ 2న టెక్సాస్ లోని గ్రాండ్ ప్రైరీ స్టేడియంలో జరగనున్న మొదటి మ్యాచ్ లో కెనడా అమెరికా తలపడనుంది.
ఇక గ్రూప్ A లో సహ-ఆతిథ్య దేశం USA తోపాటు, దాయాది దేశాలు టీమిండియా, పాకిస్తాన్, అలాగే కెనడా, ఐర్లాండ్ లు ఉన్నాయి. గ్రూప్ Bలో ఇంగ్లాండ్, ఆస్ట్రేలియా , నమీబియా, స్కాట్లాండ్, ఒమన్ లు ఉన్నాయి. గ్రూప్ Cలో వెస్టిండీస్, న్యూజిలాండ్, ఆఫ్ఘనిస్తాన్, ఉగాండా, పాపువా న్యూ గినియాలు ఉండగా . గ్రూప్ Dలో దక్షిణాఫ్రికా, శ్రీలంక, బంగ్లాదేశ్, నెదర్లాండ్స్, నేపాల్ లు ఉన్నాయి. మ్యాచ్లు ఉదయం 5 గంటలు, 6 గంటలు, రాత్రి 8 గంటలు, రాత్రి 10:30, అర్ధ రాత్రి 12:30 ఇలా రకరకాల సమయాల్లో జరుగుతుండగా భారత మ్యాచులు ఆరంభమయ్యేది మాత్రం రాత్రి 8గంటలకు మాత్రమే.
టోర్నమెంట్లో ఆడే 20 జట్లను నాలుగు గ్రూపులుగా విడగొట్టారు. ఈ గ్రూపులోని ప్రతి జట్టు మరో జట్టుతో ఖచ్చితంగా మ్యాచ్ ఆడాల్సి ఉంటుంది. మొదటి 2 స్థానాల్లో నిలిచిన నాలుగు గ్రూపుల్లోని జట్లన్నీ కలిపి సూపర్ 8గా మారతాయి. ఆ 8 గ్రూప్ లను మళ్లీ రెండు గ్రూపులుగా విభజించి మ్యాచ్లు నిర్వహిస్తారు. అక్కడ కూడా టాప్ 2 సాధించిన ఇరు జట్లలోని నాలుగు టీంలు కలిపి సెమీఫైనల్ ఫైనల్ మ్యాచ్.. ఇలా గరిష్టంగా ఓ జట్టు 9 మ్యాచ్లు ఆడే అవకాశం ఉంది.
గ్రూపు ఏ: భారత్, ఐర్లాండ్, కెనడా, పాకిస్తాన్, అమెరికా
గ్రూప్ బీ: ఆస్ట్రేలియా, ఇంగ్లాండ్, నమీబియా, ఒమన్, స్కాట్లాండ్
గ్రూప్ సీ: ఆఫ్గానిస్తాన్, న్యూజిలాండ్, పపువా న్యూ గినియా, ఉగాండా, వెస్టిండీస్
గ్రూప్ డీ: బంగ్లాదేశ్, నేపాల్, నెదర్లాండ్స్, దక్షిణాఫ్రికా, శ్రీలంక
రెండు సెమీఫైనల్ మ్యాచ్లు జూన్ 27న జరగనుండగా..బార్బడోస్ వేదికగా జూన్ 29న ఫైనల్ మ్యాచ్ జరగనుంది. టీ20 వరల్డ్ కప్ మ్యాచ్లను భారత్లో స్టార్ స్పోర్ట్స్, డిస్నీ ప్లస్ హాట్ స్టార్ ప్రత్యక్ష ప్రసారం చేయనున్నాయి.
భారత జట్టు: రోహిత్ శర్మ (కెప్టెన్), హార్దిక్ పాండ్యా ( వికెట్ కీపర్), యశస్వి జైస్వాల్, విరాట్ కోహ్లీ, సూర్యకుమార్ యాదవ్, రిషబ్ పంత్ (వికెట్ కీపర్ ), సంజు శాంసన్ , శివమ్ దూబే, రవీంద్ర జడేజా, అక్షర్ పటేల్, కుల్దీప్ యాదవ్, యుజ్వేంద్ర చాహల్ , అర్ష్దీప్ సింగ్, జస్ప్రీత్ బుమ్రా, మొహమ్మద్. సిరాజ్
ట్రావెల్ రిజర్వ్లు: శుభమాన్ గిల్ , రింకూ సింగ్, ఖలీల్ అహ్మద్ మరియు అవేష్ ఖాన్.
టాప్ హెడ్ లైన్స్
ట్రెండింగ్ వార్తలు
