Sunday Puja Vidhi : ఆదివారం ఉప్పు తినొద్దు! ఈ రోజు పూజావిధానం, ఫలితాల గురించి తెలుసుకోండి!

Ravivar Vrat Vidhi: వారంలో ప్రతి రోజూ ఓ దేవుడికి అంకితం..అలా..ఆదివారం ప్రత్యక్షనారాయణుడికి అంకితమైన రోజు. ఈ రోజు పూజా విధానం, దానివల్ల పొందే ఫలితాలు తెలుసుకోండి

Adivaram Surya Puja Vidhanam

Source : https://in.pinterest.com/pin/617556167696338331/

Show Quick Read

Key points generated by AI, verified by newsroom

• ఆదివారం ఉప్పు, మాంసం, నలుపు దుస్తులు ధరించడం నిషిద్ధం.

Surya Dev:  హిందూ ధర్మంలో నిత్యపూజ జీవితంలో శాంతిని, ఐశ్వర్యాన్ని, ఆరోగ్యాన్ని తీసుకొచ్చేదిగా భావిస్తారు. వారంలో రోజుకో దేవుడిని ప్రత్యేకంగా ఆరాధిస్తారు. ఆదివారం ఆదిత్యుడిని పూజిస్తారు. గ్రహాలకు అధిపతి అయిన సూర్యుడిని ఆరోగ్యం, ఐశ్వర్యం, గౌరవం, విజయం, ఆత్మవిశ్వాసానికి ప్రతీకగా చెబుతారు..అందుకే "ఆరోగ్యం భాస్కరాదిచ్చేత్" అని శాస్త్రం చెబుతుంది. నిత్య పూజలో భాగంగా ఆదివారం సూర్య భగవానుడిని భక్తితో కొలిస్తే మంచి ఫలితాలు తప్పకుండా పొందుతారని ఆధ్యాత్మికవేత్తలు చెబుతారు.
 
సూర్యుడిని నిత్యం పూజించేవారి జాతకంలో ఉండే చాలా దోషాలకు పరిహారంలా పనిచేస్తుంది. దీర్ఘకాలిక అనారోగ్యంతో బాధపడేవారు సూర్యుడిని నిత్యం పూజిస్తే ఉపశమనం లభిస్తుంది. జాతకంలో సూర్యుడి స్థానం బలపడుతుంది. అయితే ఆదివారం రోజు కొన్ని నియమాలు పాటించడం కూడా ముఖ్యమే..

ఆదివారం సూర్యుడి పూజా విధానం
 
ఆదివారం పూజ  ఆదిత్యుడి అనుగ్రహం పొందడానికి చేస్తారు. ఈ రోజు సూర్యోదయానికి ముందే నిద్రలేవడం శుభప్రదం. వేకువజామునే స్నానమాచరించి ఎరుపు రంగు దుస్తులు ధరించండి.  ఎరుపు సూర్య భగవానుడికి ప్రీతిపాత్రమైనది. రాగి చెంబులో నీరుపోసి అందులో ఎర్ర చందనం, ఎరుపు పూలు, అక్షతలు, కుంకుమ కలపండి. సూర్యుడు ఉదయించే దిశగా నిల్చుని.. రెండు చేతులు పైకెత్తి కలశలో నీటిని ఎడమచేస్తో పట్టుకుని కుడిచేత్తో అర్ఘ్యం ఇవ్వండి. సూర్య భగవానుడికి అర్ఘ్యం ఇచ్చే సమయంలో 'ఓం సూర్యాయ నమః' , 'ఓం హ్రాం హ్రీం హ్రౌం సః సూర్యాయ నమః' అనే మంత్రాన్ని పఠించండి.  

అర్ఘ్యం ఇచ్చి వచ్చిన తర్వాత ఇంట్లో పూజా స్థలంలో పీఠంపై ఎర్రటి వస్త్రం పరిచి దానిపై సూర్యుడి చిత్ర పటం లేదా విగ్రహం లేదా రాగి నాణెం పెట్టి...ఎర్రటి పూలతో పూజచేయండి. దీపం, ధూపం, నైవేద్యం సహా మీ శక్తిమేరకు షోడసోపచార పూజ పూర్తిచేయండి. సూర్యుడి అష్టోత్తరం, ఆదిత్యహృదయం పఠించిన తర్వాత హారతి ఇవ్వండి.  

ఆదివారం పాటించాల్సిన నియమాలు

వేకువజామునే లేచి స్నానం చేయాలి

ఆదివారం నలుపు, నీలం రంగు దుస్తులు ధరించవద్దు

ఉప్పు తినొద్దు, మద్యం - మాంసానికి దూరంగా ఉండాలి

ఎవరిపైనా కోప్పడొద్దు, అవమానించవద్దు, అబద్ధాలు చెప్పొద్దు

చెడు ఆలోచనలు మనసులోకి రానివ్వవద్దు

ఈ రోజు శరీరాన్ని నూనెతో మర్దన చేయకూడదు

సూర్య భగవానుడి పూజ చేసేవారు జుట్టు, గడ్డం కత్తిరించుకోవద్దు

 సూర్య బీజ మంత్రం

"ఓం హ్రాం హ్రీం హ్రౌం సః సూర్యాయ నమః" 

ఈ శక్తివంతమైన మంత్రాన్ని క్రమం తప్పకుండా జపించడం వల్ల శరీరంలోని సహజ చికిత్సా శక్తి పెరుగుతుంది. ఈ బీజ మంత్రం ప్రభావంతో జీవితంలో వెలుగు నిండుతుంది, ఆనందం పెరుగుతుంది.

గమనిక: ఆధ్యాత్మికవేత్తలు సూచించిన వివరాలు, ఆధ్యాత్మిక గ్రంధాల్లో పొందుపరిచిన సమాచారం ఆధారంగా అందించిన కథనం ఇది. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం.  దీనిని అనుసరించేముందు మీరు విశ్వశించే పండితుల సలహాలు స్వీకరించగలరు.

మరిన్ని చదవండి

కృష్ణపింగళ సంకష్టి చతుర్థి జూలై 3 లేదా 4? శుభ సమయం, పూజా విధానం తెలుసుకోండి!

జూలై 16 కర్కాటక సంక్రాంతి.. ప్రతికూల శక్తులు విజృంభిస్తాయ్! ఈ పనులు, ఈ ఆహారాలు దూరంగా ఉండండి