Rohit ODI Record: పదివేల పరుగుల క్లబ్‌లో హిట్‌మ్యాన్ - ఆసియా కప్‌లో అజేయ సారథిగా రికార్డు
టీమిండియా సారథి రోహిత్ శర్మ వన్డేలలో అరుదైన ఘనతను అందుకున్నాడు. యాభై ఓవర్ల ఫార్మాట్‌లో పదివేల పరుగుల మైలురాయిని అందుకున్నాడు.
Rohit ODI Record: భారత క్రికెట్ జట్టు సారథి రోహిత్ శర్మ వన్డేలలో మరో మైలురాయిని అందుకున్నాడు. 50 ఓవర్ల ఫార్మాట్0లో హిట్‌మ్యాన్ పదివేల పరుగుల క్లబ్‌లో చేరాడు. తద్వారా ఈ ఘనత సాధించిన ఆరో భారత (అంతర్జాతీయ స్థాయిలో 15) బ్యాటర్‌గా నిలిచాడు. మంగళవారం భారత్ - శ్రీలంక మధ్య ముగిసిన మ్యాచ్‌లో రోహిత్ ఈ ఘనత సాధించాడు. నిన్నటి మ్యాచ్‌లో హిట్‌మ్యాన్ సాధించిన రికార్డులు కింది విధంగా ఉన్నాయి.
రోహిత్ @ 10 వేలు
- వన్డేలలో పదివేల పరుగుల మైలురాయిని అత్యంత వేగంగా చేరుకున్న రెండో క్రికెటర్ రోహిత్. ఈ ఘనతను అందుకోవడానికి హిట్‌మ్యాన్‌కు 241 ఇన్నింగ్స్ అవసరం పడ్డాయి. అంతకుముందు విరాట్ కోహ్లీ 205 ఇన్నింగ్స్‌లలోనే పదివేల పరుగుల క్లబ్‌లో చేరాడు. భారత క్రికెట్ దిగ్గజం సచిన్ టెండూల్కర్ 259 ఇన్నింగ్స్, గంగూలీ 263 ఇన్నింగ్స్‌లలో ఈ ఘనతను సాధించారు. భారత క్రికెట్ జట్టులో సచిన్ (18,426), విరాట్ (13,027), గంగూలీ (11,363), ద్రావిడ్ (10,889), ఎంఎస్ ధోని (10,773) తర్వాత స్థానం రోహిత్ (10,031)దే..
- రోహిత్‌కు ఆసియా కప్ - 2023లో ఇది వరుసగా మూడో అర్థ సెంచరీ. తద్వారా అతడు ఈ టోర్నీ చరిత్రలో 10 కంటే ఎక్కువగా ఫిఫ్టీ ప్లస్ స్కోర్లు చేసిన భారత బ్యాటర్‌గా నిలిచాడు. శ్రీలంకతో మ్యాచ్‌లో చేసిన 53 పరుగులతో ఈ టోర్నీలో రోహిత్ 10 అర్థ శతకాలు పూర్తి చేశాడు. ఆసియా కప్‌లో రోహిత్ ఖాతాలో ఓ సెంచరీ కూడా ఉంది. 25 ఇన్నింగ్స్‌లలో 10 అర్థ శతకాలు ఒక శతకంతో ఉన్న రోహిత్.. కుమార సంగక్కర (8 హాఫ్ సెంచరీలు, నాలుగు సెంచరీలు - 12) తర్వాత ఫిఫ్టీ ప్లస్ స్కోరు చేసిన రెండో ఆటగాడిగా రికార్డులకెక్కాడు.
🚨 Milestone 🔓
— BCCI (@BCCI) September 12, 2023
1⃣0⃣0⃣0⃣0⃣ ODI runs & counting 🙌 🙌
Congratulations to #TeamIndia captain Rohit Sharma 👏 👏
Follow the match ▶️ https://t.co/P0ylBAiETu #AsiaCup2023 | #INDvSL pic.twitter.com/STcUx2sKBV
- వన్డేలలో అత్యంత వేగంగా 8వేల పరుగులు పూర్తి చేసుకున్న క్రికెటర్ కూడా రోహిత్ శర్మనే..
- ఈ మ్యాచ్‌లో గిల్ నిష్క్రమించిన తర్వాత కోహ్లీతో కలిసి రోహిత్ రెండో వికెట్‌కు 10 పరుగులు జోడించాడు. తద్వారా వన్డేలలో ఈ జోడీ 5 వేల పరుగుల భాగస్వామ్యాన్ని పూర్తిచేసుకున్నారు.
ఆసియా కప్‌లో ఓటమెరుగని సారథి..
- ఆసియా కప్‌లో ఓటమెరుగని సారథిగా రోహిత్ శర్మ రికార్డు కొనసాగుతోంది. వన్డే ఫార్మాట్‌లో 2018లో నిర్వహించిన ఆసియా కప్‌కు అతడే సారథి. ఆ టోర్నీలో ఐదు మ్యాచ్‌లను నెగ్గి ట్రోఫీ కూడా నెగ్గిన రోహిత్ సేన ఇప్పుడు నేపాల్, పాకిస్తాన్, శ్రీలంకలపై గెలిచింది. రోహిత్‌కు వరుసగా ఇది 8వ విజయం. ఆసియా కప్‌లో భారత్ తరఫున అత్యధిక వన్డేలు గెలిచిన సారథులలో 9 విజయాలతో ధోని ప్రథమ స్థానంలో ఉండగా రోహిత్ 8 విజయాలతో ఉన్నాడు.
Star Sports poster for Rohit Sharma and Virat Kohli for completing 5,000 runs as a pair. pic.twitter.com/W95zfzUpR5
— Mufaddal Vohra (@mufaddal_vohra) September 12, 2023
ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి
Join Us on Telegram: https://t.me/abpdesamofficial
టాప్ హెడ్ లైన్స్
ట్రెండింగ్ వార్తలు
