Arjuna award : ఏపీ అంధ క్రికెటర్‌కు అర్జున అవార్డు , అజయ్‌కు ప్రతిష్ఠాత్మక పురస్కారం

Arjuna award: ఆంధ్రప్రదేశ్‌ పల్నాడు జిల్లాకు చెందిన అంధ క్రికెటర్ ఇల్లూరి అజయ్ కుమార్ రెడ్డి అర్జున అవార్డుకు ఎంపికయ్యారు.

ఏపీ అంధ క్రికెటర్‌ ఇల్లూరి అజయ్ కుమార్ కు అర్జున అవార్డు ( Image Source : Twitter )

ఆంధ్రప్రదేశ్‌(Andhra Pradesh) పల్నాడు జిల్లా(Palnadu District)కు చెందిన అంధ క్రికెటర్ ఇల్లూరి అజయ్ కుమార్ రెడ్డి(Valloori Ajay Kumar Reddy) అర్జున అవార్డు(Arjuna Award )కు ఎంపికయ్యారు. ప్రస్తుతం ఆయన భారత్ అంధుల క్రికెట్ జట్టుకు కెప్టెన్‌గా వ్యవహరిస్తున్నారు. మాచర్ల(Macharla)లో పుట్టి పెరిగి..  నరసరావుపేట(Narasaraopeta)లో విద్యాభ్యాసం పూర్తి చేసిన అజయ్ కుమార్.... అక్కడే క్రికెట్ ఆడటం నేర్చుకున్నారు. అంచలంచెలుగా అంధ క్రికెట్‌లో రాణిస్తూ భారత జట్టుకు ఆడటంతో పాటు నేతృత్వం వహించే స్థాయికి ఎదిగారు.  అర్జున అవార్డుకు అజయ్ ఎంపిక కావటంతో పలువురు అభినందనలు తెలిపారు.

 

ఏపీకి అవార్డులు

కేంద్ర ప్రభుత్వం 2023 ఏడాదికిగానూ జాతీయ క్రీడా అవార్డులను ప్రకటించింది. యువజన వ్యవహారాలు & క్రీడల మంత్రిత్వ శాఖ బుధవారం ఖేల్ రత్న(Khel Ratna Award), ద్రోణాచర్య(Dronacharya Award), అర్జున అవార్డు (Arjuna Awards 2023)లను ప్రకటించింది. బ్యాడ్మింటన్ ఆటగాళ్లు చిరాగ్ శెట్టి (Chirag Shetty), ఆంధ్రప్రదేశ్ లోని పిఠాపురానికి చెందిన రాంకిరెడ్డి సాత్విక్ సాయి రాజ్‌ (Satwiksairaj Rankireddy)కు మేజర్ ధ్యాన్ చంద్ ఖేల్ రత్న అవార్డు (Major Dhyan Chand Khel Ratna Award)ను ప్రకటించారు. క్రీడల్లో ఈ ఏడాది అత్యుత్తమ ప్రదర్శన చేసిన మరో 26 మందిని అర్జున అవార్డు వరించింది. టీమిండియా పేసర్ మహ్మద్ షమీ (Mohammed Shami )కి కేంద్రం అర్జున అవార్డు ప్రకటించింది.  అయిదుగురు కోచ్ లకు ద్రోణాచార్య అవార్డుకు ఎంపిక చేశారు. 

 

మేజర్ ధ్యాన్ చంద్ ఖేల్ రత్న అవార్డు 2023 గ్రహీతలు

1. చిరాగ్ చంద్రశేఖర్ శెట్టి(Chirag Shetty) (బ్యాడ్మింటన్)

2. రంకిరెడ్డి సాత్విక్ సాయి రాజ్(Satwiksairaj Rankireddy) (బ్యాడ్మింటన్)

 

అర్జున అవార్డులు 2023 విజేతలు వీరే..

1. ఓజస్ ప్రవీణ్ డియోటలే(Ojas Pravin Deotale) (ఆర్చర్)

2. అదితి గోపీచంద్ స్వామి (ఆర్చర్)(Aditi Gopichand Swamy (Archer)

3. ఎం శ్రీశంకర్ (అథ్లెటిక్స్)(M Srishankar (Athletics)

4. పారుల్ చౌదరి (అథ్లెటిక్స్)(Parul Chaudhary (Athletics)

5. మొహమీద్ హుసాముద్దీన్ (బాక్సింగ్)(Mohamed Husamuddin (Boxing)

6. ఆర్ వైశాలి (చెస్)(R Vaishali (Chess)

7. మహ్మద్ షమీ (క్రికెట్)(Mohammed Shami (Cricket)

8. అనూష్ అగర్వాలా (ఈక్వెస్ట్రియన్)(Anush Agarwala (Equestrian)

9. దివ్యకృతి సింగ్ (ఈక్వెస్ట్రియన్ డ్రెస్సేజ్)(Divyakriti Singh (Equestrian Dressage)

10. దీక్షా దాగర్ (గోల్ఫ్)(Deeksha Dagar (Golf)

11. క్రిషన్ బహదూర్ పాఠక్ (హాకీ)(Krishan Bahadur Pathak (Hockey)

12. సుశీల చాను (హాకీ)((Sushila Chanu (Hockey)

13. పవన్ కుమార్ (కబడ్డీ)(Pawan Kumar (Kabaddi)

14. రీతు నేగి (కబడ్డీ)(Ritu Negi (Kabaddi)

15. నస్రీన్ (ఖో-ఖో)(Nasreen (Kho-Kho)

16. పింకి (లాన్ బౌల్స్)(Pinky (lawn bowls)

17. ఐశ్వరీ ప్రతాప్ సింగ్ తోమర్ (షూటింగ్)(Aishwari Pratap Singh Tomar (Shooting)

18. ఈషా సింగ్ (షూటింగ్)(Esha Singh (Shooting)

19. హరీందర్ పాల్ సింగ్ సంధు (స్క్వాష్)(Harinder Pal Singh Sandhu (Squash)

20. అహికా ముఖర్జీ (టేబుల్ టెన్నిస్)(Ahika Mukherjee (Table Tennis)

21. సునీల్ కుమార్ (రెజ్లింగ్)(Sunil Kumar (Wrestling)

22. ఆంటిమ్ (రెజ్లింగ్)(Antim (Wrestling)

23. నౌరెమ్ రోషిబినా దేవి (వుషు)(Naurem Roshibina Devi (Wushu)

24. శీతల్ దేవి (పారా ఆర్చరీ)(Sheetal Devi (Para Archery)

25. ఇల్లూరి అజయ్ కుమార్ రెడ్డి (అంధుల క్రికెట్)(Illuri Ajay Kumar Reddy (Blind Cricket)

26. ప్రాచీ యాదవ్ (పారా కానోయింగ్)(Prachi Yadav (Para Canoeing)

 

అత్యుత్తమ కోచ్‌లకు ద్రోణాచార్య అవార్డు 2023..

1. లలిత్ కుమార్ (రెజ్లింగ్)

2. R. B. రమేష్ (చెస్)

3. మహావీర్ ప్రసాద్ సైనీ (పారా అథ్లెటిక్స్)

4. శివేంద్ర సింగ్ (హాకీ)

5. గణేష్ ప్రభాకర్ దేవ్రుఖ్కర్ (మల్లఖాంబ్)