Bindi Astrology: మీ బొట్టు తీసి అద్దానికి, బాత్రూమ్ లోనూ అతికిస్తున్నారా! ఎఫెక్ట్ ఎలా ఉంటుందో తెలుసా?

Astrology: చిన్న బొట్టు స్త్రీ ముఖానికి అందాన్ని ఇస్తుంది, కానీ దాన్ని అద్దానికి అతికించడం, తిరిగి పెట్టుకోవడం వల్ల మీ జీవితంలో అనేక సమస్యలు కూడా వస్తాయని మీకు తెలుసా?  

Bindi Astrology in Telugu

Source : ABP Live

Show Quick Read

Key points generated by AI, verified by newsroom

• అద్దాలను ఎప్పుడూ శుభ్రంగా ఉంచాలి; తూర్పు దిశలో శ్రేయస్కరం.

భారతీయ మహిళలకు రోజువారీ అలంకరణలో  బొట్టు ఓ భాగం. ఇది అందం కోసం మాత్రమే కాదు మంగళం, శక్తి, ఆధ్యాత్మిక శక్తికి ప్రతీక. అయితే చాలామంది మహిళలు అద్దంపై బొట్టు అతికించడం, తీసి పెట్టుకోవడం చేస్తుంటారు. చాలా మంది మహిళలకు ఈ అలవాటు ఉంటుంది. నుదుటిన ఉన్న బొట్టు తీసి ఠక్కున అద్దానికి తగిలిస్తారు..కొందరు డ్రెస్సింగ్ టేబుల్ అద్దానికి తగిలిస్తే మరికొందరు బాత్రూమ్ లో అతికిస్తుంటారు. ఇది చాలా చిన్న చర్యే కానీ ఆ ప్రభావం తీవ్రంగా ఉంటుందని హెచ్చరిస్తున్నారు వాస్తుశాస్త్ర నిపుణులు

అద్దం మన ప్రతి బింబాన్ని చూపించే పవిత్రమైన వస్తువు. కొందరు స్త్రీలు అద్దంపై కుంకుమ బొట్టు అతికించడం అంటే దేవతలకు నివేదించినట్టు భావిస్తారు. ఇది లక్ష్మీదేవి కటాక్షానికి సంకేతం. కానీ అద్దం ఎప్పుడూ స్వచ్ఛంగా ఉండాలని సంప్రదాయాలు చెబుతున్నాయి. బొట్టు అతికించడం వల్ల మసకబారితే బింబం స్పష్టంగా కనిపించదు...ఇది మానసికంగా అసౌకర్యం కలిగిస్తుంది.  
 
బొట్టును అదృష్టానికి చిహ్నంగా భావిస్తారు. వివాహిత స్త్రీలు తమ భర్తల దీర్ఘాయువు కోసం దానిని నుదుటిపై పెట్టుకుంటారు, కానీ తరచుగా స్త్రీలు తెలిసి లేదా తెలియక బొట్టు విషయంలో కొన్ని పొరపాట్లు చేస్తారు, అవి వైవాహిక జీవితానికి నష్టదాయకంగా పరిణమించవచ్చంటున్నారు వాస్తు నిపుణులు. 

అద్దం ముందు నిల్చుని రెడీ అయిన తర్వాత.. అంతకు ముందు దానికి బొట్టు తగిలించడం..దాన్ని తీసి తిరిగి పెట్టుకోవడం చాలామంది చేస్తుంటారు. వాస్తు శాస్త్రంలో అద్దాలు శక్తిని ప్రతిబింబించే శక్తివంతమైన అంశంగా పరిగణిస్తారు. ఒక మహిళ అద్దంపై బొట్టు పెట్టుకున్నప్పుడు, అది ప్రతికూల శక్తిని ఆకర్షించగలదు. అద్దంపై చుక్క పెట్టడం వల్ల ఆ ప్రాంతంలో ప్రతికూల ప్రకంపనలు ఏర్పడి, అది ఇంటి శ్రేయస్సు, సంతోషాన్ని ప్రభావితం చేస్తుందని నమ్ముతారు. ఈ అలవాటు ఒక సంతోషకరమైన కుటుంబాన్ని కష్టాల్లోకి నెట్టేస్తుందట. భార్య భర్త మధ్య కూడా వివాదాలు, ఇంట్లో ఆర్థిక నష్టాలు, అనవసర ఖర్చులు, ఆర్థిక అస్థిరత పెరుగుతుందని జ్యోతిష్య శాస్త్ర నిపుణులు చెబుతున్నారు. 

అద్దం పడకగదిలో లేదా ప్రధాన ద్వారం దగ్గర ఉంచితే, అది ఆర్థిక నష్టాన్ని ప్రోత్సహిస్తుంది. అద్దంపై చుక్కల గుర్తులు ఉంటే, వాటిని క్షుణ్ణంగా శుభ్రం చేయండి. ఈ గుర్తులను అలాగే వదిలేయడం ప్రతికూలతకు ఆహ్వానం పలికినట్టే. ఇక స్నానాల గదిని అపవిత్రమైన , అశుభ్రమైన ప్రదేశంగా పరిగణిస్తారు కాబట్టి, స్నానాల గది గోడకు లేదా అద్దానికి బొట్టు అంటించడం సరికాదంటున్నారు. అద్దానికి అతికించిన బొట్టు తీసి పెట్టుకునే కన్నా కొత్తగా పెట్టుకోవాలని సూచిస్తున్నారు.

వాస్తు శాస్త్రం ప్రకారం అద్దాన్ని శక్తి ఆకర్షణగా, నీటి తత్వంలో ముడిపడినవిగా భావిస్తారు. అవి సానుకూల శక్తిని రెట్టింపు చేస్తాయి కాబట్టి ఉత్తరం లేదా తూర్పు దిశలో ఉంచడం శుభప్రదం. దక్షిణం లేదా పశ్చిమం వైపు అద్దం ఉంచకూడదు. అద్దంపై బొట్టు లాంటి మార్కులు ఉంటే అవి స్వచ్ఛతకు భంగం కలిగిస్తాయి. అందుకే అద్దం ఎప్పుడూ మెరుస్తూ ఉండాలని సూచిస్తారు వాస్తు నిపుణులు.  తూర్పు వైపు అద్దంలో బొట్టు పెట్టుకుంటే భర్త ఆయుష్షు పెరుగుతుంది. దక్షిణ దిశవైపు తిరిగి బొట్టు ఎప్పుడూ పెట్టుకోరాదు.  

గమనిక: ఆధ్యాత్మికవేత్తలు సూచించిన వివరాలు, ఆధ్యాత్మిక గ్రంధాల్లో పొందుపరిచిన సమాచారం ఆధారంగా అందించిన కథనం ఇది. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం.  దీనిని అనుసరించేముందు మీరు విశ్వశించే పండితుల సలహాలు స్వీకరించగలరు.

మరిన్ని చదవండి

ప్రకృతి మనతో మాట్లాడుతుంది, మనం వినాలి - నేరేడు పండ్ల వెనుక శాస్త్రం & ప్రకృతి సంకేతంలో నిజమెంత!

సంకష్టహర చతుర్థి ఉపవాసం, పూర్తి పూజా విధానం, తప్పనిసరిగా పాటించాల్సిన పరిహారాలు!